پولیس امن و امان کی بحالی کیلئے بہتر اقدامات کررہی ہے،حسن سردار
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
250922-11-16
خیرپور (جسارت نیوز ) ایس ایس پی خیرپور حسن سردار نے صحافیوں سے گفتگو کرتے ہوئے کہا ہے کہ ضلع میں امن و امان کی صورتحال کو بہتر بنانے کے لیے پولیس کی جانب سے سخت اقدامات کیے جا رہے ہیں۔ ان کا کہنا تھا کہ ایسے پولیس اہلکار جو جرائم پیشہ عناصر کے ساتھ رابطوں میں پائے گئے، ان کے خلاف بھی کارروائی کی گئی ہے۔ کئی اہلکاروں کو ڈیوٹی سے برطرف کیا گیا ہے جبکہ بعض افسران کو سسپنڈ کرکے ضلع بدر کیا گیا ہے۔ایس ایس پی حسن سردار نے بتایا کہ ان کے چارج سنبھالنے سے قبل ضلع خیرپور میں جرائم کی وارداتیں بہت زیادہ ہو چکی تھیں، تاہم پولیس کی خصوصی ٹیمیں تشکیل دے کر ڈاکوؤں اور جرائم پیشہ عناصر کے خلاف مؤثر کارروائیاں شروع کی گئیں۔ اب تک پانچ سے زائد خطرناک ڈاکو پولیس مقابلوں میں ہلاک ہو چکے ہیں جبکہ دو سو سے زائد جرائم میں ملوث ملزمان کو گرفتار کرکے جیل بھیجا گیا ہے۔انہوں نے مزید کہا کہ ضلع بھر میں خصوصاً تحصیل کنگری، گمبٹ، نارا، سوبھوڈیرو، کوٹڈیجی اور ٹھری میرواہ میں قومی شاہراہوں پر پولیس پکٹ اور چیک پوسٹیں قائم کر دی گئی ہیں۔ ان چیک پوسٹوں پر آنے جانے والے افراد اور مسافر گاڑیوں کی باقاعدہ تلاشی لی جاتی ہے تاکہ کوئی جرائم پیشہ شخص شہر میں داخل یا فرار نہ ہو سکے۔ایس ایس پی خیرپور نے بتایا کہ منشیات فروشوں کے خلاف بھی سخت اقدامات کیے جا رہے ہیں تاکہ نوجوان نسل کو نشے کی لعنت سے محفوظ رکھا جا سکے۔ انہوں نے کہا کہ پولیس کی کارروائیاں کسی دباؤ کے بغیر جاری رہیں گی اور عوام کے جان و مال کا تحفظ اولین ترجیح ہے۔
ذریعہ
ذریعہ: Jasarat News
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار