بھارت کو اقوام متحدہ کی قراردادوں پر عملدرآمد کرنا ہوگا ، وزیر خارجہ
اشاعت کی تاریخ: 5th, August 2025 GMT
اسلام آباد (اُردو پوائنٹ اخبارتازہ ترین - این این آئی۔ 05 اگست2025ء)نائب وزیراعظم و وزیر خارجہ سینیٹر محمد اسحاق ڈار نے کہا ہے کہ یوم استحصال کشمیر ہمیں بھارت کے یک طرفہ اقدامات کی یاد دلاتا ہے،5 اگست 2019 کے بھارتی اقدامات اقوام متحدہ، انسانی حقوق معاہدوں اور چوتھے جنیوا کنونشن کی خلاف ورزی ہیں،بھارت میں جمہوریت کے نام پر تمام سیاسی قیادتوں کو قید و نظر بند کیا، کشمیر میں طویل لاک ڈائون اور شہری آبادیوں پر قدغنیں لگائی گئی، پچھلے 6 سالوں میں بھارت نے کشمیری قوانین میں متعدد ترامیم کیں،بھارت کی کشمیر پالیسی پاکستان اور قوم کے لئے ناقابل قبول ہے،بھارت کو اقوام متحدہ کی قراردادوں پر عملدرآمد کرنا ہوگا ،اقوام متحدہ قرار دادیں کبھی فرسود نہیں ہوتیں، بھارت جموں و کشمیر میں رائے شماری کا انعقاد کرے،انشااللہ کشمیر آزاد ہو کر پاکستان کا حصہ بنے گا۔
(جاری ہے)
ان خیالات کا اظہار انہوں نے منگل کو منعقدہ یوم استحصال کشمیر کی مرکزی تقریب سے خطاب کرتے ہوئے کیا۔سینیٹر محمد اسحاق ڈار نے کہا کہ یوم استحصال کشمیر ہمیں بھارت کے یکطرفہ اقدامات کی یاد دلاتا ہے،یہ اقدامات بھارت نے پلوامہ کے ایک ڈرامے کے بعد 5 اگست 2019 میں اٹھائے،بھارت نے کشمیر کی خصوصی حیثیت ختم کی،بھارت نے یہ اقدامات جمہوریت کے نام پر کیے،یہ کیسی جمہوریت تھی کہ پوری کشمیری قیادت کو قید کرنا پڑا،یہ کیسی جمہوریت تھی کہ کئی ماہ کا لاک ڈاون کرنا پڑا،یہ کسی جمہوریت تھی کہ آزادی اظہار رائے پر پابندی لگانا پڑی۔انہوں نے کہا کہ یومِ استحصال کشمیر، کشمیری عوام یکساں جوش و جذبے سے منا رہے ہیں،یومِ استحصال ہمیں بھارت کے غیر قانونی اقدامات کی یاد دلاتا ہے، بھارت نے پانچ اگست 2019 کو جموں و کشمیر کی خصوصی حیثیت ختم کی، بھارت نے جموں و کشمیر کو دو حصوں میں تقسیم کر کے لداخ کو الگ کر دیا، بھارت نے مقامی باشندوں کے خصوصی حقوق بھی سلب کر لیے، جمہوریت کے نام پر تمام سیاسی قیادت کو قید و نظر بند کیا گیا، کشمیر میں طویل لاک ڈان اور شہری آزادیوں پر قدغنیں لگائی گئیں۔ انہوں نے کہا کہ بھارتی حکومت نے جمہوریت اور ترقی کے نام پر بنیادی حقوق سلب کیے، موجودہ بھارتی قیادت مقبوضہ کشمیر پر قبضہ مستحکم کر رہی ہے، بھارتی سپریم کورٹ نے حکومت کے 5 اگست کے اقدامات کو برقرار رکھا، پچھلے 6 برسوں میں بھارت نے کشمیری قوانین میں متعدد ترامیم کیں، بھارت نے لیفٹیننٹ گورنر کے اختیارات میں اضافہ کیا، بھارتی اقدامات کشمیریوں کے حق خودارادیت پر کھلا حملہ ہیں۔سینیٹر محمد اسحاق ڈار نے کہا کہ آج بیرون ملک میں موجودپاکستان بھی یوم استحصال منا رہے ہیں،بھارت نے پانج اگست 2019کے یطکرفہ اقدام سے کشمیرکو ہڑپ کرنے کی کوشش کی ،بھارت اقدام سے کشمیریوں کے حقوق سلب ہوئے۔انہوں نے کہا کہ بھارت نے ترقی کے نام پر یہ اقدام اٹھایا ،یہ کیسی ترقی ھے پ کو لاک ڈاون کرنا پڑا کرفیو نافذ کرنا پڑا،بھارت نے کشمیر میں پانچ اگست کے بعد مرضی کی قانون سازی کی ،بھارت نے آبادی کا تناسب بدلنے کا قانون بدلا ،بھارت نے کشمیریوں کو اقلیت میں بدلنے کیلئے نئی حلقہ بندیاں کیں۔نائب وزیراعظم نے کہا کہ اب یہ شوشا چھوڑا گیا جموں کو ریاست کا درجہ دیا جائے گا،بھارت نے مقبوضہ وادی میں آبادی کا تناسب تبدیل کرنے کی سازش کی، غیر کشمیریوں کو ڈومیسائل اور مقامی ووٹر لسٹ میں اندراج کا حق دیا گیا، بھارت نے جائیداد کی خرید و فروخت کا دروازہ باہر کے افراد کیلئے کھولا،بھارت کا مقصد کشمیریوں کو ان کی ہی سرزمین پر اقلیت میں تبدیل کرنا ہے، کشمیر کی ثقافت کو مٹانے کیلئے بھارتی رنگ تھوپا جا رہا ہے، ایسی حکومت کا قیام عمل میں لایا گیا جو دہلی کے احکامات پر چلے، بھارت کی کشمیر پالیسی پاکستان اور قوم کیلئے ناقابلِ قبول ہے،پچھلے 48 گھنٹے میں بھارت نے نیا شوشہ چھوڑا ہے، جموں و کشمیر اور لداخ کو یونین ٹیریٹری قرار دینے کے بعد نئی تقسیم کی باتیں ہورہی ہیں ،بھارتی میڈیا جموں کو ریاستی درجہ دیے جانے کی خبریں چلا رہا ہے، مقبوضہ کشمیر کو یونین ٹیریٹری ہی رکھنے کا عندیہ دیا جا رہا ہے ،بھارت کے یہ اقدامات قابلِ مذمت ہیں،بھارت مقبوضہ کشمیر کو اپنا داخلی معاملہ قرار دیتا ہے، بھارت کا دعوی اقوام متحدہ کی قراردادوں کی خلاف ورزی ہے،بھارت ہی مسئلہ کشمیر کو اقوام متحدہ میں لے کر گیا تھا،اب وہ ان قراردادوں پر عملدرآمد سے انکار کر رہا ہے، اقوام متحدہ چارٹر کی شق 25 تمام ممالک کو قراردادوں کا پابند کرتی ہے،بھارت کا رویہ اقوام متحدہ کے چارٹر، اخلاقی اصولوں اور زمینی حقائق کے منافی ہے۔اسحاق ڈارنے کہا کہ بھارت کا کوئی اقدام کشمیر کا فیصلہ نہیں کرسکتا،انسداد دہشتگردی کے قانون کو بھارتی فوج بے دریغ استعمال کررہی ہے،کشمیر میں تمام انسانی حقوق سلب کردیے گئے ،کشمیر میں اظہار رائے پر مکمل پابندی ہے،کشمیری آج دباو کے باوجود ڈٹے ہیں ،بھارت کو اقوام متحدہ کی قراردادوں پر عملدرآمد کرنا ہوگا ،اقوام متحدہ قرار دادیں کبھی فرسود نہیں ہوتیں۔انہوں نے کہا کہ پاکستان کشمیر اور بھارت کشمیر کے فریق ہیں ،بھارت کا پانچ اگست کا فیصلہ غیر قانونی عالمی قوانین سے بغاوت ہے،پاکستان کشمیریوں کی سفارتی سیاسی حمایت جاری رکھے گا،بھارت سلامتی کونسل کی قراردادوں سے مسلسل انکار کر رہا ہے، یہ کھلا تضاد ہے، بھارتی حکومت جموں و کشمیر کی متنازع حیثیت سے متعلق ماضی کے معاہدوں سے انحراف کر رہی ہے، 5 اگست 2019 کے بھارتی اقدامات اقوام متحدہ، انسانی حقوق معاہدوں اور چوتھے جنیوا کنونشن کی خلاف ورزی ہیں،بھارتی آئین کے تحت کیا گیا کوئی اقدام کشمیریوں کے مستقبل کا فیصلہ نہیں کر سکتا،مقبوضہ کشمیر میں لاکھوں بھارتی اہلکار تعینات، کشمیری خوف اور جبر کی فضا میں جی رہے ہیں،ہزاروں کشمیری سیاسی قیدی جیلوں میں، سینکڑوں کی جائیدادیں ضبط، میڈیا کو خاموش کر دیا گیا ہے، بھارتی فوج انسانی حقوق پامال کر رہی ہے، فارن میڈیا کو کشمیر تک رسائی نہیں دی جا رہی،انسداد دہشتگردی قوانین کا بیجا استعمال، 16 جماعتیں پابندیوں کا شکار ہیں ، ہزاروں کشمیری خواتین نیم بیوہ کی زندگی گزارنے پر مجبور، شوہروں کی زندگی یا موت کا علم نہیں،نامعلوم قبروں میں دفن شہدا کی شناخت نہیں ہو سکی، عالمی ضمیر کو جھنجھوڑنے کی ضرورت ہے،آج ہمیں ان ہزاروں کشمیری شہدا کو یاد کرنا ہے جو بھارتی مظالم کا نشانہ بنے، کشمیر آج بھی بھارتی دبا کے آگے نہیں جھکا، کشمیریوں کی جرات و استقامت قابلِ تحسین ہے،جموں و کشمیر کو پاکستان کا حصہ بننا چاہیے تھا، بدقسمتی سے طاقت اور سازش سے روکا گیا،70 سال سے اہلِ کشمیر زخموں کے ساتھ زندہ ہیں، ہمیں ان کا ساتھ دینا ہے، بھارت کو اقوام متحدہ اور کشمیریوں سے کیے گئے وعدے پورے کرنا ہوں گے۔انہوں نے کہا کہ بھارت جموں و کشمیر میں رائے شماری کا انعقاد کرے، یہی انصاف اور امن کا راستہ ہے،اقوام متحدہ کی قراردادیں فرسودہ نہیں، آج بھی بھارت پر مکمل طور پر لاگو ہیں،انشااللہ کشمیر آزاد ہو کر پاکستان کا حصہ بنے گا، کشمیری خود فیصلہ کریں گے، بھارت نے سندھ طاس معاہدے پر معطل کرنے کی کوشش کی۔انہوں نے کہا کہ آج کا دن سیاسی سرگرمیوں کیلئے چننا کسی طور درست نہیں ،آپ کس کو پیغام دے رہے ہیں بھارت کو ،365دنوں میں سے کوئی اور دن نہیں چن سکتے ،اس اقدام کی مذمت کی جانی چاہیے۔اسحاق ڈار نے کہا کہ بھارت اپنے آپکو خطے کا چوہدری سمجھتا تھا،افواج پاکستان نے بھارت کے 6جہاز گرائے ،یہ اتحاد کا نتیجہ ھے دشمن کا غرور خاک میں ملایا ،بھارت نیو نارمل اور سپرمیسی کی بات کرتا تھا۔ نائب وزیراعظم نے کہا کہ پاکستان معاشی استحکام کی راہ پر چل پڑا،یہ ترقی اب کسی کو ہضم نہیں ہورہی ،پاکستان جنگ نہیں چاہتا اگر ملی آنکھ سے ملک کی طرف دیکھنے والوں کی آنکھیں نکالی جائینگی،پاکستان کسی بھی جارحیت کا پہلے کی طرح بھرپور جواب دے گا۔انہوں نے کہا کہ اگر بھارت جمہوری ملک ہے تو کشمیر میں مظالمانہ قوانین کو واپس لینا ہوگا ،بھارت کو قیدیوں کو رہا اظہارائے پر پابندیاں اٹھانا ہونگی،بھارت کو کشمیریوں کو حق خود ارادیت دینا ہوگا۔.ذریعہ: UrduPoint
کلیدی لفظ: تلاش کیجئے اقوام متحدہ کی قراردادوں بھارت کو اقوام متحدہ اسحاق ڈار نے کہا انہوں نے کہا کہ نے کہا کہ بھارت بھارت نے کشمیر استحصال کشمیر یوم استحصال کشمیریوں کو نے کہا کہ ا میں بھارت ہیں بھارت کے نام پر بھارتی ا بھارت کا کشمیر کی یہ اقدام کرنا پڑا کشمیر کو بھارت کے رہے ہیں اگست 2019 رہی ہے رہا ہے
پڑھیں:
اقوام متحدہ، ایران کیخلاف پابندیاں ختم کرنے کی قرارداد منظور نہ ہو سکی
چین، روس، الجزائر اور پاکستان نے اس قرارداد کے حق میں ووٹ دیا، جبکہ جنوبی کوریا اور گیانا نے اس پر رائے شماری میں حصہ نہیں لیا۔ امریکہ، برطانیہ، فرانس، سیرا لیون، سلووینیا، ڈنمارک، یونان، پاناما اور صومالیہ نے قرارداد کی مخالفت میں ووٹ دیئے۔ اسلام ٹائمز۔ سلامتی کونسل کا اجلاس ایران پر اقوام متحدہ کی پابندیوں میں توسیع کے خاتمے کے بارے میں قرارداد پر ووٹنگ کے لیے منعقد ہوا، اور مغربی ممالک کی جانب سے منفی ووٹ کی وجہ سے اس قرارداد کی منظوری جوہری معاہدے (JCPOA) کی خلاف ورزی کرتے ہوئے ناکام ہوگئی۔ بین الاقوامی خبر رساں ایجنسی کے مطابق، جمعہ کی سہ پہر سلامتی کونسل کے اجلاس میں ایران پر پابندیوں میں توسیع کے خاتمے کو جاری رکھنے کے حوالے سے ووٹنگ ہوئی۔ چین، روس، الجزائر اور پاکستان نے اس قرارداد کے حق میں ووٹ دیا، جبکہ جنوبی کوریا اور گیانا نے اس پر رائے شماری میں حصہ نہیں لیا۔ امریکہ، برطانیہ، فرانس، سیرا لیون، سلووینیا، ڈنمارک، یونان، پاناما اور صومالیہ نے قرارداد کی مخالفت میں ووٹ دیئے۔
اسلامی جمہوریہ ایران کے یورپی فریقوں کے ساتھ متعدد تعاملات اور مذاکرات اور بین الاقوامی جوہری توانائی ایجنسی کے ساتھ معاہدے پر دستخط کے باوجود، تین ممالک جرمنی، فرانس اور برطانیہ نے ایرانی عوام کے ساتھ اپنی دشمنی کو جاری رکھتے ہوئے، آج (جمعہ) "اسنیپ بیک" کے نام سے موسوم قرارداد کو ووٹنگ کے لیے پیش کی۔ یہ اقدام ایسے وقت میں کیا گیا ہے جب امریکہ ایران پر دباؤ بڑھانے پر اصرار کر رہا ہے، اور تین یورپی ممالک بھی واشنگٹن کی مکمل تابعداری اور بے عملی کے ذریعے عملی طور پر سفارت کاری کا راستہ مسدود کر رہے ہیں۔
اس طرح ایران کے خلاف سلامتی کونسل کی پابندیوں کا خاتمہ نہیں ہونے دیا گیا۔ یہ اقدام تین یورپی ممالک کی جانب سے ایسے وقت میں کیا جا رہا ہے جب ایران نے گزشتہ مہینوں میں بین الاقوامی جوہری توانائی ایجنسی (آئی اے ای اے) کے ساتھ وسیع تعاون کیا ہے اور قاہرہ معاہدے سمیت حالیہ مفاہمتوں کی ایجنسی نے مکمل طور پر توثیق کی ہے۔ اس اجلاس میں ہر ملک کے نمائندے نے اپنا موقف پیش کیا۔ اقوام متحدہ میں روس کے نمائندے نے کہا کہ جن ممالک نے ایران کے جوہری معاہدے پر دستخط کیے ہیں، انہیں ایران پر اقوام متحدہ کی پابندیاں دوبارہ عائد کرنے کا کوئی حق نہیں ہے۔
اقوام متحدہ میں روس کے نمائندے نے مزید کہا کہ ایران پر پابندیاں دوبارہ عائد کرنے کے لیے یورپی ٹرائیکا کا اقدام کسی قانونی بنیاد پر مبنی نہیں ہے۔ انہوں نے کہا کہ ایران پر پابندیاں دوبارہ عائد کرنے کا کوئی جواز نہیں ہے۔ روسی نمائندے نے زور دیا کہ یہ یورپ ہے، جو ایران کے جوہری پروگرام کے بارے میں سفارتی عمل میں رکاوٹ بن رہا ہے۔ اسی طرح اجلاس میں فرانسیسی نمائندے نے دعویٰ کیا کہ ہم ایران کے جوہری پروگرام کے سفارتی حل کے لیے پرعزم ہیں۔ انہوں نے دعویٰ کیا کہ ایران نے مجاز سطح سے 48 گنا زیادہ یورینیم افزودہ کیا ہے۔ چین کے نمائندے نے بھی ایران کے خلاف اقوام متحدہ کی پابندیوں کے خاتمے کے حق میں گفتگو کی۔
انہوں نے کہا کہ ایران کے خلاف بین الاقوامی پابندیاں جاری رکھنے سے بحران حل نہیں ہوگا۔ انہوں نے مزید کہا کہ اختلافات کو بالائے طاق رکھیں، برجام اور قرارداد 2231 میں ہمارے اقدامات موجود ہیں اور ایران کو بھی اپنے وعدے پورے کرنے چاہیئں۔ امریکی نمائندے نے کہا کہ یورپی ٹرائیکا اور امریکہ نے سلامتی کونسل کو ایران کی عدم تعمیل کے بارے میں رپورٹ دی، ایران نے برجام میں طے شدہ مقدار سے زیادہ افزودگی کی ہے۔ برطانوی نمائندے نے کہا کہ یورپی ٹرائیکا قانونی طور پر ایران پر پابندیاں دوبارہ عائد کرنے کی پابند تھی۔
جیفری ایپسٹین سے تعلق کے الزام میں امریکا میں برطانوی سفیر پیٹر منڈیلسن برطرف