خیبرپختونخوا، 2018سے 2021تک صحت انصاف کارڈ میں اربوں روپے کی مالی بے ضابطگیوں کا انکشاف
اشاعت کی تاریخ: 10th, August 2025 GMT
خیبرپختونخوا، 2018سے 2021تک صحت انصاف کارڈ میں اربوں روپے کی مالی بے ضابطگیوں کا انکشاف sehat insaf card WhatsAppFacebookTwitter 0 10 August, 2025 سب نیوز
پشاور (سب نیوز)محکمہ صحت خیبرپختونخوا کی آڈٹ رپورٹ میں 2018 سے 2021 تک صحت انصاف کارڈ میں مالی بے ضابطگیوں کا انکشاف ہوا ہے۔آڈٹ رپورٹ کے مطابق صحت کارڈ اور دیگر منصوبوں میں 28 ارب 61 کروڑ روپے کی مالی بے قاعدگیاں سامنے آئی ہیں۔ رپورٹ میں سامنے آیا ہے کہ نجی اسپتالوں کو غیرضروری طور پر صحت سہولت کارڈ پینل میں شامل کیا گیا، پینل میں شامل نہ ہونے والے بعض نجی اسپتالوں کو اربوں روپیکی ادائیگیاں کی گئیں۔
محکمہ صحت کے ذرائع کا کہنا ہے کہ صحت کارڈ پلس سے اربوں روپے وصول کرنے والے 10 اضلاع کے 17 اسپتال ہیلتھ کیئر کمیشن سے رجسٹرڈ ہی نہیں ہیں۔ دستاویز میں بتایا گیا ہے کہ سوات کے 2 غیر رجسٹرڈ اسپتالوں کو صحت سہولت کارڈ کے تحت ایک ارب 2 کروڑ 80 لاکھ کی رقم دی گئی ہیں۔ اسی طرح صحت کارڈ کی مد میں انشورنس کو 27 ارب کی ادائیگی کی گئی۔آڈٹ رپورٹ میں کہا گیا ہے کہ ان ادائیگیوں میں 2 ارب 16 کروڑ روپے انکم ٹیکس کی کٹوتی نہیں کی گئی ہے۔ دستاویز کے مطابق 18-2017 سے 22-2021 تک صحت کے شعبے میں مالی بے ضابطگیوں سے فنڈز کا نقصان ہوا۔
خیبر پختونخوا کے محکمہ صحت کو 32 اضلاع کے اسپتالوں میں ضرورت سے زائد سیکیورٹی عملے اور چوکیدار کی بھرتی پر 82 کروڑ روپے کا نقصان ہوا۔ رپورٹ میں مزید کہا گیا ہے کہ صحت سہولت کارڈ پروگرام کے لیے نادرا کا سینٹرل مینجمنٹ انفارمیشن سسٹم تاحال نہیں بن سکا جبکہ صحت کارڈ کے مریضوں کا مکمل ڈیٹا بھی دستیاب نہیں۔آڈٹ رپورٹ دستاویز میں انکشاف ہوا ہے کہ غیر تدریسی اسپتالوں میں اصلاحات پر 2 ارب روپے کے اخراجات مشکوک، انشورنس کے پی ایس آر پروگرام میں ایک ارب 16 کروڑ روپے کا مالی فرق، محکمہ صحت نے پبلک اسپتالوں سے 25 فیصد حصہ وصول نہیں کیا جس سے خزانے کو 27 کروڑ کا نقصان ہوا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم کا آذربائیجان کے صدر سے ٹیلی فونک رابطہ، آرمینیا سے امن معاہدے پر مبارکباد وزیراعظم کا آذربائیجان کے صدر سے ٹیلی فونک رابطہ، آرمینیا سے امن معاہدے پر مبارکباد وزیر اطلاعات عطا تارڑ نے اسد قیصر کی پریس کانفرنس کوحقائق کے منافی قراردیدیا سیلاب متاثرہ علاقے کے طالب علم کی میٹرک میں پوزیشن، وزیراعظم سے ملاقات باجوہ کو ایکسٹینشن دینا ہماری سب سے بڑی غلطی تھی، قوم سے معافی مانگتے ہیں، اسد قیصر سابق حکومتوں کی کرپشن کو میرے کیخلاف ہتھیار بنایا جارہا ہے، گنڈا پور کا الزام پاکستانی اور ترک وزرائے خارجہ کی غزہ پر قبضے کے اسرائیلی منصوبے کی مذمتCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: مالی بے ضابطگیوں
پڑھیں:
خیبرپختونخوا میں احساس نوجوان پروگرام کا آغاز، 3 ارب کے بغیر سود قرضے اور کاروباری مواقع
پشاور(نیوز ڈیسک) خیبرپختونخوا حکومت نے احساس نوجوان پروگرام شروع کرکے نوجوانوں کے لیے ایک بڑا قدم اٹھایا ہے، جس کا مقصد صوبے کے نوجوانوں کو معاشی طور پر بااختیار بنانا اور انہیں کاروبار کے مواقع فراہم کرنا ہے۔ وزیر اعلیٰ علی امین گنڈا پور نے اس منصوبے کا افتتاح کیا، جو محکمہ کھیل اور امور نوجوانان کے تعاون سے شروع کیا گیا ہے۔
اس منصوبے کو “یوتھ انٹرپرینیورشپ پروگرام” یا “یوتھ کلسٹر سافٹ لون انٹرپرینیورشپ پروگرام (YCSLEP) 2024” بھی کہا جا رہا ہے۔ اس کے لیے 3 ارب روپے کا بجٹ مختص کیا گیا ہے اور سب سے اہم بات یہ ہے کہ نوجوانوں کو کاروبار شروع کرنے کے لیے بلاسود قرضے دیے جائیں گے۔ اس پروگرام میں خواتین، اقلیتوں اور خصوصی افراد کو خصوصی ترجیح دی جائے گی۔
اہلیت کا معیار
اٹھارہ سے پینتیس سال کی عمر کے درمیان ہو۔
خیبرپختونخوا کے مستقل رہائشی ہوں۔
قومی شناختی کارڈ ہو۔
کاروباری منصوبہ قابل عمل ہونا چاہیے۔
ایک صاف کریڈٹ ہسٹری رکھیں
اپلائی کرنے کا طریقہ
سب سے پہلے اپنی اہلیت کی جانچ کریں، پھر ایک مکمل کاروباری منصوبہ تیار کریں جس میں کاروباری خیال، مقاصد اور مالی تخمینہ شامل ہوں۔ پھر آن لائن پورٹل کے ذریعے درخواست جمع کروائیں۔ درخواست کا جائزہ بینک آف خیبر یا اخوت اسلامی مائیکرو فنانس کرے گا، اور منظوری کے بعد، قرض دیا جائے گا۔
قرضوں کی دو اقسام
بینک آف خیبر کے تحت 10 لاکھ روپے سے 50 لاکھ روپے تک کے قرضے تین سے پانچ ہنر مند افراد کے گروپوں کو دستیاب ہوں گے۔ ادائیگی کی مدت 8 سال ہے، جس میں پہلے 20 مہینے قسطوں سے مستثنیٰ ہوں گے۔
اخوت اسلامی مائیکرو فنانس کے تحت 1 لاکھ روپے سے 5 لاکھ روپے تک کے قرضے انفرادی طور پر دیئے جائیں گے۔ یہ قرض خواہ درخواست گزار تعلیم یافتہ ہو یا نہ ہو۔ ادائیگی کی مدت 3 سے 5 سال مقرر کی گئی ہے۔
یہ منصوبہ نوجوانوں کو نہ صرف کاروبار شروع کرنے کا موقع فراہم کرے گا بلکہ انہیں معاشی آزادی، ہنر اور روزگار کی نئی راہیں بھی فراہم کرے گا۔ خیبرپختونخوا میں یہ قدم یقیناً ترقی اور خوشحالی کی جانب ایک مضبوط قدم ہے۔
Post Views: 5
ایگزیکٹیو ڈائریکٹر ایچ ای سی کی برطرفی پر عدالتی حکم امتناع، بیلف کے ذریعے چارج دلوا دیا