کراچی کی ترقی کے بغیر پاکستان ترقی نہیں کر سکتا، ڈاکٹر فاروق ستار
اشاعت کی تاریخ: 13th, August 2025 GMT
اپنے خطاب میں سینئر ایم کیو ایم رہنما نے کہا کہ معیشت کی بہتری کے ثمرات نچلی سطح تک عوام کو منتقل کرنا وقت کی اہم ضرورت ہے، آزادی اللہ تعالی کی ایک عظیم نعمت ہے اور ہمیں اس کی قدر کرتے ہوئے وطن کی تعمیر و ترقی کے لیے ہر ممکن کردار ادا کرنا ہوگا۔ اسلام ٹائمز۔ کراچی میں لیاری لی مارکیٹ گرین ٹمبر اینڈ آئرن مارکیٹ ایسوسی ایشن کے زیرِ اہتمام "معرکہ حق" اور جشنِ آزادی کی مناسبت سے ایک شاندار تقریب کا انعقاد کیا گیا، جس میں متحدہ قومی موومنٹ پاکستان کے سینئر مرکزی رہنما و رکن قومی اسمبلی ڈاکٹر فاروق ستار نے خصوصی شرکت کی۔ تقریب میں کراچی کے تاجروں انجمنوں کے نمائندے بڑی تعداد میں موجود تھے۔ تقریب میں شرکا نے پاکستان کے 78ویں یومِ آزادی پر وطنِ عزیز سے اپنی غیر متزلزل محبت اور وابستگی کا اظہار کیا۔ اس موقع پر ڈاکٹر فاروق ستار نے شرکا کو جشنِ آزادی کی پرخلوص مبارکباد پیش کی اور "معرکہ حق" میں بھارت کے خلاف کامیابی پر پاکستانی عوام، مسلح افواج اور شہدا کو خراجِ تحسین پیش کرتے ہوئے کہا کہ یہ کامیابی پوری قوم کی عظیم قربانیوں کا نتیجہ ہے۔
ڈاکٹر فاروق ستار نے اپنے خطاب میں ملک کی معیشت کو سنبھالنے اور اسے بہتر بنانے کی ضرورت پر زور دیتے ہوئے کہا کہ معیشت کی بہتری کے ثمرات نچلی سطح تک عوام کو منتقل کرنا وقت کی اہم ضرورت ہے۔ انہوں نے مزید کہا کہ کراچی کی ترقی، پاکستان کی ترقی ہے اور پاکستان کراچی کی ترقی کے بغیر ترقی نہیں کر سکتا۔ انہوں نے کہا کہ آزادی اللہ تعالی کی ایک عظیم نعمت ہے اور ہمیں اس کی قدر کرتے ہوئے وطن کی تعمیر و ترقی کے لیے ہر ممکن کردار ادا کرنا ہوگا۔ تقریب میں علاقہ معززین، تاجروں اور شہریوں نے بھرپور شرکت کی اور پاکستان کے حق میں نعرے بلند کیے۔ آخر میں پاکستان کی سلامتی، ترقی اور خوشحالی کے لیے خصوصی دعا کی گئی۔
ذریعہ: Islam Times
کلیدی لفظ: ڈاکٹر فاروق ستار ترقی کے کی ترقی کہا کہ
پڑھیں:
نوجوان طبقہ معرکہ حق اور جشن آزادی کے سلسلے میں بھرپور طریقہ سے حصہ لے رہا ہے، ناصر شاہ
اپنے پیغام میں وزیر توانائی سندھ نے کہا کہ یپلز پارٹی کا وژن یہ ہے کہ نوجوان صرف ملکی ترقی کا حصہ نہ بنیں بلکہ اس کی قیادت سنبھالیں، ہم چاہتے ہیں کہ نوجوان اپنی تعلیم، ہنر اور صلاحیت کے بل بوتے پر دنیا میں پاکستان کا مثبت تشخص اجاگر کریں۔ اسلام ٹائمز۔ سندھ کے وزیر توانائی، ترقیات و منصوبہ بندی سید ناصر حسین شاہ نے نوجوانوں کے عالمی دن کے موقع پر اپنے خصوصی پیغام میں کہا ہے کہ نوجوان پاکستان کا قیمتی سرمایہ اور روشن مستقبل ہیں۔ انہوں نے کہا کہ ترقی یافتہ، خوشحال اور پرامن معاشرے کی تشکیل میں نوجوانوں کا کردار کلیدی حیثیت رکھتا ہے، اور پیپلز پارٹی ہمیشہ سے نوجوانوں کی تعلیم، روزگار اور قیادت میں بھرپور شمولیت کے لیے عملی اقدامات کرتی آئی ہے۔ سید ناصر حسین شاہ نے کہا کہ چیئرمین بلاول بھٹو زرداری کی قیادت میں پاکستان پیپلز پارٹی نے نوجوانوں کے لیے اسکالرشپ پروگرام، ٹیکنیکل ٹریننگ سینٹرز، اسکل ڈویلپمنٹ اسکیمز اور روزگار کے مواقع فراہم کرنے والے منصوبے شروع کیے ہیں، تاکہ وہ اپنی صلاحیتوں کو بہتر بنا سکیں اور ملکی ترقی میں فعال کردار ادا کر سکیں۔
انہوں نے مزید کہا کہ صوبہ سندھ میں نوجوانوں کے لیے کھیلوں کی سرگرمیوں کے فروغ، اسٹارٹ اپ انکیوبیشن سینٹرز، آئی ٹی ٹریننگ اور انٹرن شپ پروگرامز جیسے منصوبے جاری ہیں، جو ان کی تخلیقی اور پیشہ ورانہ مہارتوں کو نکھارنے میں مددگار ثابت ہو رہے ہیں۔ ناصر حسین شاہ نے کہا کہ نوجوان طبقہ معرکہ حق اور جشنِ آزادی کے سلسلے میں بھرپور طریقے سے سرگرم عمل ہے اور ان کا جوش و جذبہ لائقِ تحسین ہے۔ انہوں نے کہا کہ پیپلز پارٹی کا وژن یہ ہے کہ نوجوان صرف ملکی ترقی کا حصہ نہ بنیں بلکہ اس کی قیادت سنبھالیں، ہم چاہتے ہیں کہ نوجوان اپنی تعلیم، ہنر اور صلاحیت کے بل بوتے پر دنیا میں پاکستان کا مثبت تشخص اجاگر کریں۔
گلگت بلتستان ، انفراسٹرکچر کی بحالی کیلئے 4 ارب کے فنڈز کا اعلان