کرپٹوکرنسی ریگولیشن کا نظام بنایا ‘ مفتاھ اسماعیل کا بیانیہ بھارت جیسا : عطاتارڑ
اشاعت کی تاریخ: 29th, July 2025 GMT
اسلام آباد (اپنے سٹاف رپورٹر سے+ اے پی پی) وفاقی وزیر اطلاعات و نشریات عطاء اللہ تارڑ نے کہا ہے کہ رجب طیب اردگان کے دور میں پاک ترک تعلقات کو ایک نئی جہت ملی، وہ مسلم امہ کے مضبوط رہنما ہیں۔ اسلام آباد میں ڈاکٹر فرقان حمید کی کتاب ’دی ٹائیگر آف اسلامک ورلڈ‘ کی تقریب رونمائی سے خطاب میں وفاقی وزیر نے کہا کہ کتاب میں اسلامی تہذیب اور تمدن کو بہتر انداز میں پیش کیا گیا ہے۔ اردگان با اصول سیاستدان ہیں، ان کے دور میں پاک ترک دوطرفہ تعلقات کو نئی جہت ملی اور پاک ترک تعلقات مختلف شعبوں میں مضبوط ہوئے۔ ترک صدر نے اپنا معیار عوامی آدمی کے طور پر منوایا ہے۔ وہ ایک عوامی آدمی ہونے کے ساتھ ایک بہترین منتظم بھی ہیں۔ بطور میئر استنبول انہوں نے ایک بہترین وراثت چھوڑی۔ اردگان نے دوطرفہ دوستانہ تعلقات کو نئی بلندیوں پر پہنچایا اور پاک ترک عوام بھی باہمی تعلقات مضبوط کر رہے ہیں۔ غزہ اور فلسطین کے مسلمانوں کی آواز ہر فورم پر اٹھانے پر رجب طیب اردگان کو سلام پیش کرتے ہیں۔ مسلم ممالک کو کوئی بھی مسئلہ درپیش ہو تو رجب طیب اردگان نے سب سے پہلے آواز اٹھائی۔ شہباز شریف نے ہر فورم پر مسئلہ فلسطین کی بات کی ہے۔ میڈیا سے گفتگو میں عطاء اللہ تارڑ نے کہا ہے کہ اسحاق ڈار کے بیان کو سیاق و سباق سے ہٹ کر پیش کیا گیا۔ ڈاکٹر عافیہ صدیقی کی رہائی کے لئے پاکستان سفارتی و قانونی مدد فراہم کر رہا ہے۔ ڈاکٹر عافیہ صدیقی کی رہائی کے لئے جتنی کوششیں اس دور میں کی جا رہی ہیں شاید ہی کبھی ہوئی ہوں، اسحاق ڈار نے بھی وضاحت کر دی ہے۔ ان کے بیان کو سیاق و سباق سے ہٹ کر پیش کیا گیا۔ یہ مخالفین کی سازش تھی۔ اسحاق ڈار کے حوالے سے غلط خبر دی گئی کہ وہ شوگر ایڈوائزری بورڈ کے رکن ہیں۔ ریکارڈ چیک کر لینا چاہئے۔ سینٹ کے اندر ایک سوال کیا گیا جس کا جواب محکمہ نے تحریری طور پر جمع کرایا۔ جو بھی معاملات ہیں وہ تحریری طور پر فلور آف دی ہائوس پر موجود ہیں۔ پاکستان واحد ملک ہے جس میں کرپٹو کرنسی کی ریگولیشن کے حوالے سے نظام وضع کیا ہے۔ کرپٹو کونسل بنائی گئی۔ عطاء اللہ تارڑ نے کہا کہ مفتاح کا بھی وہی بیانیہ ہے جو انڈیا کا کرپٹو کے بارے میں ہے۔ کرپٹو ایک ریگولیٹڈ انڈسٹری ہے، اس کے باقاعدہ قوانین بنائے گئے ہیں۔ کسی پر بلا وجہ الزام لگانا دشمن کا ایجنڈا ہے، پاکستان کا نہیں۔ پاکستان کی معیشت ترقی کر رہی ہے جو انہیں ہضم نہیں ہو رہی۔ کرپٹو کرنسی کی ریگولیشن کے حوالے سے نظام وضع کیا گیا ہے۔ کرپٹو کرنسی سے متعلق مفتاح اسماعیل کا بیانیہ زمینی حقائق کے برعکس ہے۔ کرپٹو کونسل بنائی گئی، قوانین بنائے گئے۔ کرپٹو کی پاکستان کے اندر گروتھ ہے۔ ماضی میں ہم نے دیکھا ہے کہ ہمارے دشمن نے کرپٹو سے متعلق اقدامات پر سوالات اٹھائے۔ مفتاح اسماعیل کا بھی وہی بیانیہ ہے جو انڈیا کا کرپٹو کے بارے میں ہے۔ وفاقی وزیر نے کہا کہ کرپٹو ایک ریگولیٹڈ انڈسٹری ہے، اس کے باقاعدہ قوانین بنائے گئے ہیں۔ ایک بڑھتا ہوا شعبہ ہے۔ اس کے متعلق بغیر تحقیق کے بات کرنا، کسی پر بلا وجہ الزام لگانا دشمن کا ایجنڈا ہے، پاکستان کا نہیں۔ انہوں نے کہا کہ پاکستان کی معیشت ترقی کر رہی ہے تو شاید انہیں ہضم نہیں ہو رہی۔
.ذریعہ: Nawaiwaqt
کلیدی لفظ: نے کہا کہ پاک ترک کیا گیا
پڑھیں:
بانی کا متبادل کوئی نہیں، پارٹی کے رہنما خود چمن کو جلانے میں لگے ہیں، عمران اسماعیل
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان تحریک انصاف سے تعلق رکھنے والے سابق گورنر عمران اسماعیل نے کہا ہے کہ پی ٹی آئی کے رہنما خود ہی چمن کو جلانے میں لگے ہوئے ہیں۔ بانی پی ٹی آئی کا متبادل کوئی نہیں ہوسکتا، بات ختم۔ شاہ محمود قریشی نے بالکل وہی بات کی جو ہم سوچ کر گئے تھے۔
میڈیا سے گفتگو کرتے ہوئے انہوں نے کہا کہ شاہ محمود قریشی نے کہا کہ ہم نے چھ ماہ پہلے خط میں درجہ حرارات نیچے لانے کی بات کی تھی۔ کہا جاتا ہے شاہ محمود قریشی بانی پی ٹی آئی کی جگہ لے لیں گے۔ ہم اپنی رائے دینے اور ان کی رائے لینے شاہ محمود قریشی کے پاس گئے تھے۔
ان کا کہنا تھا کہ شیخ وقاص اکرم جیسے لوگ دوسروں کو باہر نکلنے کا کہتے ہیں اور خود کے پی میں چھپے ہوئے ہیں۔ ان کا کہنا تھا کہ شاہ محمود قریشی نے دو منٹ انتظار کروایا وہاں ان کے گھر کی خواتین تھیں۔ شاہ محمود قریشی نے خواتین کو وہاں سے بھجوایا پھر ہم ملاقات کے لیے گئے۔
انہوں نے کہا کہ یہاں اب ہر شخص بانی پی ٹی آئی کو خوش کرنے میں لگا ہے۔ کئی بار ہم بانی پی ٹی آئی کی بات نہیں مانتے تھے ہم دوسری رائے دیتے تھے۔ آج بھی پارٹی کے سینئر لوگوں سے ملاقات ہوئی سب درجہ حرارات نیچے لانے کے حامی ہیں۔
ان کا کہنا تھا کہ ہمیں اندازا ہے بانی پی ٹی آئی ہم سے زیادہ ا سیر رہنماﺅں کی بات سنیں گے۔ شاہ محمود قریشی نے بھی کہا درجہ حرارت نیچے لانے کی ضرورت ہے۔ اگر بانی پی ٹی آئی تیار ہوجاتے ہیں تو پھر ہم دوسری طرف بھی بات کریں گے۔
آزاد کشمیر، تحریکِ عدم اعتماد آج بھی پیش نہیں کی جا سکی