ڈاکٹر نبیحہ کی بات پکی ، دوسری شادی کا اعلان
اشاعت کی تاریخ: 8th, September 2025 GMT
لاہور (شوبز ڈیسک)معروف ماہرِ نفسیات، سوشل میڈیا انفلوئنسر اور سابق نیوز اینکر ڈاکٹر نبیحہ علی خان نے اپنے یوٹیوب چینل پر انٹرویو کے دوران دوسری شادی سے متعلق اہم اعلان کر دیا۔ وہ اپنی بے باک آرا اور متنازع بیانات کے باعث پہلے ہی خبروں میں رہتی ہیں، اور اب ان کا ذاتی فیصلہ سوشل میڈیا پر موضوعِ بحث بن گیا ہے۔
ڈاکٹر نبیحہ کا کہنا تھا کہ وہ منگنی کر چکی ہیں اور جلد ہی شادی کے بندھن میں بندھ جائیں گی۔ ان کے مطابق کچھ لوگ افواہیں پھیلا رہے ہیں کہ ان کی دوسری شادی ہوچکی ہے، لیکن یہ درست نہیں۔ “میری بات پکی ہوئی ہے اور جلد شادی کروں گی،” انہوں نے کہا۔
عورت کی زندگی میں مرد کی اہمیت پر اظہارِ خیال
انٹرویو میں ڈاکٹر نبیحہ نے عورت اور مرد کے تعلقات پر اپنی رائے بھی دی۔ ان کا کہنا تھا کہ ایک عورت مکمل طور پر اکیلی زندگی نہیں گزار سکتی، اسے مرد کا سہارا درکار ہوتا ہے۔ ان کے مطابق عورت اور مرد کو ایک دوسرے کے مقام کو تسلیم کرنا چاہیے تاکہ تعلق مضبوط اور پائیدار رہے۔
سوشل میڈیا پر ردعمل
ڈاکٹر نبیحہ کے اس بیان اور اعلان کے بعد مداحوں کی جانب سے ملے جلے ردعمل سامنے آئے ہیں۔ بہت سے لوگوں نے انہیں مبارکباد دی اور خوشی کا اظہار کیا، جبکہ کچھ صارفین نے ان کی آرا پر بحث چھیڑ دی۔ فی الحال ان کی شادی کی تاریخ اور دیگر تفصیلات سامنے نہیں آئیں، لیکن مداح بڑی بے چینی سے اس کا انتظار کر رہے ہیں۔
Post Views: 6.
ذریعہ
ذریعہ: Daily Mumtaz
کلیدی لفظ: ڈاکٹر نبیحہ
پڑھیں:
ایچ آئی وی کے خلاف حکومت سندھ موثر اقدامات کر رہی ہے، وزیر صحت
کراچی:صوبائی وزیر صحت ڈاکٹر عذرا افضل پیچوہو نے کہا ہے کہ ایچ آئی وی کے خلاف حکومت سندھ موثر اقدامات کر رہی ہے۔
جناح اسپتال کراچی میں چوتھی انٹرنیشنل فیملی پلاننگ سمٹ کے موقع پر میڈیا سے گفتگو کرتے ہوئے انہوں نے کہا کہ ایچ آئی وی کی بروقت تشخیص کیلئےاسکریننگ کا عمل مزید تیز کردیا گیا ہے، زیادہ سے زیادہ اسکریننگ سے ایچ آئی وی پر جلد قابو پانے میں مدد مل سکتی ہے۔
انہوں نے کہا کہ اسپتالوں میں سہولیات کی بہتری کے لیے حکومت سندھ بھرپور کوششیں کر رہی ہے، ہمیں معلوم ہے مریضوں کو مشکلات کا سامنا ہے، صحت کے شعبے میں حال ہی میں نئی بھرتیاں کی گئی ہیں، مزید بھرتیوں کی طرف بھی بڑھ رہے ہیں، اسپتالوں میں سہولیات کی بہتری کے لیے مزید بھرتیوں سے مدد ملے گی۔
صوبائی وزیر صحت نے کہا کہ اسپتالوں میں میڈیا کی موجودگی کی اجازت نہیں ہوتی، میڈیا سے بات کرنے کے خواہشمند ڈاکٹر اور دیگر افراد اسپتال سے باہر آکر موقف دیں، تمام ڈاکٹرز کو میڈیا سے بات کرنے اور اپنا مؤقف دینے کی اجازت ہے۔
انہوں نے کہا کہ میڈیا اسپتال میں موجود خامیوں کی نشاندہی کرے، میڈیا کی نشاندہی سے ہی ہمیں مدد ملتی ہے، جناح اسپتال میں ڈاکٹر خالد شیر کو کہہ دیا ہے اب سے وہ میڈیا کو موقف دیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع