بحیرہ احمر میں جہاز کے قریب دھماکا
اشاعت کی تاریخ: 24th, September 2025 GMT
بحیرہ احمر میں ایک تجارتی جہاز کے قریب دھماکا ہوا ہے تاہم کسی جانی یا مالی نقصان کی اطلاع نہیں ملی۔
برطانوی ادارے یوکے ایم ٹی او (United Kingdom Maritime Trade Operations) کے مطابق انہیں رپورٹ موصول ہوئی کہ یمن کے شہر عدن کے مشرقی علاقے میں ایک جہاز کے قریب دھماکے کی آواز اور پانی میں چھپاکے کی آواز سنی گئی، واقعے کے بعد فوری طور پر علاقے کو سیکیورٹی فورسز کی نگرانی میں لے لیا گیا اور تحقیقات شروع کر دی گئی ہیں۔
یوکے ایم ٹی او نے وضاحت کی کہ دھماکے کے نتیجے میں نہ تو کوئی جانی نقصان ہوا اور نہ ہی جہاز کو کسی قسم کا نقصان پہنچا، واقعہ ابھی تحقیقات کے مرحلے میں ہے۔
خیال رہےکہ بحیرہ احمر دنیا کی سب سے اہم اور مصروف ترین آبی گزرگاہوں میں شمار ہوتی ہے جہاں سے تیل اور ایندھن کی بڑی مقدار گزر کر مختلف ممالک تک پہنچتی ہے۔
یاد رہے کہ یمن کی حوثی ملیشیا گزشتہ کئی ماہ سے بحیرہ احمر اور خلیج عدن میں اسرائیلی سے منسلک تجارتی جہازوں کو نشانہ بنا رہی ہے، حوثیوں کا کہنا ہے کہ یہ کارروائیاں فلسطین خصوصاً غزہ کے عوام کے ساتھ اظہارِ یکجہتی کے طور پر کی جا رہی ہیں، جہاں اکتوبر 2023 سے جاری اسرائیلی جارحیت کے نتیجے میں اب تک 65 ہزار سے زائد فلسطینی شہید ہو چکے ہیں۔
یوکے ایم ٹی او، جو برطانوی رائل نیوی کے ماتحت میری ٹائم ٹریڈ انفارمیشن سینٹر کے تحت کام کرتا ہے، ایسے ہائی رسک سمندری علاقوں میں تجارتی جہازوں اور فوجی فورسز کے درمیان رابطے کے مرکزی کردار کے طور پر ذمہ داریاں انجام دیتا ہے۔
واضح رہے کہ غزہ میں امداد اور انسانی ہمدردی کے نام پر امریکا اور اسرائیل بدترین دہشت گردی کر رہے ہیں جبکہ عالمی ادارے خاموش تماشائی بنے ہوئے ہیں اور مسلم دنیا بھی اپنے کردار سے غافل نظر آتی ہے۔
.
ذریعہ
ذریعہ: Al Qamar Online
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع