الاقصیٰ پر اسرائیلی وزرا اور آبادکاروں کا دھاوا قابل مذمت ہے، وزیراعظم پاکستان
اشاعت کی تاریخ: 4th, August 2025 GMT
وزیر اعظم پاکستان محمد شہباز شریف نے مسجدِ اقصیٰ پر اسرائیلی وزراء اور شدت پسند آبادکاروں کے حالیہ حملے کی شدید مذمت کی ہے۔ انہوں نے کہا کہ یہ واقعہ نہ صرف عالمِ اسلام کے جذبات کو مجروح کرنے کی کوشش ہے بلکہ بین الاقوامی قوانین اور انسانیت کے اجتماعی ضمیر پر بھی حملہ ہے۔
وزیر اعظم نے سوشل میڈیا پلیٹ فارم ایکس پر کہا کہ پاکستان حالیہ واقعے کی غیر مبہم اور شدید الفاظ میں مذمت کرتا ہے جس میں اسرائیلی وزراء، آبادکار گروہوں کے ہمراہ اور اسرائیلی پولیس کی سرپرستی میں مسجدِ اقصیٰ پر دھاوا بولتے ہیں۔ یہ اسلام کے مقدس ترین مقامات میں سے ایک کی بے حرمتی ہے، جو دنیا بھر کے ایک ارب سے زائد مسلمانوں کے ایمان پر حملے کے مترادف ہے۔
مزید پڑھیں: سعودی عرب کا اسرائیلی وزیر کی مسجد الاقصیٰ میں اشتعال انگیزی پر شدید ردعمل
وزیر اعظم نے کہا کہ قابض طاقت کی جانب سے اس طرح کی منظم اشتعال انگیزی، الحاق کے نعرے اور جارحانہ اقدامات مشرقِ وسطیٰ میں امن کی امیدوں کو مزید خطرے میں ڈال رہے ہیں۔
Pakistan unequivocally condemns, the recent act of storming of the Al-Aqsa Mosque by Israeli ministers, accompanied by settler groups and shielded by Israeli police.
This sacrilege against one of Islam’s holiest sites is not only an affront to the faith of over a billion…
— Shehbaz Sharif (@CMShehbaz) August 4, 2025
انہوں نے خبردار کیا کہ اسرائیل کی یہ بے شرمانہ کارروائیاں فلسطین اور پورے خطے میں کشیدگی کو جان بوجھ کر بڑھا رہی ہیں اور مشرقِ وسطیٰ کو مزید عدم استحکام اور تصادم کی طرف دھکیل رہی ہیں۔
وزیر اعظم شہباز شریف نے عالمی برادری پر زور دیا کہ وہ فوری جنگ بندی، جارحیت کے خاتمے، اور ایک باوقار امن عمل کی بحالی کو یقینی بنائے، جو اقوام متحدہ کی قراردادوں اور بین الاقوامی قوانین کے مطابق ایک آزاد و خودمختار ریاستِ فلسطین کے قیام پر منتج ہو، جس کا دارالحکومت القدس الشریف ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل الاقصیٰ پر اسرائیلی دھاوا سوشل میڈیا پلیٹ فارم ایکس فلسطین محمد شہباز شریف وزیر اعظم پاکستانذریعہ: WE News
کلیدی لفظ: اسرائیل سوشل میڈیا پلیٹ فارم ایکس فلسطین محمد شہباز شریف وزیر اعظم پاکستان
پڑھیں:
سابق وزیر اعظم آزاد کشمیر گرفتار
سٹی 42: سابق وزیراعظم و صدر تحریک انصاف آزاد کشمیر سردار عبدالقیوم نیازی کو بھمبر سے گرفتار کر لیا گیا
سردار قیوم نیازی کو گرفتاری کے بعد میرپور منتقل کیے جانے کا امکان ہے ، تحریک انصاف نے موقف اپنایا ہے کہ گرفتاری وزیراعظم آزاد کشمیر چوہدری انوار الحق کے کہنے پر عمل میں لائی گئی،
ذرائع کے مطابق قیوم نیازی کی گرفتاری فیصل آباد عدالت کے 9 مئی کے کیس کے فیصلے کی روشنی میں ہوئی،سردار قیوم نیازی پر 9 مئی واقعات میں مبینہ طور پر ملوث ہونے کا الزام ہے ،تحریک انصاف آزاد کشمیر کی جانب سے گرفتاری کی شدید مذمت کی جارہی ہے
محدود مدت تک عجائب گھروں میں داخلہ مفت؛ حکومت نے بڑا اعلان کردیا
سیاسی رہنماوں کا کہنا ہے کہ قیوم نیازی کی گرفتاری سیاسی انتقام کا شاخسانہ ہےآزاد کشمیر میں تحریک انصاف کے کارکنوں کا احتجاج متوقع ہے
سردار عبدالقیوم نیازی 4 اگست 2021 سے 14 اپریل 2022 تک آزاد کشمیر کے وزیراعظم رہے ہیں
ملتان، ایم ڈبلیو ایم کے مرکزی سیکرٹری جنرل علامہ حسن ظفر نقوی کا یوتھ ونگ کے آئی ٹی سنٹر کا دورہ