پاور سیکٹر کا گردشی قرضہ کم کرنے کیلئے حکومت اور بینکوں کے درمیان تاریخی معاہدہ طے پا گیا
اشاعت کی تاریخ: 23rd, September 2025 GMT
ملک کے پاور سیکٹر کو درپیش گردشی قرضے کے مسئلے کو حل کرنے کے لیے ایک بڑی پیش رفت سامنے آئی ہے، جہاں وفاقی حکومت اور کمرشل بینکوں کے درمیان 1275 ارب روپے کے فنانسنگ معاہدے کے لیے تمام معاملات طے پا گئے ہیں۔
نجی ٹی وی کے مطابق اس اہم فنانسنگ معاہدے پر دستخط کی تقریب کل وزیراعظم آفس میں منعقد ہو گی، جس میں وزیراعظم شہباز شریف ورچوئلی شرکت کریں گے۔
معاہدے کی تفصیلات اور اہم شرکاء
حکومت نے جون 2025 میں پاور سیکٹر کے گردشی قرضے کے مستقل حل کے لیے کمرشل بینکوں سے قرض لینے کا تاریخی فیصلہ کیا تھا۔
اب یہ قرض، جو 1275 ارب روپے پر مشتمل ہے، بجلی کی پیداواری کمپنیوں (IPPs) اور پاور ہولڈنگ کمپنی کے واجبات کی ادائیگی میں استعمال کیا جائے گا۔
تقریب میں نائب وزیراعظم اسحاق ڈار، وزیر توانائی اویس لغاری، 18 بینکوں کے نمائندے، ڈسکوز (DISCOs)، نیپرا کے چیئرمین، گورنر اسٹیٹ بینک ، عالمی مالیاتی اداروں (آئی ایم ایف، عالمی بینک، اے ڈی بی) کے نمائندے شریک ہوں گے۔
فنانسنگ پلان کی جھلک
قرض کی واپسی 6 سال میں 24 سہ ماہی اقساط میں کی جائے گی۔
شرح سود تین ماہ کے KIBOR سے 0.
سالانہ واپسی کی حد 323 ارب روپے مقرر کی گئی ہے۔
شرح سود میں اضافے کی صورت میں منصوبے کی بالائی حد 1938 ارب روپے مقرر کی گئی ۔
منصوبے کے تحت 683 ارب روپے پاور ہولڈنگ کمپنی کے بقایا جات کی ادائیگی کے لیے مختص کیے جائیں گے۔
گردشی قرضے کی موجودہ صورتحال
سرکاری اعداد و شمار کے مطابق جون 2025 تک پاور سیکٹر کا گردشی قرضہ 1614 ارب روپے تھا۔
جولائی 2025 میں یہ بڑھ کر 1661 ارب روپے تک پہنچ چکا ہے۔
روایتی حکمت عملی سے آگے
اس بار حکومت نے روایتی طریقے — یعنی گردشی قرض کو صرف ایک حد تک محدود رکھنے — کے بجائے بینکنگ سیکٹر کے ذریعے قرض کو بتدریج ختم کرنے کی حکمت عملی اپنائی ہے، جسے ایک پائیدار اور عملی حل قرار دیا جا رہا ہے۔
ذریعہ: Daily Mumtaz
کلیدی لفظ: پاور سیکٹر ارب روپے کے لیے
پڑھیں:
گوگل اور حکومتِ پاکستان کا شراکت داری معاہدہ، 2026 تک 5 لاکھ کروم بُک ڈیوائسز تیار کرنے کا ہدف
پاکستان میں ڈیجیٹل تبدیلی کی رفتار تیز کرنے کے لیے گوگل اور حکومتِ پاکستان نے بڑے اقدامات کا اعلان کیا ہے، جن میں ہری پور میں پاکستان کی پہلی کروم بُک اسمبلنگ لائن کا افتتاح اور وزارتِ انفارمیشن ٹیکنالوجی و ٹیلی کمیونی کیشن (MoITT) کے ساتھ ایک مفاہمتی یادداشت (MoU) پر دستخط شامل ہیں۔
گوگل، ٹیک ویلی، الائیڈ اور نیشنل ریڈیو اینڈ ٹیلی کمیونی کیشن کارپوریشن (NRTC) کے اشتراک سے شروع کی گئی اس اسمبلنگ لائن میں 2026 تک 5 لاکھ کروم بُک تیار کیے جائیں گے، جس سے روزگار کے نئے مواقع پیدا ہوں گے، تعلیم میں ڈیجیٹل رسائی بڑھے گی، اور پاکستان کو ٹیکنالوجی ایکسپورٹ کے لیے راستہ ملے گا۔
مزید پڑھیں: پاکستان میں گوگل کروم بُک کی پہلی اسمبلی لائن کا افتتاح، عام صارفین کو کیا فائدہ ہوگا؟
ڈپٹی وزیرِ اعظم و وزیرِ خارجہ سینیٹر محمد اسحاق ڈار نے افتتاحی تقریب میں کہا کہ گوگل اور پاکستان کی یہ شراکت ہمارے ڈیجیٹل مستقبل کی سمت ایک تاریخی قدم ہے۔ مقامی سطح پر کروم بُک کی تیاری نہ صرف تعلیمی میدان میں سہولت پیدا کرے گی بلکہ روزگار، سپلائی چین اور ایکسپورٹ کے نئے در وا کرے گی۔
گوگل پاکستان کے کنٹری ڈائریکٹر فرحان قریشی نے کہا کہ ’میڈ اِن پاکستان‘ کروم بُکس کے ذریعے ہم تعلیم، ڈیجیٹل مہارتوں اور جدت کے فروغ میں تعاون جاری رکھیں گے۔ یہ قدم نہ صرف مقامی طلب پوری کرے گا بلکہ پاکستان کو عالمی سطح پر ایک ابھرتا ہوا ہارڈ ویئر ایکسپورٹر بنائے گا۔
مزید پڑھیں: گوگل نے پنجاب حکومت کو بڑی پیشکش کردی
اسی موقع پر گوگل اور وزارتِ انفارمیشن ٹیکنالوجی نے ڈیجیٹل اسکلنگ، اسٹارٹ اپ ایکو سسٹم اور مصنوعی ذہانت (AI) کے فروغ کے لیے نئے معاہدے پر دستخط کیے۔
اس کے تحت گوگل 2025 تک 10 لاکھ کیریئر سرٹیفیکیٹس فراہم کرے گا، AI Skills Lab کے ذریعے 10 لاکھ سے زائد ڈویلپرز کو تربیت دے گا، جبکہ AI لیڈرز فیلوشپ پروگرام کے تحت 100 پاکستانی اداروں کو مصنوعی ذہانت کے ذمہ دارانہ استعمال کی تربیت دی جائے گی۔
مزید پڑھیں: گوگل نے تاریخ رقم کردی، ایک سہ ماہی میں 100 بلین ڈالر سے زائد آمدنی
وفاقی وزیرِ آئی ٹی و ٹیلی کمیونی کیشن شیزہ فاطمہ خواجہ نے کہا کہ گوگل کے ساتھ یہ پارٹنرشپ پاکستان کو ڈیجیٹل قوم بنانے کی جانب ایک مضبوط قدم ہے۔ ہم اپنے نوجوانوں کو جدید مہارتوں سے آراستہ کر کے ٹیکنالوجی اور AI کے میدان میں علاقائی قیادت کا ہدف حاصل کرنا چاہتے ہیں۔
تقریب میں NRTC، الائیڈ، اور ٹیک ویلی کے اعلیٰ عہدیداروں نے اس شراکت کو پاکستان کے ڈیجیٹل خود انحصاری کے سفر کا سنگِ میل قرار دیا، اور کہا کہ یہ اقدام تعلیم، روزگار اور معاشی ترقی کے ایک نئے دور کی شروعات ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حکومت پاکستان کروم بک گوگل وزیر خارجہ سینیٹر محمد اسحاق ڈار
امریکا کیلئے براہ راست پروازوں کی بحالی قریب، ایف اے اے کا نیا آڈٹ جنوری میں متوقع