سنی اتحاد کونسل کے مرکزی رہنما صاحبزادہ حامد رضا گرفتار، جیل منتقل
اشاعت کی تاریخ: 7th, November 2025 GMT
سنی اتحاد کونسل کے مرکزی رہنما اور ممبر قومی اسمبلی صاحبزادہ حامد رضا کو فیصل آباد سےگرفتار کر لیا گیا۔ذرائع کے مطابق صاحبزادہ حامد رضا پولیس کو متعدد مقدمات میں مطلوب تھے اور عدالت سے سزا یافتہ ہیں۔پولیس ذرائع کا کہنا ہے کہ پولیس نے صاحبزادہ حامد رضا کو گرفتار کر کے فیصل آباد سینٹرل جیل منتقل کر دیا ہے۔احتجاجی تحریکوں میں حساس اداروں پر حملہ ہوا تھا اس کی پاداش میں ان پر مقدمات درج تھے، مقامی عدالت نے 40 سال کی سزا سنائی تھی۔ ذرائع کا کہنا ہے کہ پولیس ان کو کافی عرصے سے گرفتار کرنے کی کوشش کر رہی تھی تاہم ان کی گرفتاری عمل میں نہیں آ رہی تھی۔یاد رہے کہ صاحبزادہ حامد رضا رواں برس ستمبر میں تحریک تحفظ آئین پاکستان کے سیکرٹری انفارمیشن کے عہدے سے مستعفی ہوگئے تھے۔اس حوالے سے صاحبزادہ حامد رضا کا کہنا تھا پارٹی ہدایات پر تحریک تحفظ آئین پاکستان کے عہدے سے استعفیٰ دیا ہے۔
.ذریعہ: Nawaiwaqt
پڑھیں:
سنی اتحاد کونسل کے چیئرمین صاحبزادہ حامد رضا گرفتار، انسداد دہشت گردی عدالت پیش
سنی اتحاد کونسل کے چیئرمین صاحبزادہ حامد رضا کو گرفتاری کے بعد انسداد دہشت گردی عدالت پیش کردیا گیا، ذرائع کے مطابق سنی اتحاد کونسل کے چیئرمین صاحبزادہ حامد رضا پشاور سے فیصل آباد کی جانب سفر کر رہے تھے، اسی دوران اسلام آباد پولیس نے انہیں حراست میں لے لیا۔ پولیس ذرائع کے مطابق حامد رضا کو ایک مخصوص مقام پر روکا گیا اور بعد ازاں گرفتار کر کے نامعلوم مقام پر منتقل کر دیا گیا۔ ادھر قائم مقام چیئرمین سنی اتحاد کونسل، صاحبزادہ حسن رضا نے حامد رضا کی گرفتاری کی تصدیق کرتے ہوئے کہا کہ پارٹی قیادت کو اس اقدام پر شدید تحفظات ہیں۔انہوں نے کہا کہ سنی اتحاد کونسل پُرامن سیاسی جدوجہد پر یقین رکھتی ہے اور قائد کی گرفتاری کے بعد آئندہ کے لائحہ عمل کا اعلان جلد کیا جائے گا۔
افغانستان کے ساتھ مذاکرات کے نتیجے تک سب کچھ معطل رہےگا