یونانی جزیرے پر تاروں بھرے آسمان تلے شادی کی پیشکش، شہزادی ڈیانا کی بھانجی الائزا نے ’ہاں‘ کہہ دی
اشاعت کی تاریخ: 1st, August 2025 GMT
شہزادی ڈیانا کی بھانجی لیڈی الائزا اسپینسر نے اپنے دیرینہ دوست چاننگ ملرڈ کے محبت بھرے شادی کے پرپوزل پر ’ہاں‘ کہہ دی۔ یہ خوبصورت اور یادگار لمحات تاروں کی چھاؤں میں یونان کے جنت نظیر جزیرے سانتورینی میں پیش آئے۔
یہ بھی پڑھیں: اپنی شادی پر بادشاہ چارلس اور لیڈی ڈیانا کے چپکے چپکے آنسو بہانے کا عقدہ کھل گیا
اس موقعے پر 33 سالہ الائزا، جو شہزادہ ولیم اور شہزادہ ہیری کی کزن ہیں، بیحد خوش اور دنیا کی خوش قمست ترین خاتون دکھائی دے رہی تھیں۔
منگنی کے اعلان پر مشتمل ایک پوسٹ میں انہوں نے اپنی تصاویر بھی شیئر کیں۔ تصاویر میں ان کی آنکھوں میں خواب، چہرے پر چمک اور انگلی میں ایک خوبصورت ہیرا جگمگا رہا تھا۔
ایک تصویر میں چاننگ ایک گھٹنوں پر بیٹھ کر انہیں پرپوز کرتے دکھائی دے رہے ہیں جبکہ دوسری تصویر میں الائزا اپنے منگیتر کو گلے لگا رہی ہیں۔ پس منظر میں سانتورینی کے دلکش نظارے، نیلا آسمان اور رومان بھرا ماحول اس یادگار منظر کو مزید دلکش بنا رہا تھا۔
الائزا کی جڑواں ہمشیرہ لیڈی ایمیلیا اسپینسر نے انسٹاگرام پر خوشی کا اظہار کرتے ہوئے لکھا کہ سب سے شاندار خبر، میں تم دونوں کے لیے بے حد خوش ہوں!
ان کی بڑی بہن لیڈی کِٹی اسپینسر نے بھی پیار بھرا پیغام دیا کہ ’تم دونوں کے لیے بہت خوش ہوں اور دونوں کو بہت چاہتی ہوں۔’
مزید پڑھیے: لیڈی ڈیانا، نرس سے شہزادی بننے والی حسینہ جو برطانوی ملکہ نہ بن سکی
اپنے منگیتر چاننگ ملرڈ سے الائزا کی پہلی ملاقات 10 سال پہلے جنوبی افریقہ میں ایک ڈنر پارٹی کے دوران ہوئی تھی۔
الائزا نے ماضی میں اس کے رشتے کو مضبوط اور بیحد قریبی قرار دیتے ہوئے کہا تھا کہ وہ میرا بیسٹ فرینڈ ہے، حالات خواہ کیسے ہی ہوں ہم ہمیشہ ایک دوسرے کے لیے کھڑے رہتے ہیں۔‘
اپنے جذبات کا اظہار کرتے ہوئے انہوں نے یہ بھی کہا تھا کہ مجھے پورا یقین ہے کہ وہی میرا ہمسفر ہے، ایک پائیدار رشتہ اعتماد اور عمدہ اقدار پر قائم ہوتا ہے۔‘
الائزا، ان کی جڑواں بہن اَمیلیا اور بڑی بہن کٹی تینوں ہی ماڈلنگ کی دنیا میں کامیابی کے جھنڈے گاڑ چکی ہیں۔
یہ تینوں ارل چارلس اسپینسر (شہزادی ڈیانا کے بھائی) اور ان کی سابقہ اہلیہ وِکٹوریا لاک ووڈ کی بیٹیاں ہیں۔ ان کے ایک بھائی بھی ہیں جن کا نام لوئس ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لیڈی الائزا کی منگنی لیڈی ڈیانا لیڈی ڈیانا کی بھانجی لیڈی ڈیانا کی بھانجی الائزا.
ذریعہ
ذریعہ: WE News
کلیدی لفظ: لیڈی ڈیانا ڈیانا کی بھانجی کے لیے
پڑھیں:
ماریہ شہباز کیس: وفاقی آئینی عدالت نے نظرثانی درخواست پر اٹارنی جنرل اور ایڈووکیٹ جنرل پنجاب کو نوٹس جاری کر دیے
وفاقی آئینی عدالت نے اسلام قبول کرکے شادی کرنے والی ماریہ شہباز سے متعلق نظرثانی درخواست پر وفاقی اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے ان سے معاونت طلب کر لی، جبکہ مقدمے کی مزید سماعت غیر معینہ مدت تک ملتوی کر دی۔
جسٹس حسن اظہر رضوی کی سربراہی میں 2 رکنی بینچ نے درخواست کی سماعت کی۔ دوران سماعت درخواست گزار کے وکیل نے مؤقف اختیار کیا کہ ماریہ شہباز کم عمر تھی اور اسے ورغلا کر مذہب تبدیل کروایا گیا، جبکہ عدالت نے اپنے سابق فیصلے میں کم سن بچی کے نکاح کو درست قرار دیا۔
یہ بھی پڑھیں:پنجاب میں لاپتا لڑکیوں میں سے 80 فیصد نے پسند کی شادیاں کیں، پولیس کی لاہور ہائیکورٹ کو رپورٹ
جسٹس حسن اظہر رضوی نے استفسار کیا کہ سابق عدالتی فیصلے میں غلطی کیا ہے؟ درخواست گزار کے وکیل نے جواب دیا کہ قانون کے مطابق شادی کے لیے 18 سال عمر کی حد مقرر ہے اور قانون کے خلاف ہونے والی شادی برقرار نہیں رہ سکتی۔
اس پر جسٹس حسن اظہر رضوی نے ریمارکس دیے کہ قانون میں کم عمری کی شادی پر سزا کا ذکر تو موجود ہے، تاہم نکاح کو خودکار طور پر منسوخ قرار دینے کی کوئی شق موجود نہیں۔ انہوں نے یہ سوال بھی اٹھایا کہ اگر کم عمری میں شادی ہو جائے تو قانون اس صورت حال کا کیا حل فراہم کرتا ہے۔
عدالت نے مزید ریمارکس دیے کہ ماریہ شہباز نے ڈسٹرکٹ کورٹ سے لے کر وفاقی آئینی عدالت تک کسی بھی مرحلے پر یہ مؤقف اختیار نہیں کیا کہ اس کے ساتھ زبردستی کی گئی تھی۔ جسٹس حسن اظہر رضوی نے کہا کہ اگر درخواست گزار اس مؤقف پر اصرار کرتا ہے تو عدالت اٹارنی جنرل اور ایڈووکیٹ جنرل پنجاب سے قانونی معاونت حاصل کر لیتی ہے۔
یہ بھی پڑھیں: پسند کی شادی کیخلاف گاؤں نذرِ آتش کرنیکا واقعہ، وزیراعلیٰ سندھ کا سخت نوٹس
عدالت نے سماعت کے دوران وفاقی اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے مقدمے کی مزید سماعت غیر معینہ مدت تک ملتوی کر دی۔
واضح رہے کہ وفاقی آئینی عدالت نے 26 مارچ کو ماریہ شہباز کو والد کے حوالے کرنے کی درخواست مسترد کرتے ہوئے قرار دیا تھا کہ تنسیخ نکاح کے لیے متعلقہ فریق سول کورٹ سے رجوع کر سکتے ہیں۔ عدالت نے اپنے فیصلے میں یہ بھی واضح کیا تھا کہ حبسِ بے جا اور حوالگی کی درخواستوں کی سماعت کے دوران نکاح کی تنسیخ کا فیصلہ نہیں کیا جا سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چائلڈ میرج قبول اسلام ماریہ شہباز وفاقی آئینی عدالت
بھارت سے جنگ اور افغانستان میں کارروائی خارج ازامکان نہیں، وزیردفاع