لوئر کرم میں مسافر گاڑی پر فائرنگ، 6 افراد جاں بحق
اشاعت کی تاریخ: 3rd, September 2025 GMT
خیبرپختونخوا کے ضلع لوئر کرم میں نامعلوم مسلح افراد کی فائرنگ سے 6 افراد جاں بحق ہوگئے۔
پولیس کے مطابق مسافر گاڑی دڑادار سے صدہ جارہی تھی کہ مہورہ کے قریب گھات لگائے بیٹھے افراد نے اندھا دھند فائرنگ کردی۔ واقعے میں موقع پر ہی 6 افراد جان کی بازی ہار گئے، جن کی لاشوں کو تحصیل ہیڈکوارٹر اسپتال صدہ منتقل کردیا گیا ہے۔
پولیس کا کہنا ہے کہ حملہ آور واردات کے بعد فرار ہوگئے۔ جائے وقوعہ سے شواہد اکٹھے کر لیے گئے ہیں اور تحقیقات شروع کر دی گئی ہیں۔
Post Views: 4.ذریعہ: Daily Mumtaz
پڑھیں:
کراچی، فائرنگ کے دو مختلف واقعات میں دو افراد جاں بحق
کراچی:شہرِ قائد میں فائرنگ کے دو مختلف واقعات میں دو افراد جاں بحق ہوگئے.
پہلا واقعہ بلدیہ ٹاؤن کی نواب کالونی میں پیش آیا جہاں ڈاکوؤں نے مزاحمت پر نوجوان افتخار کو گولی مار کر ہلاک کردیا۔
لواحقین کے مطابق مقتول افتخار موبائل مارکیٹ میں کام کرتا تھا اور پانچ بھائیوں میں سب سے چھوٹا تھا۔
وہ گزشتہ روز بھی دکان پر گیا تھا اور شادی کی تقریب میں شرکت کے لیے دکان سے جلدی نکلا تھا۔
راستے میں ڈاکوؤں نے اسے روکنے کی کوشش کی، تاہم افتخار نے اسلحہ دیکھ کر رکنے کے بجائے فرار ہونے کی کوشش کی تو ملزمان نے سر پر گولی ماردی جس سے وہ موقع پر ہی جاں بحق ہوگیا۔
واقعے کے بعد علاقے میں شدید کشیدگی پھیل گئی اور اہلِ علاقہ نے ملزمان کی گرفتاری کا مطالبہ کیا۔
دوسرا واقعہ یونیورسٹی روڈ پر پی ایس او پمپ کے قریب پیش آیا، جہاں نامعلوم افراد کی فائرنگ سے 20 سالہ عبداللہ جاں بحق ہوگیا۔
چھیپا کے مطابق مقتول کی لاش عباسی شہید اسپتال منتقل کردی گئی ہے۔
چوہدری انوارالحق نے مستعفی ہونے کیلئے شرط رکھ دی