پنجاب: اسکولز کے طلبہ و طالبات کے لیے بڑی خوشخبری سامنے آگئی
اشاعت کی تاریخ: 1st, September 2025 GMT
پنجاب کریکولم اینڈ ٹیکسٹ بک بورڈ (PCTB) نے اپنی تمام درسی کتب آن لائن مفت فراہم کر دی ہیں، تاکہ صوبے بھر کے طلبہ، اساتذہ اور والدین انہیں آسانی سے استعمال کر سکیں۔ اس اقدام کے تحت پہلی جماعت سے بارہویں جماعت تک کی اردو اور انگریزی میڈیم کی کتب اب مفت ڈاؤن لوڈ کی جا سکتی ہیں۔
کتاب کیسے مفت ڈاؤن لوڈ کریں؟تمام درسی کتب PCTB کے سرکاری پورٹل پر موجود ہیں۔ صارفین اپنی جماعت اور میڈیم منتخب کرکے مضامین کی کتابیں الگ الگ PDF فارمیٹ میں ڈاؤن لوڈ کر سکتے ہیں۔ پلیٹ فارم پر اردو، انگلش، ریاضی، جنرل سائنس، اسلامیات، سوشل اسٹڈیز، کمپیوٹر سائنس سمیت دیگر بنیادی مضامین کی کتب دستیاب ہیں۔
اضافی ذرائعPCTB پورٹل کے ساتھ ساتھ مزید پلیٹ فارمز بھی طلبہ کی سہولت کے لیے موجود ہیں:
ای-لرن پنجاب (eLearn Punjab): یہ پلیٹ فارم درسی کتب کے انٹرایکٹو ورژن فراہم کرتا ہے جن میں ویڈیو لیسنز، اینیمیشنز اور سمیولیشنز شامل ہیں۔ اس کا زیادہ فوکس سائنس اور ریاضی کے مضامین پر ہے۔
یہ بھی پڑھیے وزیراعلیٰ مریم نواز نے ہونہار طلبا و طالبات کو خوشخبری سنا دی
Ustad360 اور Taleem360: یہ تھرڈ پارٹی پلیٹ فارمز ہیں جو PCTB کتب کو منظم انداز میں کلاس اور مضمون کے حساب سے مرتب کرتے ہیں تاکہ صارفین تیزی سے PDF ڈاؤن لوڈ کر سکیں۔
اہم ہدایاتیہ درسی کتب صرف تعلیمی اور ذاتی استعمال کے لیے فراہم کی گئی ہیں۔
صارفین کو مشورہ دیا گیا ہے کہ درست اور تازہ ترین ورژن حاصل کرنے کے لیے ہمیشہ سرکاری ویب سائٹ پر انحصار کریں۔
یہ بھی پڑھیے نوجوان گریجویٹس کے لیے خوشخبری، حکومت نے پیڈ انٹرن شپ پروگرام کا اعلان کردیا
اس اقدام سے یہ یقینی بنایا گیا ہے کہ پنجاب کے تمام طلبہ، خصوصاً دور دراز علاقوں میں، بغیر کسی مالی رکاوٹ کے معیاری تعلیمی مواد تک رسائی حاصل کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب طلبہ و طالبات کے لیے خوشخبری.
ذریعہ
ذریعہ: WE News
کلیدی لفظ: طلبہ و طالبات کے لیے خوشخبری درسی کتب ڈاؤن لوڈ کے لیے
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
تحریکِ تحفظِ آئینِ پاکستان کا پارلیمنٹ ہائوس سے دھرنا ختم