اختر مینگل پر سفری پابندی غیر قانونی قرار، عدالت کا پابندی ختم کرنیکا حکم
اشاعت کی تاریخ: 24th, September 2025 GMT
بلوچستان ہائی کورٹ نے سردار اختر مینگل پر سفری پابندی کے فیصلے کو غیر قانونی قرار دیا اور وفاقی حکومت کو حکم دیا کہ اختر مینگل پر سے سفری پابندی فوری ہٹائی جائے۔ اسلام ٹائمز۔ عدالت عالیہ بلوچستان نے بلوچستان نیشنل پارٹی کے سربراہ اختر جان مینگل پر سفری پابندی کو غیر قانونی قرار دیتے ہوئے انکا نام "نو فلائی لسٹ" سے نکالنے کا حکم دے دیا۔ یہ فیصلہ آج اختر مینگل پر سفری پابندی کے خلاف دائر پٹیشن کی سماعت کے دوران کیا گیا۔ درخواست گزار کے وکیل ساجد ترین ایڈووکیٹ کے دلائل کے بعد بلوچستان ہائی کورٹ نے سردار اختر مینگل پر سفری پابندی کے فیصلے کو غیر قانونی قرار دیا اور وفاقی حکومت کو حکم دیا کہ بی این پی سربراہ سردار اختر مینگل پر سے سفری پابندی فوری ہٹائی جائے۔ اس موقع پر بی این پی کے مرکزی سیکرٹری اطلاعات آغا حسن بلوچ ایڈووکیٹ راحب بلیدی ایڈوکیٹ اور دیگر بھی پیش ہوئے۔
.ذریعہ: Islam Times
کلیدی لفظ: اختر مینگل پر سفری پابندی
پڑھیں:
ایمان مزاری اور ان کے شوہر کے ناقابل ضمانت وارنٹ گرفتاری جاری
data-id="863a0a8" data-element_type="widget" data-widget_type="theme-post-content.default">
اسلام آباد: ڈسٹرکٹ اینڈ سیشن کورٹ اسلام آباد نے ریاست اور قومی سلامتی کے اداروں کے خلاف متنازع ٹوئٹ کیس میں ایڈووکیٹ ایمان مزاری اور ان کے شوہر ایڈووکیٹ ہادی علی چٹھہ کے ناقابل ضمانت وارنٹ گرفتاری جاری کر دیے۔
میڈیا رپورٹس کے مطابق کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی، جنہوں نے حکم دیا کہ دونوں ملزمان کو گرفتار کر کے 24 ستمبر کو عدالت میں پیش کیا جائے، عدالت کی جانب سے جاری کیے گئے احکامات کے مطابق ناقابل ضمانت وارنٹ گرفتاری فوری طور پر نافذ العمل ہوں گے۔
یاد رہے کہ اس سے قبل عدالت کی جانب سے ایمان مزاری اور ہادی علی چٹھہ کو طلبی کے نوٹسز بھی جاری کیے گئے تھے، تاہم ان کی عدم حاضری پر عدالت نے یہ فیصلہ سنایا۔
دورانِ سماعت دونوں شخصیات کے وکلاء کی جانب سے وارنٹ گرفتاری منسوخ کرنے کی درخواست دائر کی گئی تاہم عدالت نے فی الفور یہ استدعا مسترد کر دی۔
خیال ر ہے کہ ناقابل ضمانت وارنٹ گرفتاری جاری ہونے کے بعد اب پولیس کو دونوں ملزمان کو حراست میں لے کر عدالت کے روبرو پیش کرنا لازم ہے، بصورت دیگر قانونی پیچیدگیاں مزید بڑھ سکتی ہیں۔
ایمان مزاری ماضی میں بھی ریاستی اداروں اور حکومتی پالیسیوں پر تنقید کرتی رہی ہیں اور ان کے بیانات کئی مرتبہ تنازعات کا باعث بنے ہیں، ان کے شوہر ہادی علی چٹھہ بھی ایک سرگرم وکیل ہیں اور مختلف مقدمات میں قانونی کارروائی کا حصہ رہ چکے ہیں۔
واضح رہےکہ کیس کی آئندہ سماعت 24 ستمبر کو ہوگی جس میں دونوں کی پیشی کے بعد ہی مزید قانونی کارروائی کا فیصلہ متوقع ہے، عدالت کے اس حکم کے بعد سیاسی اور قانونی حلقوں میں اس معاملے پر بحث تیز ہو گئی ہے ۔
نیویارک، اقوام متحدہ کے سامنے آرتھوڈوکس یہودیوں کا نیتن یاہو کے خلاف مظاہرہ