چیف آف دی نیول اسٹاف آل پاکستان ہاکی ٹورنامنٹ پاکستان نیوی نے جیت لیا
اشاعت کی تاریخ: 5th, October 2025 GMT
چیف آف دی نیول اسٹاف آل پاکستان ہاکی ٹورنامنٹ پاکستان نیوی نے جیت لیا۔
لاہور میں چوتھے چیف آف دی نیول اسٹاف آل پاکستان ہاکی ٹورنامنٹ کے فائنل میں پاکستان نیوی نے زبردست مقابلے کے بعد ٹائٹل اپنے نام کیا۔
ایونٹ میں ماڑی انرجیز نے دوسری جبکہ پاکستان ایئر فورس نے تیسری پوزیشن حاصل کی۔
ٹورنامنٹ میں ملک بھر سے پاکستان آرمی، نیوی، ایئر فورس، ماڑی انرجیز، رینجرز، پولیس، پورٹ قاسم اتھارٹی اور نیشنل بینک سمیت آٹھ ٹیموں نے شرکت کی۔
تقریب کے مہمان خصوصی نیول چیف ایڈمرل نوید اشرف نے کھلاڑیوں کی حوصلہ افزائی کی اور انعامات تقسیم کیے۔
زکریا حیات بہترین کھلاڑی، احمد ندیم بہترین اسکورر اور عبداللہ اشتیاق بہترین گول کیپر قرار پائے۔
سابق اولمپیئنز، سول و ملٹری شخصیات اور شائقین کی بھرپور شرکت نے تقریب کو یادگار بنا دیا۔
.ذریعہ: Express News
پڑھیں:
قائد اعظم ٹرافی 2025-26 کے شیڈول کا اعلان
ملک کے سب سے بڑے ڈومیسٹک ٹورنامنٹ قائد اعظم ٹرافی 2025-26 کے شیڈول کا اعلان کردیا گیا۔
پاکستان کرکٹ بورڈ (پی سی بی) کی جانب سے جاری کردہ پریس ریلیز کے مطابق قائد اعظم ٹرافی کا 68واں ایڈیشن چھ اکتوبر بروز پیر سے شروع ہوگا۔
قائد اعظم ٹرافی 2025-26 میں 46 فرسٹ کلاس میچز کا انعقاد پشاور، ایبٹ آباد، اسلام آباد اور راولپنڈی میں گا۔
سیالکوٹ ریجن کی ٹیم ٹورنامنٹ میں اپنے ٹائٹل کا دفاع کرے گی۔
قائد اعظم ٹرافی کے ہر راؤنڈ میں کم از کم دو میچ پی سی بی یوٹیوب چینل پر لائیو اسٹریم ہوں گے۔
پہلے راؤنڈ میں عمران خان اسٹیڈیم پشاور اور ڈائمنڈ کرکٹ گراؤنڈ اسلام آباد میں ہونے والے میچز لائیو اسٹریم ہوں گے۔
ٹورنامنٹ میں نو راؤنڈ کھیلے جائیں گے، ہر راؤنڈ میں پانچ میچز ہوں گے۔
لیگ اسٹیج کے اختتام پر دو ٹاپ ٹیمیں فائنل میں مدمقابل ہوں گی۔
Quaid-e-Azam Trophy 2025-26 to get underway tomorrow ????
Playing squads & more details ➡️ https://t.co/0VAvxg6sOD#QeAT pic.twitter.com/qPe5GPD6kO
فائنل 29 نومبر سے 3 دسمبر تک کھیلا جائے گا۔ ٹورنامنٹ جیتنے والی ٹیم کو 75 لاکھ روپے جبکہ رنرز اپ کو 40 لاکھ روپے ملیں گے۔
قائد اعظم ٹرافی کے ہر راؤنڈ میں 10 انڈر 21 کھلاڑی ایکشن میں ہوں گے۔ ہر ٹیم کے لیے اپنی پلیئنگ الیون میں ایک انڈر 21 کھلاڑی رکھنا لازم ہوگا۔
اشرافیہ دو فیصد، مگر وہ پاکستان کی 70 فیصد دولت کھا جاتی ہے، اعتزاز احسن