چین میں کٹے ہوئے ناخن مہنگے داموں فروخت ہونے لگے!
اشاعت کی تاریخ: 27th, September 2025 GMT
کیا آپ بھی ناخن کاٹنے کے بعد انہیں فوراً کوڑے دان کی نذر کر دیتے ہیں؟ اگر ہاں، تو شاید آپ اپنی ایک قیمتی چیز کو ضائع کر رہے ہیں۔ حیران نہ ہوں، چین میں واقعی کٹے ہوئے انسانی ناخن سونے کی یمت میں بک رہے ہیں – اور اس کے پیچھے ایک حیران کن وجہ ہے!
غیر ملکی میڈیا رپورٹس کے مطابق، چین میں تیار کی جانے والی روایتی ادویات میں انسانی انگلیوں کے ناخن استعمال کیے جا رہے ہیں۔ مقامی دوا ساز کمپنیاں اسکولوں اور دیہاتوں سے یہ ناخن خریدتی ہیں، انہیں اچھی طرح صاف کیا جاتا ہے، باریک پاؤڈر میں تبدیل کیا جاتا ہے، اور پھر مختلف بیماریوں خصوصاً بچوں کے پیٹ درد اور ٹانسلز کے علاج کے لیے استعمال ہونے والی ادویات میں شامل کیا جاتا ہے۔
ایک بالغ شخص کے ناخن سالانہ اوسطاً صرف 100 گرام کے قریب بڑھتے ہیں، جس کی وجہ سے یہ ایک محدود اور قیمتی ’’خام مال‘‘ بن چکے ہیں۔ یہی وجہ ہے کہ ان کی قیمت کافی زیادہ ہو چکی ہے۔
چینی میڈیا کے مطابق، ایک خاتون اپنے جمع کیے گئے ناخن 21 ڈالر فی کلوگرام کے حساب سے فروخت کر رہی ہیں۔ ان کا کہنا ہے کہ وہ بچپن سے ہی اپنے ناخن جمع کرتی آ رہی ہیں اور یہ عادت اب ان کے لیے ایک منافع بخش ذریعہ بن چکی ہے۔
دلچسپ بات یہ ہے کہ 1960 کے بعد، جب نیل پالش کا استعمال بڑھا، تو روایتی ادویات میں ناخنوں کا استعمال کم ہو گیا تھا۔ تاہم، اب اس رجحان میں دوبارہ اضافہ دیکھنے میں آ رہا ہے۔
یہ بات بھی قابلِ ذکر ہے کہ دوا سازی کے لیے صرف ہاتھوں کے ناخن ہی قابلِ قبول سمجھے جاتے ہیں، پاؤں کے ناخن نہیں۔ خریداری سے قبل ناخنوں کو باریک بینی سے چیک کیا جاتا ہے اور مکمل صفائی کے بعد ہی دواؤں میں استعمال کے قابل سمجھا جاتا ہے۔
ذریعہ: Daily Mumtaz
کلیدی لفظ: کیا جاتا ہے کے ناخن
پڑھیں:
2022ء کے بعد کی پالیسیاں حالات خراب ہونے کی وجہ ہیں، پی ٹی آئی
پشاور:پاکستان تحریک انصاف کے سیکرٹری جنرل سلمان اکرم راجا نے کہا ہے کہ 2022ء کے بعد کی پالیسیاں حالات خراب ہونے کی وجہ ہیں۔
صوبائی دارالحکومت میں جلسے کے حوالے سے انتظامات کا جائزہ لینے کے لیے سلمان اکرم راجا، اسد قیصر اور جنید اکبر جلسہ گاہ پہنچے۔ اس موقع پر پریس کانفرنس کرتے ہوئے سیکرٹری جنرل پی ٹی آئی کا کہنا تھا کہ عمران خان کی کال پر کل پشاور میں جلسہ ہوگا۔ ہم ناانصافی کے خلاف آواز بلند کریں گے۔
انہوں نے کہا کہ تیراہ کے واقعہ پر عمران خان افسردہ ہیں۔ 2022ء کے بعد کی پالیسیوں کی وجہ سے حالات خراب ہورہے ہیں۔ دہشتگردوں کے ساتھ مقابلہ کرنا ہے، ہم دہشت گردی کے خلاف ہیں۔ کل کا جلسہ بربریت کے خلاف احتجاج ہوگا۔ ہم صحافیوں کو پیکا ایکٹ کے تحت جاری کیے گئے نوٹسز کی مذمت کرتے ہیں۔ انہوں نے کہا کہ عدلیہ محکوم ہے۔ تحریک انصاف کا بنیادی مقصد آئین و قانون کی حکومت ہے۔
پریس کانفرنس میں اسد قیصر نے اظہار خیال کرتے ہوئے کہا کہ کل کا جلسہ عمران خان کی رہائی کے لیے ہے ۔ ہم امن کی بات کرتے ہیں۔ جب روس آیا، یہاں جنگ شروع ہوئی۔ اس صوبے کی معیشت کو نقصان ہوا۔ کلاشنکوف کلچر بڑھا ۔
انہوں نے کہا کہ 21 آپریشن ہوئے، کیا امن قائم ہوا؟۔ افغانستان کو پھر نئی جنگ میں دھکیلا جارہا ہے۔ اگر نئی جنگ ہوتی ہے قوم اس کا حصہ نہیں ہوگی۔ فیلڈ مارشل اور ٹرمپ کے درمیان ملاقات میں کیا ہوا، ابھی باتیں سامنے نہیں آئیں۔ نواز لیگ 10 سیٹیں جیت جائیں ہم اپنی شکست تسلیم کرلیں گے۔
پی ٹی آئی رہنما جنید اکبر کا کہنا تھا کہ ہمیں پنجاب میں فسطائیت کا سامنا ہے، ہم پنجاب میں جلسہ کرنا چاہتے ہیں۔ کل کا جلسہ ثابت کرے گا قوم ہمارے ساتھ ہے۔ حاکمیت عوام کے ووٹ سے ہے۔
غزہ میں جنگ بندی کے لیے پُرعزم ہیں، چینی وزیر خارجہ