ملتان،نشتر ہسپتال میں مریضوں کی سہولت کےلئے ڈیجیٹل مانیٹرنگ سسٹم شروع
اشاعت کی تاریخ: 9th, August 2025 GMT
ملتان (اُردو پوائنٹ اخبارتازہ ترین - اے پی پی۔ 09 اگست2025ء) نشتر ہسپتال میں مریضوں کو معیاری طبی سہولیات کی فراہمی کے لیے ڈیجیٹل مانیٹرنگ سسٹم کا باقاعدہ آغاز کر دیا گیاہے ۔اس جدید نظام کے تحت میڈیکل سپرنٹنڈنٹ میں ایک بڑی ڈیجیٹل سکرین نصب کی گئی ہے جس کے ذریعے تمام او پی ڈیز کی روزانہ کی سرگرمیوں کو براہِ راست مانیٹر کیا جا رہا ہے ۔ایم ایس نشتر ہسپتال راؤ امجد علی خان نے کہا ہے کہ یہ اقدام حکومت پنجاب کے ویژن کے مطابق ہے، جس کا مقصد مریضوں کی سہولت میں اضافہ، علاج کے معیار کو بہتر بنانا اور انتظامی امور میں شفافیت لانا ہے۔
انہوں نے کہا کہ اب ہسپتال کی او پی ڈیز میں آنے والے ہر مریض کا مکمل ریکارڈ بشمول مریض کا نام، بیماری کی تفصیل اور تجویز کردہ ادویات آن لائن محفوظ کیا جا رہا ہے، جو فوری طور پر ان کے دفتر کی سکرین پر موصول ہو جاتا ہے۔(جاری ہے)
اس سے نہ صرف مریضوں کے علاج میں تسلسل برقرار رہے گا بلکہ مریضوں کے اعداد و شمار کی بنیاد پر بہتر منصوبہ بندی بھی کی جا سکے گی ۔
راؤ امجد علی خان نے کہا کہ یہ سسٹم انتظامیہ کو یہ جانچنے میں مدد دے گا کہ او پی ڈی میں مریضوں کو بروقت اور معیاری علاج مل رہا ہے یا نہیں اور ساتھ ہی، اگر کسی مریض کو کسی قسم کی شکایت ہو تو اس کا بروقت ازالہ بھی ممکن ہوگا۔ انہوں نے کہا کہ اس ڈیجیٹل مانیٹرنگ سسٹم سے ہسپتال میں آنے والے مریضوں کے لیے سہولت میں اضافہ ہوگا اور خدمات کے معیار میں نمایاں بہتری آئے گی، جو عوامی صحت کے شعبے میں ایک مثبت پیش رفت ہے۔.ذریعہ: UrduPoint
کلیدی لفظ: تلاش کیجئے نے کہا
پڑھیں:
پاکستان کا آئی ٹی سسٹم مومینٹم پکڑ رہا ہے: شزا فاطمہ
—فائل فوٹووفاقی وزیر شزا فاطمہ کا کہنا ہے کہ ملک میں آئی ٹی کا شعبہ تیزی سے ترقی کر رہا ہے، پاکستان کا آئی ٹی سسٹم مومینٹم پکڑ رہا ہے۔
کراچی میں تقریب سے خطاب کرتے ہوئے انہوں نے کہا کہ ٹیکنالوجی، ڈیٹا کا استعمال اور ملک میں فری لانسر بڑھ رہے ہیں، پاکستان پائیدار معاشی استحکام کی طرف گامزن ہے۔
شزا فاطمہ کا کہنا ہے کہ آج دنیا بھر میں پاکستان کی پذیرائی ہو رہی ہے، زرمبادلہ کے ذخائر بڑھ رہے ہیں، مہنگائی اور پالیسی ریٹ میں نمایاں کمی ہوئی ہے۔
وفاقی وزیر نے کہا کہ 2 سال کے ٹیکس کے اعداد بھی شاندار ہیں، ایس آئی ایف سی نے اندرونی مسائل کو حل کر کے راہ ہموار کی۔
عمران خان اور بشریٰ بی بی کی سزا معطلی کے کیس پر جلد سماعت کیلیے پی ٹی آئی متحرک