جماعت اسلامی کی شکایت، ایشیائی ترقیاتی بینک نے سندھ حکومت کے بی آر ٹی کو تعمیر و مرمت کی ڈیڈ لائن دیدی
اشاعت کی تاریخ: 17th, August 2025 GMT
ایشیائی ترقیاتی بینک (ADB) اور ادارہ اقوام متحدہ گرین کلائمیٹ فنڈ (GCF) کی جانب سے کونسلر محمد طلحہ ذوالفقار کے ساتھ مسلسل رابطہ رکھا جا رہا ہے اور باضابطہ طور پر بتایا گیا ہے کہ چند ہفتوں کے اندر اس سڑک کی از سر نو تعمیر کا آغاز کر دیا جائے گا، جسے مقررہ مدت میں پایۂ تکمیل تک پہنچایا جائے گا۔ اسلام ٹائمز۔ ایشیائی ترقیاتی بینک (ADB) نے جماعت اسلامی کے منتخب کونسلر محمد طلحہ ذوالفقار کی جانب سے درج کی گئی شکایت پر فوری کارروائی کرتے ہوئے سندھ حکومت کے ماتحت بی آر ٹی (BRT) حکام کو ہدایت دی ہے کہ دادا بھائی نورو جی روڈ کی تعمیر اور مرمتی کام ہر صورت 25 سے 30 اگست 2025ء تک مکمل کیا جائے۔ اس سلسلے میں آج یونین کونسل 11 جناح ٹاؤن کے کونسلر محمد صدیق مجید اور کونسلر محمد طلحہ ذوالفقار نے دادا بھائی نورو جی روڈ کا تفصیلی دورہ کیا۔ معائنے کے دوران انہوں نے جاری ترقیاتی کاموں کا بغور جائزہ لیا اور تعمیراتی رفتار کے بارے میں مقامی کمیونٹی کی شکایات کو سامنے رکھا۔
کونسلران نے موقع پر موجود سائٹ سرویئر عنایت اللہ اور جنرل مینیجر اظہر صاحب سے ملاقات کی اور سڑک پر اسٹریٹ لائٹس کے پولز نصب کرنے، نکاسی آب کے مسائل کے حل اور سڑک کی پختہ تعمیر کے حوالے سے تفصیلی گفتگو کی۔ اس موقع پر انجینئرنگ ٹیم نے یقین دہانی کرائی کہ منصوبے کو تیز رفتار انداز میں مکمل کیا جائے گا تاکہ عوام کو مزید مشکلات کا سامنا نہ کرنا پڑے۔ مزید، ایشیائی ترقیاتی بینک (ADB) اور ادارہ اقوام متحدہ گرین کلائمیٹ فنڈ (GCF) کی جانب سے کونسلر محمد طلحہ ذوالفقار کے ساتھ مسلسل رابطہ رکھا جا رہا ہے اور باضابطہ طور پر بتایا گیا ہے کہ چند ہفتوں کے اندر اس سڑک کی از سر نو تعمیر کا آغاز کر دیا جائے گا، جسے مقررہ مدت میں پایۂ تکمیل تک پہنچایا جائے گا۔
ذریعہ
ذریعہ: Islam Times
کلیدی لفظ: کونسلر محمد طلحہ ذوالفقار ایشیائی ترقیاتی بینک جائے گا
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
تحریکِ تحفظِ آئینِ پاکستان کا پارلیمنٹ ہائوس سے دھرنا ختم