سپیکر قومی اسمبلی سے بلغاریہ کی سفیر کی ملاقات،79ویں یومِ آزادی کی مبارکباد
اشاعت کی تاریخ: 12th, August 2025 GMT
ویب ڈیسک: سپیکر قومی اسمبلی سردار ایاز صادق سے بلغاریہ کی سفیر ( Mrs. Irena Gancheva)ارینا گانچیوا نے ملاقات کی،ملاقات کے موقع پر بلغاریہ کی سفیر نے سپیکر قومی اسمبلی کو 79ویں یومِ آزادی کی مبارکباد دی۔
اس موقع پر سپیکر قومی اسمبلی کا کہنا تھا کہ پاکستان بلغاریہ کے ساتھ اقتصادی و پارلیمانی تعاون مزید بڑھانے کا خواہشمند ہے،تجارت اور سرمایہ کاری کے شعبوں میں دونوں ممالک میں تعاون کو فروغ دینے کے وسیع مواقع موجود ہیں۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
سردار ایاز صادق نے مزید کہا کہ دونوں ممالک کے مابین تجارتی برادری میں رابطوں کو فروغ دینے کی ضرورت ہے، ثقافتی اور تعلیمی شعبوں میں وفود کے تبادلے تعلقات کو مزید مضبوط بناسکتے ہیں۔
سپیکر قومی اسمبلی نے کہا کہ پارلیمانی وفود کے تبادلوں سے باہمی تعاون میں اضافہ ہوگا،قومی اسمبلی میں قائم پاک-بلغاریہ پارلیمانی فرینڈشپ گروپ دوطرفہ تعلقات کو فروغ دینے میں فعال کردار ادا کررہا ہے۔
راولپنڈی میں ڈینگی کی شدت میں اضافہ۔ 58 نئے کیسز کی تصدیق
بلغاریہ کی سفیر نے سپیکر قومی اسمبلی کو 79ویں یومِ آزادی کی مبارکباد دیتے ہوئے کہاکہ پاکستان اور بلغاریہ کے مابین عوامی سطح پر رابطوں کا فروغ خوش آئند ہے۔
سفیر بلغاریہ نے مزید کہا کہ بلغاریہ کے سرمایہ کار پاکستان میں سرمایہ کاری میں گہری دلچسپی رکھتے ہیں، پارلیمانی رابطوں کا فروغ دونوں ممالک کے بہترین مفاد میں ہے، سپیکر قومی اسمبلی کی جانب سے دوطرفہ پارلیمانی رابطوں کو فروغ دینے کے لیے اٹھائے گئے اقدامات قابلِ تحسین ہیں۔
رونالڈو نے 8 سال تک ڈیٹنگ کے بعد جورجینا سے منگنی کر لی
.ذریعہ: City 42
کلیدی لفظ: سپیکر قومی اسمبلی بلغاریہ کی سفیر کو فروغ دینے
پڑھیں:
پاکستان جارحیت کا بھرپور جواب دینے کی صلاحیت رکھتا ہے،اقوام متحدہ جنرل اسمبلی سے وزیراعظم شہباز شریف کا خطاب
وزیراعظم پاکستان محمد شہباز شریف نے اقوام متحدہ جنرل اسمبلی کے 80 ویں اجلاس سے خطاب کرتے ہوئے کہا کہ پاکستان پرامن بقائے باہمی اور تنازعات کے سفارتی حل پر یقین رکھتا ہے، تاہم کسی بھی جارحیت کی صورت میں ملک اپنے دفاع کے لئے فیصلہ کن اقدامات کرنے کی بھرپور صلاحیت رکھتا ہے۔
وزیراعظم نے اپنی تقریر کا آغاز قرآن پاک کی تلاوت سے کیا اور جنرل اسمبلی کی صدر کو اجلاس کی صدارت پر مبارکباد پیش کی۔ انہوں نے سیکریٹری جنرل انتونیو گوتریس کی قیادت کو خراج تحسین پیش کرتے ہوئے کہا کہ مشکل ترین حالات میں ان کی جرات مندانہ رہنمائی قابل ستائش ہے۔
شہباز شریف نے کہا کہ آج دنیا پہلے سے کہیں زیادہ پیچیدہ ہو چکی ہے، تنازعات شدت اختیار کر رہے ہیں اور عالمی قوانین کی کھلم کھلا خلاف ورزی جاری ہے۔ انسانی بحران بڑھ رہے ہیں جبکہ دہشت گردی ایک بڑے خطرے کے طور پر ابھر چکی ہے۔ انہوں نے کہا کہ گمراہ کن پروپیگنڈا اور جعلی خبروں نے عالمی سطح پر اعتماد کو متزلزل کر دیا ہے اور ماحولیاتی تبدیلی پوری دنیا کی بقا کے لیے بڑا چیلنج بن چکی ہے۔
وزیراعظم نے کہا کہ پاکستان کی خارجہ پالیسی بابائے قوم کے وژن کی رہنمائی میں تشکیل دی گئی ہے، جو پرامن بقائے باہمی اور مکالمے پر مبنی ہے۔ انہوں نے کہا کہ گزشتہ سال اسی پلیٹ فارم سے دنیا کو خبردار کیا تھا کہ پاکستان کسی بھی جارحیت پر فیصلہ کن اقدام کرے گا، اور مئی میں مشرقی محاذ پر دشمن کی جارحیت کے وقت یہ الفاظ سچ ثابت ہوئے۔
انہوں نے کہا کہ غرور میں مبتلا دشمن کو ذلت کا سامنا کرنا پڑا۔ بھارت نے پہلگام واقعے کی تحقیقات میں تعاون سے انکار کیا اور انسانی المیے کو سیاسی فائدے کے لیے استعمال کرنے کی کوشش کی۔ وزیراعظم نے کہا کہ بھارت نے شہری علاقوں پر حملے کر کے معصوم جانوں کو نشانہ بنایا اور پاکستان کی سرحدی سالمیت کی خلاف ورزی کی۔
شہباز شریف نے کہا کہ پاکستان نے اقوام متحدہ کے چارٹر کے آرٹیکل 51 کے تحت اپنے دفاع کا حق استعمال کیا۔ انہوں نے کہا کہ فیلڈ مارشل سید عاصم منیر کی قیادت میں مسلح افواج نے جرات اور پیشہ ورانہ مہارت کا مظاہرہ کیا جبکہ ایئر چیف مارشل ظہیر احمد بابر کی قیادت میں شاہینوں نے دشمن کے سات جنگی طیاروں کو تباہ کر کے تاریخ رقم کی۔
وزیراعظم نے کہا کہ پاکستان کے جانبازوں اور شہداء نے بے مثال قربانیاں دیں۔ انہوں نے کہا کہ ہم شہداء کے ورثاء کو سلام پیش کرتے ہیں، ان کے نام عزت و وقار کے ساتھ ہمیشہ زندہ رہیں گے اور شہداء کی ماؤں کے حوصلے ہمارے راستے کو روشن کرتے رہیں گے۔ انہوں نے عزم ظاہر کیا کہ ہمارے شہداء کی قربانیاں کبھی رائیگاں نہیں جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوامِ متحدہ جنرل اسمبلی امریکا خطاب شہباز شریف
برطانیہ کی جانب سے آج فلسطین کو باضابطہ طور پر ریاست تسلیم کیے جانے کا امکان