پنجاب میں طوفانی بارشوں کا خطرہ: وزیراعلیٰ مریم نواز کی ہنگامی اقدامات کی ہدایت
اشاعت کی تاریخ: 17th, August 2025 GMT
پنجاب میں شدید بارشوں اور ممکنہ کلاؤڈ برسٹ (بادل پھٹنے) کے پیشِ نظر وزیراعلیٰ مریم نواز نے متعلقہ اداروں کو فوری الرٹ رہنے کا حکم دے دیا ہے۔ ان کا کہنا ہے کہ عوام کی جان و مال کا تحفظ اولین ترجیح ہے، اور کسی بھی ممکنہ خطرے سے نمٹنے کے لیے پیشگی تیاریاں مکمل ہونی چاہئیں۔
کون سے ادارے ہائی الرٹ پر؟
وزیراعلیٰ نے درج ذیل اداروں کو فوری ایکشن لینے کی ہدایت کی پی ڈی ایم اے (Provincial Disaster Management Authority)
پنجاب کی ضلعی انتظامیہ ، پولیس اور ریسکیو ادارے ،تمام افسران کو ہدایت کی گئی ہے کہ وہ فیلڈ میں موجود رہیں اور عوام کی حفاظت کو یقینی بنائیں۔
کن علاقوں میں خاص احتیاط؟
موسم کی شدت کے باعث جن اضلاع کو حساس قرار دیا گیا ان میں راولپنڈی، چکوال، جہلم اور کوہِ سلیمان کے علاقے شامل ہیں
ان علاقوں میں خصوصی حفاظتی اقدامات کیے جا رہے ہیں، جن میں سیاحوں کے مری اور ملحقہ علاقوں کی طرف سفر پر عارضی پابندی، ندی نالوں اور دریاؤں کے کنارے پولیس کی اضافی پٹرولنگ ،دریائی علاقوں میں بسنے والے لوگوں کی فوری محفوظ مقامات پر منتقلی شامل ہے
والدین کے نام وزیراعلیٰ کا پیغام
مریم نواز نے والدین سے درخواست کی ہے کہ وہ اپنے بچوں کو ندی نالوں اور دریا کے کناروں کے قریب نہ جانے دیں۔ہمیں اپنی نسلوں کو محفوظ رکھنے کے لیے مل کر ذمہ داری کا مظاہرہ کرنا ہوگا،‘‘ وزیراعلیٰ کا کہنا تھا۔
زمینی سطح پر نگرانی سخت
تمام ڈپٹی کمشنرز اور ضلعی افسران کو ہدایت دی گئی ہے کہ وہ پی ڈی ایم اے کی گائیڈ لائنز پر عمل درآمد کو یقینی بنائیں، اور کسی بھی ہنگامی صورتِ حال کے لیے تیاری مکمل رکھیں۔
حفاظتی اقدامات ، انسانی زندگیوں کا تحفظ
یہ اقدامات صرف احتیاط نہیں، ایک ذمہ دار حکومت کے عوام دوست رویے کی علامت ہیں۔ شہریوں سے بھی گزارش ہے کہ وہ سرکاری ہدایات پر عمل کریں، غیر ضروری سفر سے گریز کریں، اور کسی بھی ہنگامی صورتِ حال میں 1122 پر فوری رابطہ کریں۔
ذریعہ: Daily Mumtaz
پڑھیں:
صوبے میں 100 فیصد میرٹ پر تعیناتیاں ہورہی ہیں: مریم نواز
وزیراعلیٰ پنجاب مریم نواز نے کہا ہے کہ صوبے میں 100 فیصد میرٹ پر تعیناتیاں ہورہی ہیں جبکہ کرپشن پر زیرو ٹالرنس پالیسی ہے۔مریم نواز شریف سے نیشنل سکیورٹی اینڈ وار کورس کے شرکا اور فیکلٹی ممبران نے ملاقات کی، وزیراعلیٰ پنجاب نے وفد کا خیر مقدم کیا اور وفد کو پنجاب حکومت کے تاریخی اور فلاحی منصوبوں سے آگاہ کیا۔وفد سے گفتگو کرتے ہوئے مریم نواز نے کہا ہے کہ حکمران کا ہر فیصلہ عوام کی زندگی پر اثرانداز ہوتا ہے، گڈ گورننس کا بنیادی اصول احسان اور خدمت ہے، عوام کا پیسہ صرف عوام پر خرچ کیا جا رہا ہے اور ای ٹینڈرنگ کے ذریعے مکمل شفافیت کو یقینی بنایا گیا ۔مریم نواز نے کہا ہے کہ وطن دھرتی ماں کی طرح ہے، اس سے بے وفائی ناقابل برداشت ہے، پنجاب میں اب سیاسی تعیناتیاں اور اقرباپروری ختم ہو چکی ہے۔وزیراعلیٰ نے پاکستان آرمی، نیوی اور ایئر فورس کو آپریشن بنیان مرصوص کی کامیابی پر مبارکباد پیش کی اور فیلڈ مارشل سید عاصم منیر سمیت عسکری قیادت کو خراجِ تحسین پیش کیا۔انہوں نے وفد کو بتایا کہ پنجاب میں امن و امان کی صورتحال بہتر ہوئی ہے، سیلاب کے دوران سب سے بڑا انخلا آپریشن مکمل کیا گیا اور سیلاب متاثرین کی نشاندہی کیلئے تھرمل امیجنگ ڈرونز کامیابی سے استعمال کئے گئے۔مریم نواز نے کہا کہ پنجاب کی زراعت کو پہلی بار میکانائزیشن کی راہ پر ڈالا جا رہا ہے، کینسر کے مریضوں کیلئے جدید کوابلیشن مشین سے علاج ممکن بنایا جا رہا ہے جبکہ ا سموگ سے بچائو کیلئے 15 اسموگ گنز درآمد کی گئی ہیں۔وفد میں پاکستان آرمی، نیوی، ایئر فورس اور سول افسران کے علاوہ 26 ممالک کے 47 شرکا شامل تھے جن میں آسٹریلیا، برطانیہ، چین، امریکا، سعودی عرب، ترکی، متحدہ عرب امارات، ایران، فلسطین اورجنوبی کوریا کوریا کے افسران بھی موجود تھے۔نیشنل سکیورٹی اینڈ وار کورس کے شرکا اور فیکلٹی ممبران نے پنجاب کے عوامی فلاحی منصوبوں کی تعریف کرتے ہوئے کہا ہے کہ پنجاب میں جاری پراجیکٹس حیران کن ہیں۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ