پنجاب میں طوفانی بارشوں کا امکان، وزیراعلیٰ مریم نواز کا متعلقہ اداروں کو ہائی الرٹ رہنے کا حکم
اشاعت کی تاریخ: 17th, August 2025 GMT
وزیراعلیٰ پنجاب مریم نواز شریف نے صوبے میں ممکنہ طوفانی بارشوں، کلاؤڈ برسٹ اور لینڈ سلائیڈنگ کے خدشے کے پیش نظر متعلقہ اداروں کو ہائی الرٹ رہنے کی ہدایت کی ہے۔
وزیراعلیٰ نے پی ڈی ایم اے پنجاب، ضلعی انتظامیہ، پولیس اور ریسکیو اداروں کو فوری طور پر پیشگی اقدامات کرنے کا حکم دیتے ہوئے کہا کہ ڈپٹی کمشنرز اور دیگر افسران فیلڈ میں موجود رہیں اور ہدایات پر مکمل عملدرآمد یقینی بنائیں۔
یہ بھی پڑھیں: مون سون برسات، پی ڈی ایم اے عوام سے رابطے میں رہے،مریم نواز
مریم نواز شریف نے بالائی پنجاب خصوصاً مری، راولپنڈی، جہلم، چکوال اور کوہ سلیمان کے اضلاع میں خصوصی حفاظتی اقدامات کا حکم دیا۔ وزیراعلیٰ نے کہا کہ کوہ سلیمان رود کویوں میں ممکنہ سیلابی ریلوں سے بچاؤ کے لیے پیشگی انتظامات کیے جائیں۔
حفاظتی اقدامات کے تحت مری اور متصل علاقوں کی طرف سیاحتی سفر پر پابندی پر بھی اتفاق کیا گیا ہے، جبکہ سیاحوں کی نقل و حرکت محدود کرنے کی ہدایت دی گئی ہے تاکہ کسی بھی ناخوشگوار صورتحال سے بچا جا سکے۔
یہ بھی پڑھیں: پی ڈی ایم اے پنجاب کی جانب سے مون سون فلڈ فیکٹ شیٹ جاری
پی ڈی ایم اے پنجاب نے وزیراعلیٰ کی ہدایت پر ڈپٹی کمشنرز کو دریاؤں کے بہاؤ میں ممکنہ اضافے کے پیش نظر پیشگی اقدامات کی ہدایت جاری کردی ہے۔ آبی گزر گاہوں کے قریب رہنے والی آبادیوں کے لیے کشتیاں، لائف جیکٹس اور دیگر ضروری سامان بھی فراہم کردیا گیا ہے۔
وزیراعلیٰ نے دریاؤں کے پاٹ میں موجود شہریوں کے فوری انخلاء کی ہدایت دیتے ہوئے کہا کہ دریاؤں، نہروں اور ندی نالوں میں نہانے پر مکمل پابندی عائد کی جائے۔ اس سلسلے میں پولیس کو کناروں پر پٹرولنگ بڑھانے کے احکامات بھی دیے گئے ہیں۔
یہ بھی پڑھیں: جولائی میں مون سون بارشوں سے 180 افراد جاں بحق اور 500 سے زائد زخمی ہوئے، این ڈی ایم اے
مریم نواز شریف نے والدین سے اپیل کی کہ وہ بچوں کو دریاؤں اور ندی نالوں کے قریب جانے سے روکیں تاکہ حادثات سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اربن فلڈ بارش پاکستان پنجاب پی ڈی ایم اے سیلاب مریم نواز ہائی الرٹ.ذریعہ: WE News
کلیدی لفظ: اربن فلڈ پاکستان پی ڈی ایم اے سیلاب مریم نواز ہائی الرٹ پی ڈی ایم اے مریم نواز کی ہدایت
پڑھیں:
ٹی ایل پی کیخلاف ملک بھر میں کارروائی کیلیے وفاق سے درخواست کافیصلہ
data-id="863a0a8" data-element_type="widget" data-widget_type="theme-post-content.default">
لاہور (صباح نیوز) وزیر اعلی پنجاب مریم نواز شریف کی زیر صدارت امن و امان پر غیرمعمولی اجلاس ہوا جس میں پنجاب حکومت نے باقی صوبوں میں بھی کالعدم انتہا پسند جماعت کے خلاف پنجاب جیسی یکساں کاروائی کیلیے وفاقی حکومت سے درخواست کرنے کا فیصلہ کر لیا۔ اجلاس کے دوران شرکا کو بریفنگ دی گئی کہ سوشل میڈیا پر ملکی سلامتی کے خلاف مواد شیئر کرنے پر 31 مقدمات درج کیے گئے ہیں۔ اجلاس میں وزیراعلیٰ مریم نواز نے کومبنگ آپریشن مستقل جاری رکھنے کا حکم دے دیا امن کی مضبوطی کیلیے 5 بڑے وفاق المدارس نے مساجد اور آئمہ کرام کی رجسٹریشن پر اتفاق کیا، وزیراعلیٰ پنجاب نے آئمہ کرام کو پریشان نہ کرنے اور احترام ملحوظ خاطر رکھنے کی ہدایت کی۔ مریم نواز نے کہا کہ آئمہ کرام نماز پڑھاتے ہیں، نہیں چاہتے کہ وہ چندے کیلیے ہاتھ پھیلائیں۔
ستائیسویں ترمیم کی سینیٹ میں دوبارہ آمد، اجلاس کا شیڈول تبدیل