صاحبزادہ حامد رضا تحریکِ تحفظِ آئینِ پاکستان کے سیکریٹری انفارمیشن کے عہدے سے مستعفی
اشاعت کی تاریخ: 24th, September 2025 GMT
صاحبزادہ حامد رضا —فائل فوٹو
سنی اتحاد کونسل کے سربراہ صاحبزادہ حامد رضا تحریکِ تحفظِ آئینِ پاکستان کے سیکریٹری انفارمیشن کے عہدے سے مستعفی ہو گئے۔
صاحبزادہ حامد رضا نے استعفیٰ دینے کا فیصلہ سنی اتحاد کونسل کے ہنگامی اجلاس کے بعد کیا۔
اس حوالے سے انہوں نے کہا ہے کہ پارٹی کی ہدایات پر تحریکِ تحفظِ آئینِ پاکستان کے عہدے سے استعفیٰ دے دیا ہے۔
صاحبزادہ حامد رضا کا یہ بھی کہنا ہے کہ فیصلے سے تحریکِ تحفظِ آئینِ پاکستان کے ترجمان اخونزادہ حسین کو آگاہ کر دیا ہے۔
.ذریعہ: Jang News
کلیدی لفظ: پاکستان کے
پڑھیں:
پاکستان کے خلاف کوئی ایجنڈا نہیں، صرف آئین کی بالادستی کی بات کرتے ہیں: چئیرمین پی ٹی ائی
data-id="863a0a8" data-element_type="widget" data-widget_type="theme-post-content.default">
چئیرمین پاکستان تحریک انصاف (پی ٹی ائی) بیرسٹر گوہر علی خان نے کہا ہے کہ سوشل میڈیا کسی کے کنٹرول میں نہیں اور اس پلیٹ فارم پر بڑی تعداد میں رضاکار سرگرم ہیں۔
اڈیالہ جیل راولپنڈی کے باہر میڈیا سے گفتگو کرتے ہوئے چئیرمین پاکستان تحریک انصاف بیرسٹر گوہر علی خان نے کہا کہ آج توشہ خانہ ٹو کیس کی سماعت تھی لیکن ملاقات کی اجازت نہیں دی گئی اور اس کی کوئی وجہ بھی نہیں بتائی گئی،امید ہے کہ کل بانی پی ٹی ائی سے ملاقات ہو جائے گی کیونکہ یہ ملاقات ضروری ہے اور اس سے حالات میں بہتری آسکتی ہے۔
ایک سوال کے جواب میں کہ پی ٹی آئی کا سوشل میڈیا کون چلاتا ہے اور ریاست مخالف مہمات کے بارے میں پارٹی کا کیا مؤقف ہے، بیرسٹر گوہر نے وضاحت کی کہ پارٹی کے فیصلے سیاسی کمیٹی کرتی ہے اور ان فیصلوں میں چیئرمین کی رہنمائی شامل ہوتی ہے۔ ان کے مطابق پارٹی اپنے کارکنوں کو انہی فیصلوں پر بریف کرتی ہے۔
انہوں نے کہا کہ سوشل میڈیا پر بہت سے رضاکار اپنی مرضی سے کام کرتے ہیں اور اسے کوئی کنٹرول نہیں کرسکتا، پارٹی کا کوئی ریاست مخالف ایجنڈا نہیں، ہم صرف آئین کی بالادستی، جمہوریت کے فروغ اور قومی یکجہتی کی بات کرتے ہیں۔
ان کا کہنا تھا کہ پارٹی بانی کی ہدایات پر چلتی ہے، سوشل میڈیا پر نہیں۔ “ہماری جماعت کا ریاست مخالف کوئی ایجنڈا نہیں۔ ہم آئین کی حکمرانی، عدلیہ کی آزادی اور جمہوری اقدار کی بالادستی کے قائل ہیں۔ ملک بھی ہمارا ہے اور فوج بھی ہماری ہے، پاکستان کے خلاف بات کا سوچ بھی نہیں سکتے۔”
بیرسٹر گوہر نے مزید کہا کہ جب بھی ملک کے لیے قربانی دینے کا وقت آیا تو ہم سب سے آگے ہوں گے۔ جی ایچ کیو حملہ کیس کے حوالے سے انہوں نے کہا کہ بانی چیئرمین اس کیس میں ملزم ہیں اور ان کی خواہش کا احترام ہونا چاہیے۔ فیئر ٹرائل کا تقاضا ہے کہ ہر ملزم کو اپنی صفائی کا بھرپور موقع دیا جائے۔
پاکستان اور سعودی عرب کے حالیہ دفاعی معاہدے پر بات کرتے ہوئے انہوں نے کہا کہ یہ خوش آئند اقدام ہے، پی ٹی آئی ہمیشہ سعودی عرب کی حمایت میں کھڑی رہی ہے اور پارٹی کا مؤقف ہے کہ امت مسلمہ کو مضبوط بنانے کی ہر کوشش کی حمایت کی جانی چاہیے۔
ای سی سی نے ریکوڈک منصوبے کی فنانسنگ سے متعلق معاہدوں کی منظوری دے دی