کیفے پر حملوں کے بعد کپل شرما کی سیکیورٹی بڑھا دی گئی
اشاعت کی تاریخ: 12th, August 2025 GMT
لارنس بشنوئی گینگ کی جانب سے دھمکی اور کیفے پر حملوں کے بعد ممبئی پولیس نے معروف کامیڈین کپل شرما کی سیکیورٹی بڑھا دی ہے۔
بھارتی میڈیا کے مطابق حال ہی میں کپل شرما کے کینیڈا میں واقع کیفے پر فائرنگ کا واقعہ پیش آیا جس کی ذمہ داری لارنس بشنوئی گینگ نے لی اور اس گینگ کی جانب سے سلمان خان کیساتھ کام کرنے والوں کو خطرناک انجام کی دھمکیاں بھی ملی ہیں۔
میڈیا کا کہنا ہے کہ لارنس بشنوئی گینگ کپل شرما کے سلمان خان سے تعلقات کی وجہ سے بھڑکا ہوا ہے کیونکہ کپل شرما جس کامیڈی شو کے میزبان ہیں اس کی پروڈکشن سلمان خان کی ہے۔ یہی وجہ ہے کہ ممبئی پولیس نے کپل شرما کی جان کو لاحق خطرے کے باعث کامیڈین کی سیکیورٹی میں اضافہ کردیا ہے۔
واضح ہے کہ کینیڈا میں موجود کپل شرما کے کیفے پر یہ حملہ دوسری بار ہوا ہے۔ حالیہ حملے میں تقریباً 25 گولیاں چلائی گئیں اور اس کا ایک ویڈیو سوشل میڈیا پر وائرل ہوا جس میں ایک آواز بھی سنائی دی کہ اگر ہدف نے اپنی موبائل کال نہیں سنی تو ممبئی میں اگلا اقدام کیا جائے گا۔
گورپریت سنگھ المعروف گولڈی دھلوں اور لارنس بشنوی نے اس حملے کی ذمہ داری قبول کی ہے۔ جولائی میں بھی اس کیفے پر فائرنگ ہوئی تھی جس میں کوئی جانی نقصان نہیں ہوا تھا۔
علاوہ ازیں لارنس بشنوی گینگ نے اداکار سلمان خان کے ساتھ کام کرنے والے تمام فنکاروں، پروڈیوسرز اور ڈائریکٹرز کو بھی خبردار کیا ہے کہ اگر انہوں نے اداکار کیساتھ کام کیا تو وہ ان کے خلاف سخت کارروائی کریں گے۔
سلمان خان کو بھی بشنوی گینگ کی جانب سے کئی بار قتل کی دھمکیاں مل چکی ہیں، کیونکہ وہ 1998 میں جودھ پور میں نایاب کالی ہرن کے شکار کے مقدمے کا سامنا کر رہے ہیں جس کو بشنوئی مقدس مانتے ہیں۔
.
ذریعہ: Express News
پڑھیں:
امیر مدینہ منورہ کا سعودی وژن 2030 کے اہداف کے حصول کے لیے منصوبے جاری رکھنے پر زور
امیر مدینہ منورہ شہزادہ سلمان بن سلطان بن عبدالعزیز سعودی وژن 2030 کے اہداف کے حصول کے لیے ترقیاتی منصوبے جاری رکھنے پر زور دیا ہے۔
مدینہ منورہ کے امیر شہزادہ سلمان بن سلطان بن عبدالعزیز نے ضلع المہد کا دورہ کیا، جہاں انہوں نے جاری ترقیاتی منصوبوں اور عوامی خدمات کا جائزہ لیا۔
یہ بھی پڑھیں: ’بری پل‘ ریل منصوبہ: سعودی وژن 2030 کے اہداف میں اہم سنگ میل
دورے کے دوران امیر نے ضلع کے گورنر ڈاکٹر سلامہ الجہنی اور ریجنل ڈویلپمنٹ اتھارٹی کے سی ای او انجینئر فہد البلیہشی سے ملاقات کی اور ترقیاتی و بلدیاتی منصوبوں پر تفصیلی بریفنگ حاصل کی۔
شہزادہ سلمان بن سلطان نے مقامی کونسل کے اجلاس کی صدارت کی، جس میں سرکاری اداروں کے نمائندوں نے شرکت کی۔ انہوں نے ہدایت کی کہ ترقیاتی منصوبے سعودی وژن 2030 کے اہداف کے مطابق جاری رکھے جائیں اور خدمات کے معیار کو بہتر بنایا جائے۔
یہ بھی پڑھیں: مدینہ منورہ: وژن 2030 کے تحت بہترین اقدامات، زائرین کے قیام کے دورانیے میں دوگنا اضافہ
امیر نے عوامی اجتماع میں شہریوں کو قیادتِ سعودی کی جانب سے سلام پہنچایا اور کہا کہ المہد اپنی قدرتی دولت اور صنعتی امکانات کی وجہ سے مملکت کا ایک اہم مرکز ہے۔ انہوں نے زور دیا کہ ترقیاتی منصوبے شہریوں کی زندگی کے معیار کو بلند کرنے میں مددگار ثابت ہوں گے۔
المہد کے معزز شہری ڈاکٹر محمد بن منور العقلی نے امیر کا شکریہ ادا کرتے ہوے کہا کہ ان کی سرپرستی سے ضلع میں بنیادی ڈھانچے، صحت اور سڑکوں کے منصوبے تیزی سے ترقی کر رہے ہیں، جبکہ کان کنی کے شعبے کی توسیع نے سرمایہ کاری کے نئے مواقع پیدا کیے ہیں۔ ملاقات کا اختتام شاعر ترکی المیزانی کی نظم پر ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امیر مدینہ سعودی عرب شہزادہ سلمان بن سلطان بن عبدالعزیز ویژن 2023
تحریک انصاف نے لوکل گورنمنٹ ایکٹ 2025 کو ہائیکورٹ میں چیلنج کر دیا