انکم ٹیکس ریٹرن فارم 2025 میں کوئی تبدیلی نہیں کی گئی ، ایف بی آر کی وضاحت
اشاعت کی تاریخ: 25th, September 2025 GMT
فیڈرل بورڈ آف ریونیو (ایف بی آر) نے سوشل میڈیا پر گردش کرنے والی ان خبروں کی سختی سے تردید کی ہے جن میں دعویٰ کیا گیا تھا کہ انکم ٹیکس ریٹرن فارم 2025 میں آخری وقت پر تبدیلی کر دی گئی ۔
ایف بی آر کی جانب سے جاری ایک باضابطہ اعلامیے میں کہا گیا کہ انکم ٹیکس فارم میں کسی قسم کی کوئی نئی ترمیم یا تبدیلی نہیں کی گئی۔ بورڈ کے مطابق، ریٹرن فارم 7 جولائی 2025 کو ہی ایف بی آر کی ویب سائٹ پر جاری کر دیا گیا تھا اور اس میں تمام معلومات بشمول صفحہ نمبر 66 پر اثاثوں کی مارکیٹ ویلیو سے متعلق کالم واضح طور پر شامل تھا۔
سوشل میڈیا پر افواہیں، حقیقت کچھ اور
ایف بی آر کے مطابق، بعض سوشل میڈیا گروپس اور پلیٹ فارمز پر یہ غلط دعویٰ کیا گیا کہ انکم ٹیکس فارم میں ڈیڈ لائن سے صرف چند روز قبل ایک نیا کالم شامل کر دیا گیا ہے۔ تاہم حقیقت یہ ہے کہ فارم میں اثاثوں کی مارکیٹ ویلیو کا کالم شروع دن سے موجود ہے، اور اس پر کسی ایس آر او کے ذریعے کوئی نئی تبدیلی نہیں کی گئی۔
اعلامیے میں کہا گیا کہ اثاثوں کی مارکیٹ ویلیو کا اندراج صرف معلوماتی نوعیت کا ہے۔
یہ معلومات ٹیکس کی ادائیگی کے حساب کتاب پر اثر انداز نہیں ہوتیں (سوائے اُن افراد کے جو پہلے ہی قانون کی شق 7E کے تحت ایسا کر رہے ہیں)۔
یہ اندراج مکمل طور پر ٹیکس گزار کی صوابدید پر ہے، یعنی کوئی مخصوص طریقۂ کار یا تحقیق درکار نہیں۔
اس میں کسی غلطی یا ابہام کی صورت میں ٹیکس نوٹس جاری نہیں کیا جائے گا۔
ایف بی آر نے کہا کہ اگر کسی ٹیکس گزار نے یہ خانہ خالی چھوڑا یا صفر لکھا ہے، تو اُسے درست کرنے کا مقصد محض فارم کو بہتر بنانا ہے تاکہ صحیح معلومات جمع کی جا سکیں۔
پہلے سے جمع کرائے گئے ریٹرن محفوظ ہیں
اعلامیے کے مطابق، جن افراد نے پہلے ہی اپنے انکم ٹیکس ریٹرن جمع کرا دیے ہیں، انہیں نہ ترمیم کرنے کی ضرورت ہے اور نہ دوبارہ فائل کرنے کی۔ ایف بی آر نے اس بات کو واضح کر دیا ہے کہ مارکیٹ ویلیو کی یہ معلومات ٹیکس کے حساب کتاب کا حصہ نہیں بن رہیں۔
آخری تاریخ قریب، بروقت فائل کریں
ایف بی آر نے تمام ٹیکس دہندگان کو یاد دہانی کروائی ہے کہ انکم ٹیکس ریٹرن جمع کرانے کی آخری تاریخ 30 ستمبر 2025 ہے۔ اس حوالے سے ایف بی آر کا آن لائن پورٹل IRIS سسٹم مکمل طور پر فعال اور درست طور پر کام کر رہا ہے۔
بورڈ نے عوام سے اپیل کی ہے کہ سوشل میڈیا پر غیر مصدقہ خبروں پر دھیان دینے کے بجائے براہ راست ایف بی آر کے ذرائع سے معلومات حاصل کریں اور بروقت ریٹرن جمع کروا کر اپنے قومی فریضے کی ادائیگی کریں۔
ذریعہ
ذریعہ: Daily Mumtaz
کلیدی لفظ: انکم ٹیکس ریٹرن مارکیٹ ویلیو کہ انکم ٹیکس سوشل میڈیا ایف بی ا ر نہیں کی
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ