معروف بھارتی اداکار شوٹنگ کے دوران زخمی، اب حالت کیسی ہے؟
اشاعت کی تاریخ: 20th, September 2025 GMT
مشہور جنوبی بھارتی اداکار جونئیر این ٹی آر ایک اشتہار کی شوٹنگ کے دوران زخمی ہوگئے ہیں۔
بھارتی میڈیا رپورٹ کے مطابق تامل فلم انڈسٹری کے سپر اسٹار جونئیر این ٹی آر ایک اشتہار کی شوٹنگ کے دوران اسٹنٹ کرتے ہوئے زخمی ہوگئے جس کے بعد انہیں اسپتال منتقل کیا گیا۔
اس واقعے کی تصدیق جونئیر این ٹی آر کی ٹیم کی جانب سے ایک بیان میں کی گئی ہے جس میں ٹیم نے بتایا کہ ڈاکٹرز نے اداکار کو چند ہفتوں کے آرام کی تجویز دی ہے جس کے بعد وہ دوبارہ کام شروع کر سکیں گے۔
اس بیان میں اداکار کی زخموں یا صحت سے متعلق کوئی واضح تفصیلات فراہم نہیں کی گئیں تاہم ٹیم نے مداحوں کی تشویش دور کرتے ہوئے کہا ہے کہ وہ کسی بھی افواہ پر یقین نہ کریں جونئیر این ٹی آر کی صحت سے متعلق پریشانی کی کوئی بات نہیں وہ ٹھیک ہیں تاہم انہیں اس وقت آرام کی ضرورت ہے۔
یاد رہے کہ ساؤتھ کے سپر اسٹار جونیئر این ٹی آر کو حال ہی میں ریتک روشن کے مدمقابل فلم ’وار 2‘ میں دیکھا گیا تھا۔ مداحوں کی جانب سے بالی ووڈ اور ٹالی ووڈ کے دونوں اسٹارز کی فلم کو بھرپور پزیرائی ملی ہے۔
TagsShowbiz News Urdu.
ذریعہ: Al Qamar Online
کلیدی لفظ: جونئیر این ٹی ا ر
پڑھیں:
پاکستان سے میچ سے قبل اہم بھارتی کھلاڑی زخمی،شرکت مشکوک
ایشیا کپ 2025 کے سپر فور مرحلے میں پاکستان اور بھارت کے درمیان ہونے والے روایتی ٹاکرے سے قبل بھارتی ٹیم کو ایک بڑا دھچکا لگ سکتا ہے، کیونکہ آل راؤنڈر اکشر پٹیل کی میچ میں شمولیت مشکوک ہو گئی ہے۔ بھارتی میڈیا رپورٹس کے مطابق اکشر پٹیل عمان کے خلاف گروپ اے کے میچ میں فیلڈنگ کے دوران انجری کا شکار ہوئے، جس کے بعد ان کی مکمل صحتیابی کے بارے میں خدشات پیدا ہو گئے ہیں۔ ای ایس پی این کرک انفو کی رپورٹ کے مطابق یہ واقعہ میچ کے 15ویں اوور کی پہلی گیند پر پیش آیا جب عمان کے بیٹر حماد مرزا نے ایک اونچا شاٹ کھیلا۔ گیند کو کیچ کرنے کی کوشش میں اکشر پٹیل تیزی سے آگے بڑھے مگر گیند قابو میں نہ لا سکے اور زمین پر گرنے کے دوران ان کا سر زور سے ٹکرا گیا۔ شدید تکلیف کے باعث وہ فوری طور پر میدان سے باہر چلے گئے اور طبی معائنے کے بعد ٹیم ڈریسنگ روم میں منتقل کر دیے گئے۔ ابتدائی معائنے کے بعد بھارت کے فیلڈنگ کوچ ٹی دلیپ نے میڈیا کو بتایا کہ اکشر کی حالت بظاہر اطمینان بخش ہے، تاہم پاکستان کے خلاف میچ صرف 48 گھنٹے بعد شیڈول ہونے کے باعث ان کی فٹنس پر سوالیہ نشان برقرار ہے۔ ٹیم مینجمنٹ کا کہنا ہے کہ آل راؤنڈر کی اگلے میچ میں شمولیت کا حتمی فیصلہ میچ سے چند گھنٹے قبل کیا جائے گا۔ اکشر پٹیل عمان کے خلاف بیٹنگ میں بھی شاندار کارکردگی دکھا چکے ہیں، انہوں نے محض 13 گیندوں پر 26 رنز کی جارحانہ اننگز کھیلی جبکہ بولنگ میں ایک اوور میں صرف چار رنز دیے۔ اگر وہ پاکستان کے خلاف میچ کے لیے دستیاب نہ ہوئے تو بھارتی ٹیم کو اسپن شعبے میں مشکلات کا سامنا کرنا پڑ سکتا ہے اور ممکنہ طور پر صرف دو اسپنرز، کلدیپ یادو اور ورون چکرورتی، پر انحصار کرنا پڑے گا۔ یاد رہے کہ پاکستان اور بھارت کے درمیان ایشیا کپ کے سپر فور مرحلے کا پہلا اور نہایت اہم میچ کل بروز اتوار 21 ستمبر کو شیڈول ہے، جس کا کرکٹ شائقین بے چینی سے انتظار کر رہے ہیں۔
ریٹائرڈ ججز کی سیکیورٹی سے متعلق سپریم کورٹ کی وضاحت،چیف جسٹس کے پروٹوکول کی گاڑیوں کو 8 سے کم کر کے 2 کردیا گیا ہے، ترجمان