14 سے 23 اگست تک مون بارشوں کا نیا اسپیل، سیلاب و اربن فلڈنگ کے خدشات
اشاعت کی تاریخ: 11th, August 2025 GMT
محکمہ موسمیات نے ملک کے مختلف حصوں میں آئندہ ہفتوں میں مزید مون سون بارشوں کی پیشگوئی کرتے ہوئے شہریوں کو الرٹ رہنے کی ہدایت دی ہے۔
نجی ٹی وی پروگرام میں گفتگو کرتے ہوئے ڈپٹی ڈائریکٹر محکمہ موسمیات انجم نذیر نے کہا کہ مون سون کا سیزن ابھی ختم نہیں ہوا اور آئندہ دنوں میں اس کی شدت میں اضافہ ہوگا۔
یہ بھی پڑھیں: مون سون بارشوں کا نیا سلسلہ 13 اگست سے شروع ہوسکتا ہے، ڈی جی پی ڈی ایم اے
انجم نذیر کے مطابق 14 اگست تک صرف ایک یا دو مقامات پر ہلکی یا درمیانی بارش کا امکان ہے، تاہم 14 اگست سے 23 اگست تک کا 10 روزہ دورانیہ پاکستان کے لیے اہم ہے کیونکہ اس دوران ملک کے کئی حصے موسلادھار بارشوں کی لپیٹ میں آئیں گے۔
انہوں نے بتایا کہ 14 اگست سے شمال مشرقی پنجاب کے اضلاع سیالکوٹ، قصور، نارووال اور ملحقہ علاقوں میں بارشوں کا سلسلہ شروع ہوگا۔ شدید بارش کی وجہ سے مشرقی دریاؤں میں طغیانی اور بعض شہروں میں اربن فلڈنگ کا خطرہ ہے۔
یہ بھی پڑھیں: پنجاب میں مون سون کے چھٹے طاقتور اسپیل کی پیشگوئی، اربن فلڈنگ کا خدشہ
ان کا کہنا تھا کہ اس کے بعد بارشوں کا یہ سلسلہ پاکستان کے جنوبی علاقوں کی طرف بڑھے گا، جہاں 17 اگست سے 23 اگست تک سندھ کے اکثر حصوں میں درمیانی سے موسلادھار اور چند مقامات پر شدید موسلادھار بارش ہوسکتی ہے۔
انجم نذیر نے کہا کہ کراچی میں بھی بارش کے امکانات بڑھ گئے ہیں۔ 17 اگست سے 23 اگست کے دوران شہر میں وقفے وقفے سے تیز بارش متوقع ہے، تاہم اس سے قبل جمعہ، ہفتہ اور اتوار کو موسم گرم اور درجہ حرارت میں اضافہ ہوگا۔ ان کے مطابق 17 اگست کی شام یا رات سے کراچی میں بارشوں کا آغاز ہوسکتا ہے۔
یہ بھی پڑھیں: مون سون کی تباہ کاریاں جاری، ہلاکتیں 252 تک پہنچ گئیں، مزید بارشوں کی پیشگوئی
انہوں نے شہریوں، ضلعی انتظامیہ اور متعلقہ اداروں کو پیشگی حفاظتی اقدامات کرنے اور ممکنہ اربن فلڈنگ کے لیے تیار رہنے کی ہدایت کی۔
دوسری جانب محکمہ موسمیات نے پیشگوئی کی ہے کہ پیر اور منگل کے روز ملک کے بیشترمیدانی علاقوں میں موسم گرم اور شدید حبس برقرار رہنے کا امکان ہے، تاہم خطہ پوٹھوہار، شمال مشرقی پنجاب، بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد انجم نذیر بارش پیشگوئی ڈپٹی ڈائریکٹر محکمہ موسمیات کشمیر گلگت بلتستان محکمہ موسمیات مری مون سون.
ذریعہ
ذریعہ: WE News
کلیدی لفظ: اسلام اباد پیشگوئی گلگت بلتستان محکمہ موسمیات محکمہ موسمیات اربن فلڈنگ بارشوں کا سے 23 اگست اگست سے اگست تک
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم