حکمران جماعتوں نے کراچی کو تباہی کے دھانے پر پہنچا دیا، علامہ مبشر حسن
اشاعت کی تاریخ: 27th, September 2025 GMT
اپنے بیان میں ایم ڈبلیو ایم رہنما نے کہا کہ پیپلز پارٹی اور ایم کیو ایم دونوں الزامات کی سیاست ختم کر کے سہولیات فراہم کریں، برسر اقتدار جماعتیں رسہ کشی کے بجائے شہر کی مخدوش صورتحال کو ٹھیک کرنے کیلئے عملی اقدامات کریں، میئر کراچی بمقابلہ وزیر صحت کا کھیل بند ہونا چاہیئے۔ اسلام ٹائمز۔ مجلس وحدت مسلمین کے رہنما علامہ مبشر حسن نے کہا ہے کہ حکمران جماعتوں نے کراچی کو تباہی کے دھانے پر پہنچا دیا ہے، شہر قائد کی ابتر صورتحال مزید سنگین ہوتی جارہی ہے، عوام پانی، بجلی، اشیائے خوردونوش سمیت بنیادی ضروریات زندگی کے حصول میں بدترین اذیت کا شکار ہیں، برسر اقتدار جماعتوں کو الزام تراشیوں سے فرصت نہیں، گراں فروشوں سمیت پارکنگ مافیا، لینڈ مافیا اور قبضہ گروپس کو روکنے والا کوئی نہیں، شہر میں بڑھتے ہوئے جرائم نے ماضی کے سارے ریکارڈ توڑ دیئے ہیں، آئے روز سینکڑوں شہری جانی و مالی نقصانات کا شکار ہو رہے ہیں لیکن کسی کے کانوں پر جوں تک نہیں رینگتی۔ انہوں نے کہا کہ برسر اقتدار جماعتیں رسہ کشی کے بجائے شہر کی مخدوش صورتحال کو ٹھیک کرنے کیلئے عملی اقدامات کریں، میئر کراچی بمقابلہ وزیر صحت کا کھیل بند ہونا چاہیئے۔
انہوں نے کہا کہ حکمران جماعتیں تین، تین دھائیوں سے شہر پر مسلط ہیں، انفراسٹرکچر پر کھربوں روپے خرچ ہوچکے ہیں مگر سندھ کا تجارتی مرکز آج موہن جودڑو کا منظر پیش کر رہا ہے۔ انہوں نے کہا کہ مقتدر جماعتیں عوام کو ٹیکہ لگارہی ہیں، حالیہ بارشوں میں شہر سیلابی منظرپیش کر رہا تھا، عوامی پیسوں سے بنائے گئے اربوں روپے کے پل ٹوٹنا ناقص منصوبہ بندی کا نتیجہ ہے اس کی ذمہ داری کس پر عائد ہوتی ہے، دنیا بھر میں مشہور میگا سٹی کراچی کے انفراسٹرکچر درستگی کیلئے مستحکم پلاننگ کیوں نہیں کی جاتی، ماحولیاتی تبدیلی کو مد نظر رکھتے ہوئے شہر کی تزئین و آرائش کی جائے، عوام اتنے نادان نہیں کہ انہیں حالات کا درک نہ ہو، پیپلز پارٹی اور ایم کیو ایم دونوں الزامات کی سیاست ختم کر کے سہولیات فراہم کریں۔
ذریعہ: Islam Times
کلیدی لفظ: نے کہا کہ
پڑھیں:
صدر مملکت کا علامہ محمد اقبالؒ کے یومِ پیدائشِ پر پیغام
صدرِ مملکت آصف علی زرداری نے علامہ محمد اقبالؒ کے یومِ پیدائشِ پر خصوصی پیغام جاری کیا ہے۔
تفصیلات کے مطابق صدرِ مملکت آصف علی زرداری کا کہنا تھا کہ علامہ اقبالؒ نے برصغیر کے مسلمانوں میں آزادی کا شعور بیدار کیا۔ اقبالؒ کا پیغام آج بھی رہنمائی کا سرچشمہ ہے۔ 1930 کا خطبۂ الٰہ آباد مسلمانوں کی خودمختاری کی بنیاد بنا۔
انہوں نے کہا کہ اقبالؒ نے امّت مسلمہ کی شناخت، روحانیت اور آزادی پر زور دیا ۔ اقبالؒ کے نظریات نے پاکستان کی قومی شناخت کی تشکیل کی ۔ ہم اقبالؒ کے اصولوں پر عمل پیرا رہنے کے عزم کی تجدید کرتے ہیں ۔ صدر زرداری
وفاقی وزیر داخلہ محسن نقوی نے بھی مفکر پاکستان شاعر مشرق علامہ محمد اقبالؒ کو شاندار الفاظ میں خراج عقیدت پیش کیا۔ انہوں نے کہا کہ اقبالؒ کی شخصیت اور فکر ایک بے مثال میراث، جس نے مسلمانان ہند میں خودی اور وقار کا جذبہ بیدار کیا۔ پاکستان اقبال کے خواب کی تعبیر ہے اور اس کی حفاظت ہم سب کی ذمہ داری ہے۔
انہوں نے کہا کہ علامہ اقبالؒ کے افکار آج بھی ہمارے لیے رہنمائی کا سرچشمہ ہیں۔ اقبال کے فلسفۂ خودی نے نوجوانوں کو بلند حوصلہ، غیر متزلزل ایمان اور خود اعتمادی عطا کی ۔ اقبالؒ کی شاعری لازوال پیغام ہے جو عمل اور فکر کی دعوت دیتی ہیں۔
محسن نقوی نے کہا کہ ہمیں اقبالؒ کے اصولوں پر عمل کرتے ہوئے پاکستان کی ترقی، اتحاد اور امن کے لیے کوشاں رہنا ہوگا۔ نوجوانوں کے لیے اقبالؒ کے افکار مشعل راہ ہیں، اپنی خودی پہچانیں اور محنت سے پاکستان کے روشن مستقبل کی تعمیر کریں۔
نوشہرو فیروز،سڑک حادثے میں 2 افراد جاں بحق، 2 زخمی