یوٹیوب میوزک نے نیا اسکرین ڈسپلے متعارف کرا دیا
اشاعت کی تاریخ: 12th, September 2025 GMT
یوٹیوب میوزک نے موبائل صارفین کے لیے ناؤ پلیئنگ اسکرین کا نیا ڈیزائن متعارف کرا دیا ہے جس میں نمایاں تبدیلیاں کی گئی ہیں۔
کمپنی نے اسکرین کو مزید صاف ستھرا اور جدید بنانے کے لیے ڈوئل پین ری ڈیزائن، نئے کنٹرولز اور بہتر نیویگیشن کا اضافہ کیا ہے۔ نیا ڈیزائن گزشتہ سال نومبر میں ٹیسٹنگ کے دوران سامنے آیا تھا۔
یہ بھی پڑھیں: یوٹیوب نے ملٹی لینگویج آڈیو ڈبنگ فیچر متعارف کرا دیا
تازہ اپڈیٹ میں ویڈیو گانے سوئچر کو اسکرین کے اوپر سے ہٹا دیا گیا ہے جبکہ پلے بیک کنٹرولز کو نسبتاً اوپر منتقل کیا گیا ہے۔ پرانے گول پلے ہیڈ کی جگہ ایک نیا باکسی پروگریس بار شامل کیا گیا ہے جو صارف کے ٹچ کرنے پر موٹا ہوجاتا ہے۔
اہم تبدیلی میں ڈوئل پین اپ نیکسٹ ونڈو شامل ہے جس کے ذریعے صارفین صرف کلک یا ڈریگ کرکے آنے والے گانے، پلے لسٹس اور ریڈیو قطار دیکھ سکتے ہیں۔
اس فیچر میں بیک وقت 4 ٹریکس فوری نظر آتے ہیں جبکہ مزید تفصیل کے لیے فہرست کو بڑھایا جاسکتا ہے۔
یہ بھی پڑھیں: نیپال میں فیس بک، یوٹیوب اور ایکس بند کرنے کا اعلان کیوں کیا گیا؟
مزید برآں تھمز اپ اور تھمز ڈاؤن، لیرکس، انسٹالیشن اور ریڈیو کے آپشنز کے لیے ایک نیا کمپیکٹ کیروسل بھی شامل کیا گیا ہے۔ متعلقہ گانوں اور لیرکس کو زیادہ صاف اور خوبصورت انداز دیا گیا ہے تاکہ مجموعی صارف تجربہ مزید بہتر بنایا جا سکے۔
یہ اپڈیٹ فی الحال سرور سائیڈ کے ذریعے مرحلہ وار متعارف کرایا جا رہا ہے اور ابتدائی طور پر منتخب صارفین کو دستیاب ہوگا۔ اگر کسی صارف کو یہ اپڈیٹ نہ ملا ہو تو وہ ایپ کو فورس اسٹاپ یا ملٹی ٹاسکنگ مینو سے ہٹا کر دوبارہ کھولنے سے اپڈیٹ ریفریش کر سکتا ہے۔
یاد رہے کہ Now playing وہ اسکرین ہے جو کسی بھی وقت چلنے والے گانے یا ویڈیو کو دکھاتی ہے اور جہاں سے صارف اپنے گانے کو کنٹرول کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکرین ڈسپلے گانا یو ٹیوب یوٹیوب میوزک.ذریعہ: WE News
کلیدی لفظ: اسکرین ڈسپلے گانا یو ٹیوب یوٹیوب میوزک کیا گیا کے لیے گیا ہے
پڑھیں:
ٹریفک قوانین کی خلاف ورزی اور نادہندگان کیخلاف مؤثر کارروائی کیلئے “ون ایپ” متعارف
علی ساہی: ٹریفک قوانین کی خلاف ورزی، ٹیکس نادہندگان اور دھواں چھوڑنے والی گاڑیوں کے خلاف مؤثر کارروائی کے لیے جدید “ون ایپ” تیار کر لی گئی۔
ذرائع کے مطابق ایپ کے ذریعے 9 محکمے ایک پلیٹ فارم پر یکجا کر دیے گئے ہیں جن میں ٹریفک پولیس، ایکسائز، پی ایچ پی، محکمہ ٹرانسپورٹ، ڈسٹرکٹ گورنمنٹ، ماحولیات، سیف سٹیز اور دیگر ادارے شامل ہیں۔
پائلٹ پراجیکٹ کے طور پر ایپ پیر سے ایک ضلع میں شروع کی جائے گی,ایپ میں 11 مختلف ماڈیولز کے تحت گاڑیوں کی چیکنگ ممکن ہوگی,نمبر پلیٹ کی تصویر اپ لوڈ کرتے ہی گاڑی کی تمام تفصیلات فوری سامنے آ جائیں گی,اب تک 3 لاکھ سے زائد موبائل نمبرز سسٹم میں رجسٹر کیے جا چکے ہیں۔
بھارتی نژاد دنیا کی معروف کمپنی کو اربوں کا چونا لگا کر فرار
ویڈیو یا تصویر اپ لوڈ ہوتے ہی متعلقہ شہری کو ای چالان اور بار کوڈ میسج بھجوایا جائے گا,ایپ کے ذریعے چوری شدہ، دھواں چھوڑتی یا ٹوکن ٹیکس نادہندہ گاڑیوں کی فوری نشاندہی ممکن ہو گی۔
ٹریفک حکام کے مطابق ایپ کو پنجاب انفارمیشن ٹیکنالوجی بورڈ (PITB) کے تعاون سے تیار کیا گیا ہے۔
ڈی آئی جی ٹریفک وقاص نزیر کی نگرانی میں تیار کی گئی “ون ایپ” کو وزیراعلیٰ کے افتتاح کے بعد رواں ماہ باضابطہ طور پر لانچ کر دیا جائے گا۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟