ہم نہ تو ہتھیار جمع کرائیں گے اور نہ ہی شکست تسلیم کریں گے، شیخ نعیم قاسم
اشاعت کی تاریخ: 27th, September 2025 GMT
اپنے ایک خطاب میں حزب الله كے سربراہ کا کہنا تھا کہ شہید سید حسن نصر الله ایک متاثر کن رہنما تھے۔ انہوں نے امام خمینی رہ اور امام سید علی خامنہ ای کی ولایت کو اپنے لئے رول ماڈل بنا کر بہت سی نسلوں کو نجات دلائی۔ اسلام ٹائمز۔ لبنان کی مقاومتی تحریک "حزب الله" كے سابق سیكرٹری جنرل شہید "سید حسن نصر الله" كی پہلی برسی بیروت میں منعقد ہوئی، جس میں ممتاز مزاحمتی شخصیات شریک ہوئیں۔ اس تقریب میں حزب الله كے سیكرٹری جنرل "شیخ نعیم قاسم" نے خطاب کرتے ہوئے شہید سید حسن نصر الله اور دیگر مزاحمتی شہداء کو خراج تحسین پیش کیا۔ انہوں نے جدوجہد کے راستے کو جاری رکھنے كے اپنے عزم پر زور دیا۔ انہوں نے كہا كہ شہید سید حسن نصر الله ہمارے درمیان سے چلے گئے۔ ان کی شہادت کی پہلی برسی پر میں تین باتوں پر روشنی ڈالوں گا۔ یہ شہادت انتہائی دردناک تھی لیکن ان کا نور اب بھی تابناک ہے۔ شیخ نعیم قاسم نے کہا کہ شہید سید حسن نصر الله ایک متاثر کن رہنما تھے۔ انہوں نے امام خمینی رہ اور امام سید علی خامنہ ای کی ولایت کو اپنے لئے رول ماڈل بنا کر بہت سی نسلوں کو نجات دلائی۔ حزب الله کا راستہ شہید سید حسن نصر الله کے افکار، روح اور خون سے ملا ہوا ہے، جسے یقینی طور پر کامیابی ہو گی۔
شیخ نعیم قاسم نے یاد دلایا کہ فلسطین ہی کی وجہ سے لبنان میں مزاحمت وجود میں آئی۔ انہوں نے شہید سید حسن نصر الله کے اس قول کو دُہراتے ہوئے کہا کہ شکست کا زمانہ ختم ہوچکا ہے اور فتح کا دور شروع ہو گیا ہے۔ اب ہم فتوحات کے دور میں ہیں اور اپنے دشمنوں کا مقابلہ کررہے ہیں۔ انہوں نے کہا کہ حزب الله نے استقامتی محاذ کے اندر ایک سمبل کی حیثیت سے علاقائی صورت حال بدل دی۔ انہوں نے شہید سید حسن نصر الله کو مخاطب کرتے ہوئے کہا کہ ہم نے عہد کیا ہے کہ آپ کا راستہ جاری رکھیں گے، امانت دار رہیں گے، میدان نہیں چھوڑیں گے اور ہتھیار نہیں پھینکیں گے۔ انہوں نے حزب الله کی ایگزیکٹو کونسل کے سابق سربراہ شہید سید ہاشم صفی الدین کا ذکر ان الفاظ میں کیا کہ وہ شہید سید حسن نصر الله کے مددگار تھے، جنہوں نے دو جسم ایک جان ہو کر راستہ طے کیا۔ مجاہدین کی دیکھ بھال اور مزاحمتی افواج کو متحرک کرنا ان کی ذمہ داریوں میں شامل تھا۔ انہوں نے تعلیمی و عوامی شعبوں کے ساتھ ساتھ شہداء کے خاندانوں کی کفالت کی ذمے داری بطور احسن انجام دی۔ اگرچہ وہ ہم سے بہت جلد جدا ہو گئے لیکن ان کے آثار باقی رہیں گے۔
ذریعہ
ذریعہ: Islam Times
کلیدی لفظ: شہید سید حسن نصر الله حزب الله انہوں نے کہا کہ
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار