ایشیا کپ: سُپر فور ٹاکرے سے قبل بھارتی ٹیم کا اہم کھلاڑی زخمی
اشاعت کی تاریخ: 20th, September 2025 GMT
دبئی(سپورٹس ڈیسک) ایشیا کپ میں سُپر فور ٹاکرے سے قبل بھارتی ٹیم کے اہم کھلاڑی انجری کا شکار ہوگئے ہیں جس کے بعد ان کی پاکستان کے خلاف میچ میں شرکت مشکوک دکھائی دینے لگی ہے۔
بھارتی میڈیا کے مطابق بھارتی ٹیم کے آل راونڈر اکشر پٹیل کی پاکستان کے خلاف ایشیا کپ 2025 کے سپر فور مرحلے کے اہم میچ میں شرکت مشکوک ہو گئی ہے۔ یہ خدشہ اس وقت پیدا ہوا جب وہ گروپ اے کے میچ میں عمان کے خلاف فیلڈنگ کے دوران زخمی ہو گئے تھے۔
کرکٹنگ ویب سائٹ ای ایس پی این کرک انفو کی رپورٹ کے مطابق 15ویں اوور کی پہلی گیند پر کیچ لینے کی کوشش میں اکشر پٹیل کا سر زمین سے ٹکرایا تھا، جس کے بعد وہ تکلیف میں مبتلا ہو کر میدان سے باہر چلے گئے تھے۔
یہ واقعہ اس وقت پیش آیا جب عمان کے کھلاڑی حماد مرزا نے ایک شاٹ کھیلنے کی کوشش کی جو اونچی گئی اور گیند اکشر کی طرف آئی۔ جس پر بھارتی اسپنر نے کیچ لینے کی کوشش کی، تاہم کیچ نہ کرنے کی صورت میں وہ قابو نہ رکھ سکے اور زمین پر گر کر اپنا سر زور سے ٹکرا بیٹھے۔
بھارت کے فیلڈنگ کوچ ٹی دلیپ نے میچ کے بعد ابتدائی طور پر اطمینان دلایا کہ اکشر پٹیل ٹھیک نظر آ رہے ہیں۔ تاہم، پاکستان کے خلاف اگلا میچ محض 48 گھنٹے بعد ہونے کے باعث، آل راؤنڈر کی مکمل صحتیابی پر سوالیہ نشان برقرار ہے۔
اکشر پٹیل نے عمان کے خلاف 13 گیندوں پر 26 رنز کی جارحانہ اننگز کھیلی تھی، جبکہ بولنگ میں بھی ایک اوور میں صرف چار رنز دیے تھے۔ اگر وہ پاکستان کے خلاف دستیاب نہ ہوئے، تو بھارت کی ٹیم کمبینیشن متاثر ہو سکتی ہے۔
ان کی عدم موجودگی کی صورت میں بھارت کو صرف دو اسپنرز کلدیپ یادو اور ورون چکرورتی پر انحصار کرنا پڑے گا، اور ممکنہ طور پر ایک فاسٹ بولر ٹیم میں شامل کیا جائے گا۔
یاد رہے کہ بھارت اور پاکستان کے درمیان سپر فور مرحلے کا پہلا مقابلہ کل بروز اتوار 21 ستمبر کو ہوگا۔
Post Views: 6.
ذریعہ
ذریعہ: Daily Mumtaz
کلیدی لفظ: پاکستان کے خلاف پر فور
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع