بھارت بازنہ آیا، دوبارہ پاکستان کی فضائی حدود میں دراندازی کی کوشش
اشاعت کی تاریخ: 8th, August 2025 GMT
لاہور کے سرحدی علاقے مناواں میں حساس اداروں نے بھارتی ڈرون کو مار گرایا، جس کی تحقیقات جاری ہیں اور مزید حقائق سامنے آئیں گے۔
تفصیلات کے مطابق لاہور کے مناواں علاقے کی جند یالہ روڈ پر حساس اداروں نے ایک بھارتی ڈرون کو گرا کر اپنی تحویل میں لے لیا۔ ایس پی کینٹ قاضی علی رضا نے بتایا کہ یہ ڈرون ہیگزا کاپٹر ماڈل تھا اور ابتدائی تفتیش سے یہ بات سامنے آئی کہ یہ سرویلنس ڈرون بھارت سے آیا تھا۔
ایس پی کینٹ کا کہنا تھا کہ حساس ادارے اس واقعے کی مکمل تحقیقات کر رہے ہیں اور تحقیقات کے نتیجے میں مزید معلومات سامنے آئیں گی۔ انھوں نے کہا کہ اس ڈرون کی موجودگی پاکستانی فضائی حدود میں بھارتی دراندازی کی ایک اور کوشش تھی جسے ناکام بنا دیا گیا۔
حال ہی میں پاک فوج نے بھمبر کے مناور سیکٹر میں لائن آف کنٹرول پر بھارتی کواڈ کاپٹر کو بھی مار گرایا تھا۔ سکیورٹی حکام کے مطابق بھارتی ڈرون جاسوسی کے مقصد سے پاکستانی فضائی حدود میں داخل ہوا تھا، تاہم فوج کی بروقت اور مؤثر کارروائی نے اس بھارتی سازش کو ناکام بنا دیا۔
بھارتی ڈرونز کی مسلسل دراندازی پاکستان اور بھارت کے درمیان کشیدگی میں اضافہ کر رہی ہے، جس کے بعد بھارت کی طرف سے اشتعال انگیز اقدامات اور دھمکی آمیز بیانات کا سلسلہ بھی جاری ہے۔ فوجی حکام کا کہنا ہے کہ پاکستان آرمی ہر قسم کی جارحیت کا منہ توڑ جواب دینے کے لیے ہمہ وقت تیار ہے اور قوم اپنی مسلح افواج کے ساتھ مکمل یکجہتی سے کھڑی ہے۔
Post Views: 7.
ذریعہ: Daily Mumtaz
کلیدی لفظ: بھارتی ڈرون
پڑھیں:
پاکستانی ایئرپورٹس اتھارٹی کو چار ارب 10 کروڑ روپے خسارہ
روزینہ علی: پاکستانی ایئرپورٹس اتھارٹی کو فضائی حدود کی بندش کے چار ارب 10 کروڑ روپے خسارے کا انکشاف, وزارت دفاع نے تحریری تفصیلات قومی اسمبلی میں جمع کرا دیں۔
۔تفصیلات کے مطابق پاکستان کی فضائی حدود 24 اپریل سے 30 جون 2025 تک بند رہی ۔۔۔معرکہ حق کے موقع پر تمام بھارتی طیاروں کے لیے فضائی حدود سے گزرنے کی اجازت واپس لے لی گئی ۔فضائی حدود کی بندش کے باعث یومیہ 100 سے 150 بھارتی طیارے متاثر ہوئے
شاہکام چوک: تیز رفتار کار کی ٹکر سے 2 افراد کی ہلاکت، ڈرائیور کے خلاف مقدمہ درج
26 نومبر احتجاج کیس، عدالتی حکم پر پی ٹی آئی 65 رہنماؤں اور کارکنان کی گرفتاریوں کیلیے ٹیمیں تشکیل