برطانیہ، کینیڈا اور آسٹریلیا کے بعد پرتگال نے بھی فلسطین کو ریاست تسلیم کرلیا
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
برطانیہ، کینیڈا اور آسٹریلیا کے بعد اب پرتگال نے بھی فلسطین کو بطور ریاست تسلیم کرنے کا باضابطہ اعلان کردیا ہے۔ پرتگالی حکومت کا کہنا ہے کہ اسرائیل نے جنگ بندی سمیت وعدہ کیے گئے دیگر اقدامات پورے نہیں کیے، اس لیے یہ فیصلہ ناگزیر ہوگیا۔
عالمی خبر رساں ایجنسی رائٹرز کے مطابق برطانوی وزیراعظم کیئر اسٹارمر نے سماجی رابطے کی ویب سائٹ ایکس پر بیان جاری کرتے ہوئے کہا کہ آج برطانیہ نے فلسطینیوں اور اسرائیلیوں دونوں کے لیے امن کی امید کو دوبارہ اجاگر کرتے ہوئے فلسطین کو ریاست کے طور پر تسلیم کر لیا ہے۔
ان کا کہنا تھا کہ یہ اقدام اس سوچ کے تحت کیا گیا ہے کہ خطے میں دیرپا امن صرف دو ریاستی حل کے ذریعے ہی ممکن ہے۔
رپورٹ میں بتایا گیا کہ برطانیہ کا یہ فیصلہ دنیا کے 140 سے زیادہ ممالک کے مؤقف سے ہم آہنگ ہے، لیکن یہ قدم اسرائیل اور اس کے قریبی اتحادی امریکا کے لیے یقیناً تشویش اور ناراضی کا باعث بنے گا۔
کینیڈا اور آسٹریلیا بھی پہلے ہی فلسطین کو ریاست تسلیم کر چکے ہیں، جب کہ امکان ظاہر کیا جا رہا ہے کہ اقوام متحدہ کی جنرل اسمبلی کے جاری اجلاس کے دوران مزید ممالک بھی اس صف میں شامل ہو سکتے ہیں۔
یاد رہے کہ برطانیہ نے رواں برس جولائی میں اسرائیل کو واضح پیغام دیا تھا کہ اگر غزہ کی تباہ کن صورتِ حال ختم نہ ہوئی تو لندن فلسطین کو ریاست کے طور پر تسلیم کر لے گا۔
اس موقع پر وزیراعظم اسٹارمر نے واضح کیا تھا کہ اسرائیل اگر جنگ بندی، انسانی امداد کی فراہمی، مغربی کنارے پر قبضے سے دستبرداری اور امن مذاکرات شروع کرنے جیسے اقدامات نہیں کرتا تو برطانیہ کے پاس اس فیصلے کے سوا کوئی چارہ نہیں ہوگا۔
لندن میں فلسطینی مشن کے سربراہ حسام زملط نے برطانوی فیصلے کا خیرمقدم کرتے ہوئے کہا کہ یہ اقدام نہ صرف فلسطین کے لیے بلکہ برطانیہ کی اپنی ذمہ داریوں کی تکمیل کے لیے بھی ناگزیر تھا۔ ان کے مطابق یہ فیصلہ انصاف اور امن کے اصولوں پر مبنی ہے اور ماضی کی تاریخی غلطیوں کے ازالے کی جانب ایک اہم قدم ہے۔
دوسری جانب نیویارک میں پرتگالی وزیر خارجہ پاولو رینجل نے میڈیا سے گفتگو میں کہا کہ فلسطین کو بطور ریاست تسلیم کرنا پرتگال کی خارجہ پالیسی کا ایک مستقل اور بنیادی مؤقف ہے۔ ان کا کہنا تھا کہ خطے میں پائیدار امن کا واحد راستہ دو ریاستی حل ہے۔ انہوں نے یہ بھی تسلیم کیا کہ صرف ریاست کو تسلیم کر لینے سے غزہ میں جاری انسانی بحران ختم نہیں ہوگا، لیکن فوری جنگ بندی ناگزیر ہے۔
.
ذریعہ
ذریعہ: Jasarat News
کلیدی لفظ: فلسطین کو ریاست ریاست تسلیم کر تھا کہ کے لیے
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار