لاہور: ہڈیارا ڈرین کو زہریلے صنعتی کچرے سے پاک کرنے کا انقلابی منصوبہ کیا ہے؟
اشاعت کی تاریخ: 7th, August 2025 GMT
وزیراعلیٰ پنجاب مریم نواز شریف نے صوبے میں ماحول اور عوامی صحت کے تحفظ کے لیے ایک بڑا اورانقلابی قدم اٹھاتے ہوئے دریائے راوی میں گرنے والے 54 کلومیٹر طویل ہڈیارا ڈرین کو زہریلے صنعتی فضلے اور مضر صحت گندگی سے پاک کرنے کا فیصلہ کیا ہے۔ اس مقصد کے لیے متعلقہ محکموں اور ضلعی حکام کو اہداف دے دیے گئے ہیں۔
وزیراعلیٰ نے قائداعظم انڈسٹریل اسٹیٹ کے 50 سے زائد صنعتی یونٹس کو ستوکاتلہ ڈرین کے ذریعے ہڈیارا ڈرین میں کچرا پھینکنے سے روکنے کے فوری اقدامات کی ہدایت کی ہے۔ اسی طرح فیصل آباد کی صنعتوں کو شہری آبادی سے ہٹا کر انڈسٹریل اسٹیٹ میں منتقل کرنے اور سیالکوٹ میں چمڑا رنگنے والی فیکٹریوں کو مخصوص صنعتی علاقوں میں منتقل کرنے کا حکم دیا گیا ہے۔
مزید پڑھیں: ’اب نتھیا گلی اپنے گھر جا کر دکھاؤ’ علی امین گنڈاپور نے مریم نواز شریف کو چیلنج کردیا
ماحولیاتی تحفظ کے ادارے (EPA) کے ڈائریکٹر جنرل ڈاکٹر عمران حامد شیخ نے اس سلسلے میں سیکریٹری صنعت پنجاب، ڈی جی ایل ڈی اے، اور پنجاب انڈسٹریل اسٹیٹ ڈویلپمنٹ اینڈ مینجمنٹ کمپنی کے چیف ایگزیکٹو کو خط بھی ارسال کر دیے ہیں۔
خط میں واضح کیا گیا کہ ہاؤسنگ سوسائٹیوں کی جانب سے ہڈیارا ڈرین میں زہریلا کچرا براہ راست یا بالواسطہ پھینکنے سے ماحولیات، انسانی صحت اور آبی حیات کو شدید خطرات لاحق ہیں۔
ڈائریکٹر جنرل EPA نے تجویز دی ہے کہ قائداعظم انڈسٹریل اسٹیٹ میں 10 ایکڑ پر مشتمل مشترکہ واٹر ٹریٹمنٹ پلانٹ پر پیشرفت کی جائے۔ فیصل آباد میں رنگنے اور کپڑا بنانے والے کارخانوں کو ایم-3 انڈسٹریل اسٹیٹ میں منتقل کیا جائے۔
یاد رہے کہ ہڈیارا ڈرین کا کل فاصلہ 98 کلومیٹر ہے، جس میں سے 44 کلومیٹر بھارت میں اور 54 کلومیٹر پاکستان میں ہے۔ یہ نالا پہلے سیلابی پانی کے لیے قدرتی گزرگاہ تھا لیکن اب اسے صنعتی و گھریلو فضلے نے آلودہ کر دیا ہے۔
مزید پڑھیں: مریم نواز شریف کی مسجد نبوی میں بچوں کو تعلیم، ویڈیو وائرل
ڈاکٹر عمران حامد شیخ کے مطابق پاکستان میں ہڈیارا ڈرین کے ساتھ 80 سے زائد صنعتیں موجود ہیں۔ اس نالے کا آلودہ پانی زرعی مقاصد اور سبزیوں کی کاشت کے لیے استعمال ہو رہا ہے، جس کے نتیجے میں دھاتیں اور خطرناک جراثیم سبزیوں اور پھلوں کے ذریعے انسانی جسم میں منتقل ہو رہے ہیں۔
تحقیقات سے معلوم ہوا ہے کہ پالک، بینگن جیسی سبزیاں ہڈیارا ڈرین کے زہریلے اجزاء کو جذب کر لیتی ہیں، جس سے جان لیوا بیماریاں جنم لے رہی ہیں۔ خاص طور پر تانبے اور سیسے سے بننے والی دھاتیں سبزیوں میں شامل ہو کر انسانی صحت پر مہلک اثرات ڈال رہی ہیں۔
وزیراعلیٰ پنجاب مریم نواز شریف نے متعلقہ اداروں کو ہدایت کی ہے کہ اس منصوبے میں تاخیر نہ کی جائے اور ماحولیاتی تحفظ کو ترجیحی بنیادوں پر یقینی بنایا جائے تاکہ عوام کو محفوظ اور صحت مند زندگی مہیا کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مریم نواز شریف ہڈیارا ڈرین وزیراعلٰی پنجاب.ذریعہ: WE News
کلیدی لفظ: مریم نواز شریف ہڈیارا ڈرین انڈسٹریل اسٹیٹ مریم نواز شریف ہڈیارا ڈرین کے لیے
پڑھیں:
ٹی ایل پی پر پابندی کی باضابطہ توثیق ، ایئر پنجاب پرائیویٹ کمپنی کے قیام کی منظوری
پنجاب کابینہ نے محراب محفوظ روشن پنجاب، مصر کیساتھ زرعی اشتراکِ کار کے ایم او یو، پنجاب سنٹر آف ایکسی لینس انسداد تشدد و انتہا پسندی کے بورڈ آف گورنر کی تشکیل، ٹریفک جرمانہ اور پوائنٹ سسٹم کی مجوزہ سمری، نیشنل بینک پارک میں میوزیم اور یادگار تعمیر کرنے کیلئے فنڈز، لاہور میوزیم کی بحالی، بہتری اور اپ گریڈیشن کیلئے ماسٹر پلان کی منظوری دی۔ اسلام ٹائمز۔ پنجاب کابینہ نے کالعدم تحریک لبیک پاکستان پر پابندی کی باضابطہ توثیق کر دی۔ وزیراعلیٰ پنجاب مریم نواز کی زیرصدارت پنجاب کابینہ کا اجلاس ہوا، جس میں سرکاری سکولوں میں “اسکول ٹیچرز انٹرن” کی بھرتی کی منظوری دیدی گئی۔ کابینہ نے پنجاب پروٹیکشن آف اونرشپ آف اموویبل پراپرٹی آرڈیننس 2025ء اور کابینہ نے چیف منسٹر ہائی ٹیک فارم میکنائزیشن فنانس پروگرام کے تحت سبسڈی پروگرام کی منظوری بھی دیدی۔ کابینہ نے ایئر پنجاب پرائیویٹ لمیٹڈ کمپنی کے قیام، پرائم منسٹر کیش لیس اسٹرٹیجی کے تحت ریٹیلرز کیلئے کیو آر کوڈ اور لاہور تا راولپنڈی ہائی سپیڈ ریل کیلئے ایم او یو کی منظوری بھی دی۔ علاوہ ازیں کابینہ نے ملتان، راولپنڈی اور لاہور میں الیکٹرو بس کرایوں میں اضافے کی تجویز مسترد کر دی، الیکٹرک بس کیلئے مختلف شہروں میں الیکٹرک ڈپو قائم کرنے کیلئے پنجاب ٹرانسپورٹ کمپنی کو گرانٹس کی فراہمی کی منظوری دی گئی۔
پنجاب کابینہ نے محراب محفوظ روشن پنجاب، مصر کیساتھ زرعی اشتراکِ کار کے ایم او یو، پنجاب سنٹر آف ایکسی لینس انسداد تشدد و انتہا پسندی کے بورڈ آف گورنر کی تشکیل، ٹریفک جرمانہ اور پوائنٹ سسٹم کی مجوزہ سمری، نیشنل بینک پارک میں میوزیم اور یادگار تعمیر کرنے کیلئے فنڈز، لاہور میوزیم کی بحالی، بہتری اور اپ گریڈیشن کیلئے ماسٹر پلان کی منظوری دی۔ گوجرانوالہ میں ماس ٹرانزٹ اتھارٹی کا سنگ بنیاد رکھنے اور گوجرانولہ ماس ٹرانزٹ پراجیکٹ کو سنٹرل ڈویلپمنٹ ورکنگ پارٹی سے استثنیٰ، ضلعی ہسپتالوں کیلئے قائم کردہ کارڈیک کیتھ لیبز میں متعین انٹر وینشنل کارڈیالوجسٹ، میڈیکل آفیسر، ٹیکنالوجسٹ اور نرسز کی آسامیوں، پنجاب فنانشل ایڈوائزری سروسز کیلئے بھرتیوں پر پابندی میں نرمی اور پنجاب سروس ٹربیونل میں سٹاف کی بھرتی کی منظوری دی گئی۔
اس کے علاوہ پنجاب لینڈ ڈویلپمنٹ کمپنی لمیٹڈ کے سی ای او کی تعیناتی، پنجاب منرل کمپنی (پرائیویٹ) لمیٹڈ کے چیف ایگزیکٹو آفیسر کی تقرری، پنجاب سہولت بازار اتھارٹی میں نئی آسامیوں کیلئے بھرتیوں پر پابندی میں نرمی، پنجاب سینٹرل بزنس ڈسٹرکٹ ڈویلپمنٹ اتھارٹی کے نان آفیشل ممبر اور چیئرمین کی نامزدگی کی منظوری بھی دی۔ کابینہ نے گرین پاکستان پروگرام کیلئے فنڈز ازسر نو مختص کرنے، یونیورسٹی آف حافظ آباد کے قیام اور پنجاب کنزیومر پروٹیکشن ایکٹ کے تحت ڈپٹی کمشنرز سے اے اسی اور ڈسٹرکٹ کنزیومر پروٹیکشن کونسل، اسسٹنٹ ڈائریکٹر لیگل کو اختیارات تفویض کرنے کی منظوری دی۔
پنجاب : لاؤڈ سپیکر ایکٹ سختی سے نافذ کرنے کا فیصلہ