EU کیجانب سے لبنان پر صیہونی حملوں کی مذمت
اشاعت کی تاریخ: 8th, November 2025 GMT
اپنے ایک جاری بیان میں انور العونونی کا کہنا تھا کہ برسلز، تل ابیب سے مطالبہ کرتا ہے کہ وہ سلامتی کونسل کی قرارداد 1701 اور نومبر 2024ء میں ہونے والی جنگبندی كے معاہدے کی پامالی بند كرے۔ اسلام ٹائمز۔ "یورپی یونین" نے لبنان کے جنوبی علاقوں پر اسرائیل کے تازہ حملوں کی مذمت کی۔ انہوں نے "تل ابیب" سے جنگ بندی کی پابندی کا مطالبہ کیا۔ یورپی یونین کی جانب سے اس موقف کا اظہار، مذکورہ یونین کے ترجمان خارجہ "انور العونونی" كی جانب سے كیا گیا۔ جس میں انہوں نے كہا كہ "برسلز"، تل ابیب سے مطالبہ کرتا ہے کہ وہ سلامتی کونسل کی قرارداد 1701 اور نومبر 2024ء میں ہونے والی جنگ بندی كے معاہدے کی پامالی بند كرے۔ انہوں نے لبنان کی تمام سیاسی اكائیوں بالخصوص "حزب الله" سے بھی مطالبہ کیا کہ وہ كشیدگی كو بڑھانے والے اقدامات سے پرہیز کریں۔
واضح رہے كہ اسرائیل نے حالیہ جمعرات کی شام سے لبنان کے جنوبی علاقوں میں حزب الله کے ٹھكانوں پر حملوں كی نئی لہر شروع کی۔ ان حملوں سے قبل صیہونی فوج نے ایک بیان میں اعلان کیا کہ ہم جنوبی لبنان کے مختلف علاقوں میں حزب الله کے فوجی ڈھانچے پر حملہ کریں گے۔ تل ابیب کا دعویٰ ہے کہ ان حملوں کا مقصد جنوبی لبنان میں حزب الله کی دوبارہ سے ہونے والی سرگرمیاں روکنا ہے۔ جنگ بندی کے بعد صیہونی رژیم کا جنوبی لبنان پر دوبارہ حملہ، جہاں اقوام متحدہ کی قراردادوں کی صریح خلاف ورزی ہے وہیں، بین الاقوامی برادری، لبنان کے اعلیٰ عہدیداروں اور خطے کے استقامتی محاذ کی تنقید کی ذد میں ہے۔ لبنان کے صدر "جوزف عون" بھی ان حملوں کی مذمت کر چکے ہیں۔
ذریعہ: Islam Times
پڑھیں:
آسٹن ولا اور مکابی تل ابیب کے میچ کے دوران اسٹیڈیم کے باہر فلسطین کے حق میں بڑا احتجاج
data-id="863a0a8" data-element_type="widget" data-widget_type="theme-post-content.default">
انگلینڈ کے آسٹن ولا کلب اور اسرائیلی کلب مکابی کے درمیان یوروپا لیگ میچ کے دوران اسٹیڈیم کے باہر ہزاروں افراد نے فلسطین کے حق میں بھرپور احتجاج کیا۔
میچ برمنگھم کے وِلا پارک اسٹیڈیم میں کھیلا گیا جبکہ اس دوران اسٹیڈیم کے باہر بڑی تعداد میں شہری فلسطینیوں سے اظہارِ یکجہتی کے لیے جمع ہوئے۔ مظاہرین نے اسرائیلی فٹبال کلبز کی بین الاقوامی مقابلوں میں شرکت پر پابندی کا بھی مطالبہ کیا۔
مظاہرین کے ہاتھوں میں ایسے بینرز بھی تھے جن پر لکھا تھا کہ اسرائیل نے فلسطین میں 400 سے زائد فٹبالرز کو قتل کیا۔ رپورٹ کے مطابق اس احتجاج میں مقامی رکن پارلیمنٹ محمد ایوب نے بھی شرکت کی۔
وزیراعظم آزاد کشمیر کے خلاف تحریک عدم اعتماد میں مسلسل تاخیر کی وجہ سامنے آگئی