مصنوعی مٹھاس کینسر کے علاج میں رکاوٹ بن سکتی ہے، تحقیق
اشاعت کی تاریخ: 5th, August 2025 GMT
ایک نئی تحقیق میں یہ بات سامنے آئی ہے کہ مصنوعی میٹھاس کینسر کے علاج میں رکاوٹ پیدا کرسکتی ہے۔
سائنسدانوں نے چوہوں پر کی گئی ایک تحقیق میں انکشاف کیا ہے کہ مصنوعی مٹھاس کے طور پر استعمال ہونے والا عام جزو سوکرولوز کچھ اقسام کی امیونوتھراپی یعنی مدافعتی نظام پر مبنی کینسر کے علاج کو متاثر کرسکتا ہے۔
یہ بھی پڑھیں: جسمانی وزن کم کرنے کے لیے مصنوعی مٹھاس استعمال نہیں کرنی چاہیے، عالمی ادارہ صحت
یونیورسٹی آف پٹسبرگ کی تحقیق کے مطابق سوکرولوز سے چوہوں کی آنتوں میں موجود بیکٹیریا میں تبدیلی آئی، جس کے باعث ایسے بیکٹیریا بڑھے جو آرجینین نامی قدرتی امینو ایسڈ کو ختم کرتے ہیں۔ آرجینین وہ مادہ ہے جس کی مدد سے ٹی سیلز یعنی جسم کے مدافعتی خلیے کینسر سے لڑتے ہیں۔
تحقیق کی سربراہ پروفیسر ایبی اووراکر نے کہا، ’کینسر کے مریض پہلے ہی ذہنی اور جسمانی دباؤ میں ہوتے ہیں، ایسے میں ان سے کہنا کہ وہ اپنی خوراک سے ڈائیٹ سوڈا یا مصنوعی مٹھاس چھوڑ دیں، شاید مناسب نہ ہو۔ ‘
یہ بھی پڑھیں: کیا آپ چینی کے بغیر مزیدار کیک بنا سکتے ہیں؟
لیکن سائنسدانوں نے اس مسئلے کا ایک ممکنہ حل بھی تلاش کر لیا ہے، جب ان چوہوں کو آرجینین یا سٹرو لِن کے سپلیمنٹس دیے گئے تو علاج کی تاثیر بحال ہوگئی۔
مطالعے کے دوران وہ چوہے جنہیں کینسر کے خلاف ’اینٹی پی ڈی ون‘ (امیونوتھراپی دی گئی اور ساتھ میں سوکرولوز کھلایا گیا، ان میں کینسر کے ٹیومرز بڑے رہے اور بقا کی شرح کم رہی۔
تحقیق کے دوسرے مرحلے میں جلد یا پیپھڑوں کے کینسر میں مبتلا 132 مریضوں کا جائزہ لیا گیا۔ جن مریضوں کی خوراک میں سوکرولوز زیادہ تھا، ان پر امیونوتھراپی کا اثر بھی کم پایا گیا۔
یہ بھی پڑھیں: سروائیکل کینسر سے بچاؤ ممکن: ماہرین کا HPV ویکسین کو قومی پروگرام میں شامل کرنے کا مطالبہ
مطالعے کے سینیئر مصنف ڈاکٹر دیوکار داور نے کہا کہ ان نتائج کی روشنی میں مخصوص پری بایوٹک یا غذائی سپلیمنٹس تیار کیے جاسکتے ہیں جو سوکرولوز کے اثرات کو کم کرسکیں، سٹرو لِن سپلیمنٹ آرجینین کے مقابلے میں زیادہ مؤثر ثابت ہوسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسان چوہے سائنسدان سوکرولوز کینسر مصنوعی مٹھاس یونیورسٹی آف پٹسبرگ.ذریعہ: WE News
کلیدی لفظ: چوہے سوکرولوز کینسر مصنوعی مٹھاس یونیورسٹی آف پٹسبرگ مصنوعی مٹھاس کینسر کے
پڑھیں:
پنجاب کو مصنوعی ذہانت ہنب بنانا عزم ‘ لیپ ٹاپ فیکٹری کے قیام کیلئے بھرپور معاونت کرینگے : مریم نواز
لاہور (نوائے وقت رپورٹ) پنجاب میں گوگل کروم بک فیکٹری لگانے کی پیشکش پر مریم نواز نے بھرپور معاونت کی یقین دہانی کرائی ہے۔ پنجاب میں کروم بک (لیپ ٹاپ) کے لئے فیکٹری لگائی جائے گی۔ مریم نواز سے گوگل فار ایجوکیشن اور ٹیک ویلی کے اعلیٰ سطح وفد نے ملاقات کی۔ وفد کی سربراہی گوگل فار ایجوکیشن کے گلوبل ڈائریکٹر کیون کالیس نے کی جبکہ اس موقع پر ٹیک ویلی کے سی ای او عمر فاروق بھی موجود تھے۔ملاقات میں بتایا گیا کہ گوگل کروم بک میں تین بڑے اور اہم سافٹ ویئر بھی انسٹال کیے جائیں گے۔ طلبہ کے لئے آرٹی فیشل انٹیلی جنس ٹول کیٹ اور ’’اے آئی جیمنی‘‘ بھی انسٹال کیا جائے گا۔ انگلش لرننگ کے لئے ’’ریڈ آلانگ‘‘ سافٹ ویئر بھی گوگل کروم بک میں میسر ہوگا۔ گوگل کروم بک میں ’’کین وا‘‘ سافٹ ویئر بھی مہیا کیا جائے گا۔ گوگل فار ایجوکیشن کے وفد نے وزیراعلیٰ کی ویژنری قیادت کو سراہا۔ گوگل فار ایجویشن کے وفد نے ایجوکیشن خاص طور بچیوں کی انفارمیشن ٹیکنالوجی کی جدید تعلیم کے لئے وزیراعلیٰ مریم نواز کی ویژن کو متاثر کن قرار دیا۔ مریم نواز نے پنجاب میں انفارمیشن ٹیکنالوجی اور ایجوکیشن کے فروغ کے لئے گوگل فار ایجوکیشن کی معاونت کو سراہا۔ گوگل فار ایجوکیشن کے وفد نے وزیراعلیٰ کو بریفنگ میں بتایا کہ گوگل فار ایجوکیشن نے پنجاب میں سرکاری سکولوں کے 2ہزار سے زائد ٹیچرز کو ٹریننگ دی ہے جبکہ دیگر اساتذہ کو بھی آئی ٹی ٹریننگ دی جارہی ہے۔ گوگل فار ایجوکیشن سرکاری سکولوں کے طلبہ کی آئی ٹی ٹریننگ پر بھی قابل ذکر کام کررہا ہے۔ وزیراعلیٰ نے کہا کہ انفارمیشن ٹیکنالوجی کو بنیادی تعلیم کا حصہ بنانے پر کام کررہے ہیں۔ پنجاب کو آرٹی فیشل انٹیلی جنس ہب بنانا ہمارا عزم ہے۔ پنجاب میں گوگل کروم بک فیکٹری کے قیام کے لئے بھرپور معاونت کریں گے۔ مریم نواز نے لاہور میں ٹرک رکشے پر الٹنے سے ایک ہی خاندان کے چار افراد کے جاں بحق ہونے پر گہرے دکھ اور سوگوار خاندان سے ہمدردی اور تعزیت کا اظہار کیا۔ جبکہ نجی سکول میں پولیو ٹیم سے مبینہ بدسلوکی کا نوٹس لیا اور متعلقہ محکمہ صحت سے رپورٹ طلب کر لی ہے۔ وزیراعلیٰ نے پولیو ٹیم کا تحفظ یقینی بنانے کا حکم دیا ہے۔ دوسری جانب مریم نواز نے تفریح کے عالمی دن پر پیغام میں کہا ہے کہ تفریح نہ صرف ذہنی تناؤ کم کرتی ہے بلکہ جسمانی اور ذہنی صحت کو بھی بہتر بناتی ہے۔ یہ دن صحت مند اور خوشگوار زندگی گزارنے، ذہنی دباؤ کم کرنے اور تخلیقی صلاحیتوں کو اجاگر کرنے کا موقع فراہم کرتا ہے۔
کراچی، نادرن بائی پاس پر پلاسٹک کے گودام میں آگ لگ گئی