’خواجہ صاحب ایسے بیان کیوں دے رہے ہیں؟‘ ڈاکٹر شمع جونیجو کا دھماکا خیز ردعمل
اشاعت کی تاریخ: 28th, September 2025 GMT
ڈاکٹر شمع جونیجو نے کہا ہے کہ اقوام متحدہ کے تاریخی دورے میں ان کا کردار ریکارڈ کا حصہ ہے اور خواجہ آصف کے الزامات بے بنیاد ہیں۔
ڈاکٹر شمع جونیجو نے اپنے وضاحتی بیان میں کہا کہ وہ کئی ماہ سے وزیراعظم اور حکومت کے لیے کام کر رہی ہیں، پاک بھارت جنگ کے دوران ان کے پالیسی بریفز اور ایڈوائس محفوظ ہیں۔ وزیراعظم نے انہیں اقوام متحدہ کی تقریر لکھنے کا ٹاسک دیا تھا اور باضابطہ طور پر وفد میں شامل کیا تھا۔
یہ بھی پڑھیں: ماہ نور بلوچ 53 سال کی ہیں یا نہیں؟ شمع جونیجو اور ریحام خان کے درمیان بحث
انہوں نے بتایا کہ انہیں ایڈوائزر کے طور پر سیکیورٹی پاس جاری ہوا، وہ وزیراعظم اور ٹیم کے ساتھ سفر اور ہوٹل قیام میں شریک رہیں، بل گیٹس سمیت اہم سائیڈ لائن میٹنگز کا حصہ بنیں اور کلائیمیٹ کانفرنس میں وزیر خزانہ اسحاق ڈار کے ساتھ وزیراعظم کے پیچھے بیٹھی بھی نظر آئیں۔
میں پچھلے کئی مہینوں سے پاکستان اور وزیراعظم صاحب @CMShehbaz کے لئے کام کر رہی تھی!
پاک بھارت جنگ کے دوران میرے پالیسی بریفس، ایڈوائس، اور پوائنٹس، سب کچھ ریکارڈ کا حصہ ہے اور محفوظ ہے۔
مجھے وزیراعظم صاحب نے اقوام متحدہ کی تقریر لکھنے کا ٹاسک دیا۔ اور خود وفد کا حصہ بنایا۔… pic.
— Dr Shama Junejo (@ShamaJunejo) September 28, 2025
ڈاکٹر شمع جونیجو کے مطابق وہ اے آئی کانفرنس میں بھی وزیر دفاع خواجہ آصف کے قریب بیٹھی رہیں اور تقریری تیاری میں شامل ہوئیں، ان کے ساتھ غیر رسمی ملاقاتیں، تصاویر اور سفر بھی کیا۔
یہ بھی پڑھیں: مسلم دنیا اسرائیل کیخلاف متحد نہ ہوئی تو سب کی باری آئے گی، وزیر دفاع خواجہ آصف
انہوں نے کہا کہ وزیراعظم کی حتمی تقریر ٹیم ورک کا نتیجہ تھی جس میں سب کی محنت شامل تھی۔ ان کی واپسی کی فلائٹ پہلے سے طے تھی اور مشن پروٹوکول افسران انہیں ایئرپورٹ چھوڑنے آئے۔
ڈاکٹر شمع جونیجو نے سوال اٹھایا کہ خواجہ آصف اب ایسے بیانات کس ایجنڈے کے تحت دے رہے ہیں اور کہا کہ وزیراعظم کو چاہیے کہ وہ اس پر وضاحت طلب کریں کیونکہ یہ ان کی اتھارٹی کو چیلنج کرنے کے مترادف ہے نہ کہ میری۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اقوام متحدہ ایڈوائزر جنرل اسمبلی خواجہ آصف شمع جونیجو شہباز شریف
ذریعہ
ذریعہ: WE News
کلیدی لفظ: اقوام متحدہ ایڈوائزر جنرل اسمبلی خواجہ ا صف شہباز شریف ڈاکٹر شمع جونیجو اقوام متحدہ کا حصہ
پڑھیں:
وزیراعظم کا بی ٹو بی کانفرنس کی پیشرفت کے ماہانہ جائزہ اجلاس کی خود صدارت کا فیصلہ
وزیراعظم اجلاس کی صدارت کر رہے ہیں - فوٹو بشکریہ پی آئی ڈیوزیراعظم شہباز شریف نے چین میں بی ٹو بی کانفرنس کے دوران ہوئی پیشرفت کے ماہانہ جائزہ اجلاس کی خود صدارت کا فیصلہ کیا ہے۔
دورہ چین میں پاک چین بزنس ٹو بزنس کانفرنس کے دوران لیے گئے فیصلوں کی پیشرفت کا جائزہ لینے کیلئے وزیراعظم شہباز شریف کی زیر صدارت اجلاس ہوا۔ جس میں وفاقی وزرا رانا تنویر، احد چیمہ، احسن اقبال، شزا فاطمہ خواجہ اور متعلقہ حکام شریک ہوئے۔
اس موقع پر وزیراعظم شہباز شریف کا کہنا تھا کہ پاکستان اور چین کے نجی شعبے کے درمیان کاروباری روابط میں غیر معمولی اضافہ ہوا ہے۔ یہ اضافہ دونوں ممالک کی اقتصادی شراکت داری کے نئے دور کا آغاز ہے۔
اسلام آباد پاکستان اور چین نے سرمایہ کاری، زراعت...
انہوں نے کہا کہ چین کے ساتھ صنعتی، زرعی اور تکنیکی تعاون سے برآمدات بڑھنے اور روزگار کے نئے مواقع پیدا ہوں گے۔ ہانگژو بی ٹو بی کانفرنس میں ایم اویوز کو جلد باقاعدہ معاہدوں اور مشترکہ منصوبوں میں تبدیل کیا جائے۔
وزیراعظم کا کہنا تھا کہ چین کی اکیڈمی آف ایگریکلچرل سائنسز اور پاکستان ایگریکلچرل ریسرچ کونسل کے درمیان تعاون کو عملی جامہ پہنایا جائے۔ پاک چین مشترکہ منصوبوں سے پاکستان کے زرعی شعبے میں انقلابی تبدیلی لائی جاسکیں گی۔
اجلاس کو بریفنگ دیتے ہوئے بتایا گیا کہ ہانگژو میں 24 مئی کو پاکستان چین بی ٹو بی کانفرنس میں 123 پاکستانی اور 436 چینی کمپنیوں نے شرکت کی۔ کانفرنس کے دوران تقریباً 7.54 ارب ڈالر مالیت کی 207 مفاہمتی یادداشتوں پر دستخط کیے گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ