چند لوگ 14 اگست کو ذاتی یا سیاسی ایجنڈوں سے جوڑ کر تقسیم پیدا کرنے کی کوشش کر رہے ہیں، امیر مقام
اشاعت کی تاریخ: 14th, August 2025 GMT
مسلم لیگ (ن) کے رہنما اور وفاقی وزیر نے یوم آزادی پاکستان کے موقع پر مردان میں عوامی اجتماع سے خطاب کرتے ہوئے کہا کہ اس دن کو منانا ہماری قومی ذمہ داری ہے تاکہ ہم نہ صرف اپنے ہیروز کو یاد رکھیں بلکہ ماضی کی غلطیوں سے سبق لے کر مستقبل کو بہتر بنا سکیں۔ اسلام ٹائمز۔ وفاقی وزیر امور کشمیر اور گلگت بلتستان امیر مقام نے اپوزیشن رہنماؤں پر تنقید کرتے ہوئے کہا ہے کہ چند لوگ 14 اگست کو منانے کے بجائے اسے ذاتی یا سیاسی ایجنڈوں سے جوڑ کر تقسیم پیدا کرنے کی کوشش کر رہے ہیں۔ پاکستان مسلم لیگ (ن) کے رہنما اور وفاقی وزیر برائے امور کشمیر، گلگت بلتستان اور سیفران امیر مقام نے یوم آزادی پاکستان کے موقع پر مردان کے علاقے شامیلات میں سابق صوبائی وزیر اور مسلم لیگ (ن) کے رہنما جمشید مہمند کی رہائش گاہ پر عوامی اجتماع سے خطاب کرتے ہوئے پاکستان کے قیام کی جدوجہد، قربانیوں اور موجودہ حالات میں قوم کے جذبے کو خراج تحسین پیش کیا۔ انہوں نے کہا کہ اس دن کو منانا ہماری قومی ذمہ داری ہے تاکہ ہم نہ صرف اپنے ہیروز کو یاد رکھیں بلکہ ماضی کی غلطیوں سے سبق لے کر مستقبل کو بہتر بنا سکیں۔
امیر مقام نے رواں برس کی تقریبات کو ایک خاص جذبے سے بھرپور قرار دیتے ہوئے کہا کہ آزادی کا جشن اس مرتبہ اس لیے زیادہ پرجوش ہے کیونکہ حال ہی میں "معرکہ حق" کے دوران پاکستان نے اپنے دیرینہ دشمن بھارت کو چند گھنٹوں میں شکست دے کر دنیا کو حیران کر دیا۔ انہوں نے کہا کہ اس کارنامے کے بعد پاکستان کا عالمی امیج بلند ہوا ہے اور سبز پاسپورٹ کی قدر و منزلت میں اضافہ ہوا ہے۔ امیر مقام نے کہا کہ بھارت آبادی، معیشت اور دفاع میں بڑی طاقت ہونے کے باوجود پاکستانی قوم کے جذبے کا مقابلہ نہیں کر سکتا۔ انہوں نے اپنی بارڈر پر موجودگی کا ذکر کرتے ہوئے کہا کہ انہوں نے اپنی آنکھوں سے جوانوں کا عزم و حوصلہ دیکھا اور یہ جذبہ کسی بھی قیمت پر خریدا نہیں جا سکتا۔
وفاقی وزیر نے واضح کیا کہ خیبر پختونخوا کے عوام نے قیام پاکستان سے لے کر آج تک ہمیشہ پاکستانیت کا مظاہرہ کیا ہے، ریفرنڈم میں پاکستان کا ساتھ دیا، کشمیر کی جنگوں میں حصہ لیا اور قربانیاں پیش کیں۔ اپوزیشن کو تنقید کا نشانہ بناتے ہوئے انہوں نے افسوس کا اظہار کیا کہ چند لوگ 14 اگست کو منانے کے بجائے اسے ذاتی یا سیاسی ایجنڈوں سے جوڑ کر تقسیم پیدا کرنے کی کوشش کر رہے ہیں۔ انہوں نے کہا کہ ایسے عناصر بظاہر بھارت اور مودی کے ایجنڈے پر چل رہے ہیں کیونکہ وہ قوم کو یکجا کرنے کے بجائے انتشار پھیلانا چاہتے ہیں۔
ذریعہ: Islam Times
کلیدی لفظ: وفاقی وزیر کرتے ہوئے نے کہا کہ ہوئے کہا انہوں نے رہے ہیں
پڑھیں:
نوجوانوں کے لیے بڑی خوشخبری: ایک لاکھ لیپ ٹاپ میرٹ پر تقسیم ہوں گے
اسلام آباد(ویب ڈیسک) وزیرِاعظم شہباز شریف نے اعلان کیا ہے کہ ملک بھر کے ہونہار اور محنتی نوجوانوں کو میرٹ کی بنیاد پر ایک لاکھ مفت لیپ ٹاپ دیے جائیں گے۔ یہ اعلان انہوں نے *نوجوانوں کے عالمی دن کے موقع پر ایک خصوصی تقریب سے خطاب کرتے ہوئے کیا۔
وزیراعظم کے مطابق یہ لیپ ٹاپ پروگرام چاروں صوبوں، وفاقی دارالحکومت، گلگت بلتستان اور آزاد کشمیر کے طلبہ و طالبات کے لیے ہوگا، اور یہ اسکیم پہلے سے موجود سود پر مبنی قرضوں کے ذریعے چلنے والے لیپ ٹاپ پروگرام سے بالکل الگ ہے۔
شہباز شریف نے کہا کہ ملک کا مستقبل نوجوان نسل سے وابستہ ہے، اس لیے ترقی کی دوڑ میں میرٹ کی پاسداری ہر صورت یقینی بنائی جائے گی۔ انہوں نے تقریب میں خطاب کے دوران ملکی دفاع سے متعلق بھی گفتگو کی اور کہا کہ پاک فوج اور دیگر مسلح افواج نے حالیہ چار روزہ جنگ میں دشمن کو ناقابلِ فراموش سبق سکھایا۔
وزیراعظم نے بتایا کہ 6 اور 10 مئی کو پاکستان کی افواج نے دشمن پر کاری ضرب لگائی، اس دوران پاک فضائیہ نے بھارت کے چھ جنگی طیارے، جن میں چار رافیل بھی شامل تھے، مار گرائے۔ ان کے مطابق 10 مئی کا دن بھارت کے غرور کے خاتمے کی علامت بن گیا۔
انہوں نے واضح الفاظ میں کہا کہ پاکستان کے حصے کے پانی پر کوئی سمجھوتہ نہیں ہوگا۔ سندھ طاس معاہدے کے تحت بھارت کو پاکستان کا پانی روکنے کا کوئی حق حاصل نہیں، اور اگر ایسی کوشش کی گئی تو جواب ایسا ہوگا جو ہمیشہ یاد رکھا جائے گا۔
Post Views: 2
سندھ؛ ورکرز ویلفیئر بورڈ اجلاس میں مالی سال 2025-26 کا بجٹ منظور