فرح خان کا مذاق کام آگیا، امیتابھ بچن کا ہاتھ سے لکھا خط موصول
اشاعت کی تاریخ: 29th, July 2025 GMT
بالی ووڈ کی معروف ہدایتکارہ فرح خان کے لیے منگل کا دن خاص بن گیا جب انہیں خود امیتابھ بچن کی طرف سے ایک دل کو چھو لینے والا ہاتھ سے لکھا ہوا خط موصول ہوا۔
یہ بھی پڑھیں: بالی ووڈ کا کنجوس اداکار کون ؟ فرح خان نے بھید کھول دیا
بھارتی میڈیا کے مطابق خط میں’شہنشاہ جذبات‘ امیتابھ بچن نے فرح خان کی تخلیقی صلاحیتوں کو خراج تحسین پیش کرتے ہوئے ان کی تعریف کو لفظوں سے ماورا قرار دیا۔
فرح خان نے یہ قیمتی لمحہ اپنے انسٹاگرام پر مداحوں سے شیئر کیا اور خوشی سے جھومتے ہوئے بتایا کہ ’میں نے مذاق میں کہا تھا کہ امیتابھ سر، مجھے بھی ایک خط بھیجیں، اور دیکھیں، وہ واقعی آ گیا، یہ خوبصورت خط سیدھا امیت سر نے بھیجا ہے۔ آئی لو یو سر‘۔
مزید پڑھیے: جیا بچن اور امیتابھ بچن کی محبت کیسے پروان چڑھی؟
امیتابھ بچن نے اپنے مخصوص انداز میں لکھا کہ ’عزیز فرح، بعض اوقات مختلف فنون میں غیر معمولی صلاحیتیں ہر قسم کی ستائش سے آگے نکل جاتی ہیں۔ تمہاری تخلیقی خدمات کی تعریف کے لیے تعریف جیسا لفظ بہت چھوٹا لگتا ہے۔ میری محبت، پیار اور عزت ہمیشہ تمہارے ساتھ ہے‘۔
مزید پڑھیں: جیا بچن سے شادی کرنے کے لیے امیتابھ بچن نے کیا شرائط رکھی تھیں؟
یہ دلچسپ واقعہ اس وقت پیش آیا جب فرح خان جو ان دنوں اپنے یوٹیوب کُکنگ شو کے لیے مشہور شخصیات کے گھروں کا دورہ کر رہی ہیں، اداکارہ رادھیکا مدن کے گھر گئیں۔ وہاں انہوں نے دیوار پر امیتابھ بچن کا ایک فریم کیا ہوا خط دیکھا جس پر ہنستے ہوئے شکوہ کیا کہ ’میری پوری فلمی زندگی میں مجھے تو کبھی ’بگ بی‘ نے خط نہیں لکھا۔
اور پھر امیتابھ بچن نے نہ صرف ان کی بات سن لی بلکہ فوراً دل سے جواب بھی بھیج دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن امیتابھ کا فرح خان کو خط بالی ووڈ فرح خان فرح خان کا مذاق.
ذریعہ
ذریعہ: WE News
کلیدی لفظ: امیتابھ بچن امیتابھ کا فرح خان کو خط بالی ووڈ فرح خان کا مذاق امیتابھ بچن نے کے لیے
پڑھیں:
لاہور: ماں دوسرے شوہر کے ساتھ چلی گئی، عدالت کے باہر 8 بیٹیاں روتی رہیں، ویڈیو وائرل
لاہور ہائیکورٹ نے ایک کیس کی سماعت کے دوران خاتون کو اپنے دوسرے شوہر کے ساتھ جانے کی اجازت دے دی جس پر انکی 8 بیٹیاں عدالت کے باہر دھاڑیں مار کر روتی رہیں۔
لاہور ہائیکورٹ میں درخواست گزار غلام حسین نے حبسِ بے جا کی درخواست دائر کرتے ہوئے مؤقف اختیار کیا تھا کہ ان کی اہلیہ شبنم بی بی کو انکے سابق شوہر اور اہلِ خانہ نے غیر قانونی طور پر اپنی تحویل میں رکھا ہوا ہے لہٰذا عدالت انہیں بازیاب کرا کے ان کے ساتھ جانے کی اجازت دے۔
سماعت کے دوران شبنم بی بی نے عدالت کے روبرو بیان دیا کہ وہ غلام حسین سے نکاح کرچکی ہیں اور ان کے ساتھ ہی رہنا چاہتی ہیں۔ عدالت نے خاتون کے بیان کو مدنظر رکھتے ہوئے انہیں اپنے شوہر کے ساتھ جانے کی اجازت دے دی۔
عدالتی فیصلے کے بعد عدالت کے باہر جذباتی مناظر دیکھنے میں آئے، جہاں شبنم بی بی کی پہلی شادی سے ہونے والی بیٹیاں زار و قطار روتی رہیں۔
بیٹیوں میں سے ایک نے میڈیا سے گفتگو میں کہا کہ ان کی والدہ نے عدالت میں انہیں پہچاننے سے بھی انکار کردیا اور اپنے نئے شوہر کے حق میں بیان دیا۔ عدالتی حکم کے بعد شبنم بی بی اپنے شوہر غلام حسین کے ہمراہ روانہ ہوگئیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ