جیکب آباد،محتسب اعلیٰ کی کھلی کچہری شہریوں نے شکایات کے انبار لگا دیے
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
جیکب آباد (نمائندہ جسارت)جیکب آباد میں وفاقی محتسب اعلی کی کھلی کچہری، شہریوں نے سیپکو کے اضافی بلزکی شکایات کے انبار لگا دیے ایکسیئن سیپکو کی عدم موجودگی پر وفاقی محتسب برہم سکھر دفتر طلبی کے احکامات ، ھلی کچہری میں سیپکو ،سوئی گیس ،نیشنل سیونگ سینٹر کی متعلق شکایات پر موقع پر حل کے احکامات جاری۔ تفصیلات کے مطابق جیکب آباد کے ضلع کونسل ہال میں وفاقی محستب اعلیٰ سکھر سید محمود علی شاہ نے ریجنل محتسب اعلیٰ جیکب آباد زاہد برڑو کے ہمراہ کھلی کچہری کرکے شہریوں کے مسائل سنے ،ڈاکٹر سریش کمار،عبدالوحید،نفیس احمد، راجیش کمار،امجد شیخ ،حمید سدہایواورفرخ عدیل و دیگر نے سیپکو کے اضافی بلز کے شکایات کے انبار لگا دیے ۔ایک شہری نے سیپکو شکایتی سیل کے برسوں سے غیر فعال ہونے اور ایکسیئن سیپکو کا دفتر شہر سے باہر ہونے کی شکایات کی جس پر وفاقی محتسب اعلیٰ نے شکایتی سیل فعال کرنے کا حکم دیا، ایکسیئن سیپکو کی عدم موجودگی پر وفاقی محتسب اعلیٰ نے برہمی کا اظہار کرتے ہوئے سکھر دفتر طلبی کا حکم دیا۔کھلی کچہری میں سیپکو آراو افسر آفتاب کھوسو ،ایس ڈی او علی لاشاری ایل ایس امداد پہنیار ،ایس ایس جی سی کے رفیق ویسر اور نادرا حکام موجود تھے۔ تنویر بروہی اور محمد رمضان نے گیس کے میٹر کی تبدیلی اوراضافی بلز کے متعلق شکایت کی جسے موقع پر حل کرنے کے احکامات دیے گئے، کھلی کچہری 45منٹ تاخیر سے شروع ہوئی جبکہ کھلی کچہری کا مقام بلدیہ آفس رکھا گیا اور انعقاد ضلع کونسل میں کیا گیا جس کی وجہ سے متعدد افراد واپس چلے گئے اور کھلی کچہری میں نہ آسکے۔
ذریعہ: Jasarat News
کلیدی لفظ: وفاقی محتسب محتسب اعلی کھلی کچہری جیکب ا باد
پڑھیں:
حنیف محمد ٹرافی: آخری راؤنڈ میں رنز کے انبار لگ گئے
حنیف محمد ٹرافی کرکٹ ٹورنامنٹ کے پانچویں اور آخری راونڈ میں دوسرے روزرنزکے انبارلگ گئے۔
تفصیلات کے مطابق یو بی ایل اسپورٹس کمپلیکس پر راولپنڈی نے دوسری اننگ میں 2 وکٹیں کھوکر100 رنز بنا لیے۔ قبل ازیں 184 رنزکے جواب میں کراچی وائٹس نےاپنی پہلی اننگ میں 425 رنز بناکر4 پوائنٹس جوڑے، عمیربن یوسف نے 13 چوکوں اور2 چھکوں کی مدد سے 100 رنز بنائے،نروس نائینٹیزکاشکارعبداللہ فاضل 3 رنزکی کمی سے سینچری سے محروم رہے۔عثمان خان نے 47 اورمحمدغازی غوری نے 45 رنزجوڑے، مہران ممتازنے 6 کھلاڑیوں کوآوٹ کیا۔
فالوآن کا شکارڈیرہ مراد جمالی نے 81 رنزکے ساتھ گروپ بی میں سرفہرست فاٹا کے خلاف اسٹیٹ بنک اسپورٹس کمپلیکس پردوسری باری میں 2 وکٹوں پر52 رنزبنالیے،قبل ازیں فاتا کے 311 رنزکے جواب میں ٹیم پہلی اننگ میں 153 رنزپرڈھیرہوگئی تھی۔ آصف آفریدی اور ارشد اللہ نے 4،4 وکٹیں حاصل کیں۔
نیشنل بنک اسٹیڈیم پرملتان نے ایک وکٹ کھوکر 322 رنز بنالیے،زین عباس 158 اورعامراسحاق 69 رنز کے ساتھ ناٹ آوٹ ہیں۔ قبل ازیں لاڑکانہ نے ثابت علی کے 141 رنز کی بدولت پہلی اننگ میں 329 رنز بنائے،محمد شان نے 4 کھلاڑیوں کوچلتا کیا، گروپ اے میں 75 پوائنٹس کے ساتھ سرفہرست فیصل آؓباد نے ڈرنگ اسٹیڈیم، بہاولپور پر دوسری باری میں ایک وکٹ پر71 رنزبنالیے،فہیم الحق 48 رنزکے ساتھ ناٹ آوٹ ہیں،اس سے پہلے حیدرآباد نے 169 رنزکے جواب میں 189 رنزبنائے،زین العابدین نے 107 رنزاسکور کیے۔
ملتان اسٹیڈیم پرکراچی وائٹس نے 450 رنزبناکر بیٹنگ میں 4 اہم پوائنٹس حاصل کیے،کپتان سیف اللہ بنگش نے 12 چوکوں کی مدد سے ناقابل شکست 110 رنز کی اننگ کھیلی،محمد طحہ نروس نائینٹیزکا شکارہوکر 98 رنزپروکٹ کھو بیٹھے۔ سعد بیگ نے 85 رنز بنائے،جواب میں آزاد جموں و کشمیر نےایک وکٹ پر 113 رنز بنالیے،احسن رضا 64 اور حسنین شاہ میر 42 رنز کے ساتھ ناٹ آوٹ ہیں۔
عباسیہ اسپورٹس کمپلیکس،رحیم یارخان پرکوئٹہ نے 6 وکٹوں پر 303 رنزبنالیے۔بسمہ اللہ خان 173 رنزکے ساتھ ناٹ آوٹ ہیں،حسیب اللہ نے 62 رنزبنائے۔اس سے پہلے لاہور بلوزنے 450 رنزبنائے،عمیرصدیق نے 136،محمد سلیم 60، خواجہ محمد عبداللہ 50 اور محمد محسن 47 رنز بنانے میں کامیاب رہے،خلیل احمد اوراحسان اللہ نے 4،4 کھلاڑیوں کوآوٹ کیا۔
صدر ٹرمپ کے گولڈ اور پلاٹینم کارڈز کیا ہیں اور اس سے کون فائدہ اٹھا سکتا ہے؟