نوجوان نے یوٹیوب پر ڈرائیونگ سیکھ کر پہلی کوشش میں ہی ٹیسٹ پاس کرکے 3 لاکھ روپے بچا لیے
اشاعت کی تاریخ: 1st, August 2025 GMT
برطانیہ میں ایک نوجوان نے محض یوٹیوب پر ڈرائیونگ سیکھ کر پہلی دفعہ میں ہی ٹیسٹ پاس کیا اور تقریباً 1,000 برطانوی پاؤنڈز (3 لاکھ 74 ہزار پاکستانی روپے) بچا لیے۔
اس نوجوان کا نام اولی برڈ ہے جس نے یوٹیوب ٹیوٹوریلز استعمال کر کے خود ڈرائیونگ سیکھنے کا فیصلہ کیا۔
اولی نے تقریباً 30 گھنٹے ویڈیوز دیکھیں جن میں تجربہ کار انسٹرکٹرز نے ڈرائیونگ کے طریقے، سڑکوں کے قوانین، پارکنگ، کلچ کنٹرول، ریورس وغیرہ سمجھائے۔
اس کے علاوہ گو کارٹ ریسنگ اور کمپیوٹر ڈرائیونگ سیمولیٹر کی مدد سے اسٹیئرنگ، بریکنگ اور گیس کنٹرول جیسی عملی مہارتوں پر بھی نوجوان نے عبور حاصل کیا۔
نوجوان نے پھر ڈرائیونگ ٹیسٹ پہلی کوشش میں ہی کامیابی سے پاس کیا اور اس کے صرف تین ہفتے بعد ہی انہوں نے اپنی لرننگ پلیٹس اتار دیں۔ وہ ابھی 17 سال کے ہیں اور ابھی حال ہی میں 17ویں سالگرہ منائی ہے۔
اولی کی والدین نے ابتدائی طور پر اس طریقہ پر شک ظاہر کیا لیکن اولی نے ثابت کیا کہ اس طریقے سے سمجھ داری اور محنت دونوں ممکن ہیں۔
واضح رہے کہ برطانیہ میں ڈرائیونگ سیکھنے کے روایتی طریقہ کار میں تقریباً 1,200 سے 1600 برطانوی پاؤنڈز خرچ ہوتے ہیں۔ اولی نے تقریباً 1,000 سے 1,300 برطانوی پاؤنڈز کی بچت کی۔
ذریعہ: Express News
کلیدی لفظ: نوجوان نے
پڑھیں:
ملک بھر میں سونے کی فی تولہ قیمت میں 2400 روپے کمی
اسلام آباد (اُردو پوائنٹ اخبارتازہ ترین - اے پی پی۔ 17 ستمبر2025ء) ملک بھر میں سونے کی قیمت میں 2400 روپے کمی کے ساتھ فی تولہ سونا 3 لاکھ 88 ہزار 6 سو روپے کا ہوگیا ۔(جاری ہے)
آل پاکستان جیمز اینڈ جیولرز ایسوسی ایشن کے مطابق بدھ کو سونے کی فی تولہ قیمت میں 2,400 روپے کمی کے بعد فی تولہ سونا 3 لاکھ 88 ہزار 6 سو روپے کا ہوگیا ہے ، 24 قیراط سونے کے 10 گرام کی قیمت بھی 2,058 روپے کمی کے بعد 335,219 روپے سے کم ہو کر 333,161 روپے ہوگئی جبکہ 10 گرام 22 قیراط سونے کی قیمت 307,295 روپے سے کم ہو کر 305,408 روپے ہوگئی۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ