کوئٹہ میں سیکورٹی فورسز کا کامیاب آپریشن: بھارتی حمایت یافتہ 10 دہشت گرد ہلاک
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ کے مضافاتی علاقے غزہ بند میں سیکورٹی فورسز نے ایک اور کامیاب کارروائی کرتے ہوئے بھارتی حمایت یافتہ دہشت گردوں کے نیٹ ورک کو بڑا دھچکا پہنچایا۔
میڈیا ذرائع کے مطابق انٹیلی جنس اطلاعات کی بنیاد پر کیا گیا یہ مشترکہ آپریشن کئی گھنٹے جاری رہا، جس میں شدید فائرنگ کے تبادلے کے بعد 10 دہشت گرد مارے گئے۔ کارروائی کے دوران سیکورٹی فورسز کے 2 اہلکار زخمی بھی ہوئے تاہم دہشت گردوں کی کمین گاہیں مکمل طور پر تباہ کر دی گئیں۔
ذرائع کے مطابق دہشت گرد گروہ حالیہ دنوں میں بلوچستان میں امن و امان خراب کرنے کی منصوبہ بندی کر رہا تھا اور ماضی میں بھی کئی حملوں میں ملوث رہا ہے۔ دہشت گردوں کے ٹھکانے سے بھاری تعداد میں جدید اسلحہ اور گولہ بارود برآمد ہوا، جسے دیکھ کر اندازہ ہوتا ہے کہ انہیں بیرونی سرپرستی اور مالی امداد حاصل تھی۔
فورسز نے اسلحہ قبضے میں لے کر مزید تفتیش شروع کر دی ہے تاکہ دہشت گردوں کے رابطہ نیٹ ورک اور سہولت کاروں کا سراغ لگایا جا سکے۔
آپریشن کے بعد علاقے کو کلیئر کر دیا گیا ہے اور سیکورٹی اداروں نے شہریوں کو یقین دہانی کرائی ہے کہ ملک دشمن عناصر کو کبھی بھی کامیاب نہیں ہونے دیا جائے گا۔
ذرائع کا کہنا ہے کہ بھارتی اسپانسرڈ دہشت گرد مسلسل پاکستان کے امن کو سبوتاژ کرنے کی کوشش میں ہیں، مگر سیکورٹی فورسز اور عوام کے تعاون سے ان کے تمام منصوبے ناکام بنائے جا رہے ہیں۔
مبصرین کے مطابق حالیہ کارروائی بلوچستان میں قیامِ امن کے لیے ایک بڑی کامیابی ہے۔ یہ اس عزم کا اظہار بھی ہے کہ ریاست اپنی سرزمین پر کسی بھی دہشت گرد کو پناہ لینے یا نیٹ ورک بنانے کی اجازت نہیں دے گی۔ ایسے آپریشنز نہ صرف دہشت گردی کے خلاف جنگ میں اہم سنگِ میل ہیں بلکہ عالمی برادری کو یہ پیغام بھی دیتے ہیں کہ پاکستان دہشت گردی کے خاتمے میں سنجیدہ اور کامیاب اقدامات کر رہا ہے۔
سیکورٹی حکام نے بھی واضح کیا ہے کہ دہشت گردی کے خلاف جنگ آخری حد تک جاری رہے گی اور کسی بھی صورت میں دشمن کو ملک کے امن کو نقصان نہیں پہنچانے دیا جائے گا۔
.ذریعہ: Jasarat News
کلیدی لفظ: سیکورٹی فورسز
پڑھیں:
خیبر پختونخوامیں سیکورٹی فورسز کی کارروائیاں؛ فتنہ الخوارج کے 23دہشت گرد ہلاک
data-id="863a0a8" data-element_type="widget" data-widget_type="theme-post-content.default">
راولپنڈی: خیبر پختونخوا میں سیکیورٹی فورسز نے دو الگ الگ آپریشن کے دوران بھارت کی پراکسی فتنۃ الخوارج سے تعلق رکھنے والے 23 دہشت گردوں کا ہلاک کردیا۔
انٹرسروسز پبلک ریلیشنز ( آئی ایس پی آر ) کے مطابق 16-17 نومبر 2025 کو خوارج کی موجودگی کی مصدقہ اطلاع پر باجوڑ ضلع میں سیکیورٹی فورسز نے ایک انٹیلیجنس بیسڈ آپریشن کیا۔ آپریشن کے دوران فورسز نے خوارج کے ٹھکانے کو مؤثر طریقے سے نشانہ بنایا، جس کے نتیجے میں 11 خوارج، بشمول خوارجی سرغنہ سجاد عرف ابوذر ہلاک ہو گئے۔
آئی ایس پی آر کے مطابق ایک اور انٹیلیجنس بیسڈ آپریشن بنوں ضلع میں کیا گیا، جہاں سیکیورٹی فورسز نے مزید 12 خوارج کو کامیابی سے ٹھکانے لگا دیا۔
پاک فوج کے ترجمان ادارے کے مطابق علاقے میں موجود کسی بھی دیگر بھارتی سرپرستی یافتہ خارجی کی تلاش اور خاتمے کے لیے کلیئرنس آپریشنز جاری ہیں۔
آئی ایس پی آر کا کہنا ہے کہ سیکیورٹی فورسز اور قانون نافذ کرنے والے ادارے “عزمِ استحکام” کے وژن (جسے نیشنل ایکشن پلان کی فیڈرل ایپکس کمیٹی نے منظور کیا) کے تحت غیر ملکی امداد یافتہ اور سرپرستی شدہ دہشت گردی کے ناسور کو ملک سے مٹانے کے لیے اپنی انسدادِ دہشت گردی کی مہم پوری رفتار سے جاری رکھیں گے۔
دریں اثنا خیبرپختونخوا کے ضلع بنوں میں فتنۃ الخوارج سے تعلق رکھنے والا ایک دہشتگرد بے گناہ شہریوں کو نشانہ بنانے کیلئے بارودی مواد نصب کرتے ہوئے ہلاک ہوگیا۔
آئی ایس پی آر کے مطابق یہ واقعہ خوارج کی بڑھتی ہوئی مایوسی کی عکاسی کرتا ہے، جو سیکیورٹی فورسز اور قانون نافذ کرنے والے اداروں کے مسلسل اور مؤثر دباؤ کے باعث اب آسان اہداف کے خلاف بزدلانہ کارروائیوں کی طرف مائل ہو رہے ہیں۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد