کیا پاکستان کرکٹ میں عمران خان سب سے کامیاب کھلاڑی رہے؟ وسیم اکرم سارے لحاظ توڑ دیے
اشاعت کی تاریخ: 6th, October 2025 GMT
گزشتہ چند روز سے سوشل میڈیا پر یہ بحث زور پکڑ چکی ہے کہ آیا پاکستان نے کبھی عمران خان سے بڑا کوئی کھلاڑی پیدا کیا ہے یا نہیں۔ اس بحث نے کھیلوں کے حلقوں سمیت عام صارفین کو بھی دو واضح گروہوں میں تقسیم کر دیا ہے، ایک طرف وہ افراد ہیں جو عمران خان کو پاکستان کا عظیم ترین کھلاڑی قرار دیتے ہیں، جبکہ دوسری جانب کچھ صارفین وسیم اکرم، شاہد آفریدی اور دیگر کرکٹرز کو اس اعزاز کا حقدار سمجھتے ہیں۔
Bigger in terms of Cricketing ability? Wasim Akram
Bigger in terms of Star ability? Shahid Afridi https://t.
— Shehzad Ghias Shaikh (@Shehzad89) October 5, 2025
بحث میں شدت اس وقت آئی جب پاکستان کے لیجنڈری فاسٹ بولر اور ’سوئنگ آف سلطان‘ کے لقب سے مشہور وسیم اکرم نے سماجی رابطوں کی ویب سائٹ ایکس پر اس موضوع پر اپنا مؤقف پیش کیا۔ اپنے پیغام میں وسیم اکرم نے کہا کہ پاکستان کی جانب سے پیدا ہونے والا سب سے عظیم کرکٹر صرف اور صرف کپتان عمران خان ہیں، براہِ کرم اس بحث کو یہیں ختم کر دیں۔
The best ever cricketer produced by Pakistan is one and only skipper Imran Khan and please ???? finish this debate right now.
— Wasim Akram (@wasimakramlive) October 5, 2025
وسیم اکرم کے اس بیان کے بعد کئی صارفین نے ان کے مؤقف کی حمایت کی، جبکہ کچھ حلقوں کی جانب سے اختلاف بھی سامنے آیا۔
واضح رہے کہ گزشتہ روز پاکستان تحریک انصاف (پی ٹی آئی) کے بانی چیئرمین اور سابق وزیراعظم عمران خان کی 73ویں سالگرہ تھی، یہ سالگرہ انہوں نے جیل میں منائی۔
یہ بھی پڑھیں: شاہین شاہ آفریدی کیسے وسیم اکرم بن سکتے ہیں؟ سوئنگ کے سلطان نے بتا دیا
پاکستان کرکٹ بورڈ نے عمران خان کو سالگرہ کی مبارکباد نہیں دی ہے، جس پر شائقن کرکٹ کی جانب سے پی سی بی کو تنقید کا سامنا ہے۔
شائقین کرکٹ کا کہنا ہے کہ کیا عمران خان کو محض ان کی سیاسی وابستگی کی وجہ سے نظرانداز کیا گیا یا کوئی اور وجہ ہے جس کے باعث پی سی بی نے انہیں سالگرہ کی مبارک باد دینے سے گریز کیا؟
یہ بھی پڑھیں: میں آج جو کچھ ہوں عمران خان کی وجہ سے ہوں، وسیم اکرم نے سابق کپتان سے متعلق مزید کیا کہا؟
دلچسپ بات یہ ہے کہ اسی ہفتے پی سی بی نے ایک پوسٹ کے ذریعے بیٹر سعد علی کو سالگرہ کی مبارک باد دی، جو صرف 2 ون ڈے انٹرنیشنل (2019ء بمقابلہ آسٹریلیا) کھیلنے والے کرکٹر ہیں۔ اس تضاد نے شائقین کے خدشات مزید بڑھا دیے ہیں۔
یاد رہے کہ عمران خان اس وقت اڈیالہ جیل میں مختلف مقدمات کے باعث قید ہیں یا ٹرائل کا سامنا کر رہے ہیں۔ وہ اگست 2018ء سے مارچ 2022ء تک وزیرِاعظم بھی رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمران خان عمران خان سالگرہ عمران خان کرکٹ وسیم اکرم
ذریعہ
ذریعہ: WE News
کلیدی لفظ: عمران خان سالگرہ عمران خان کرکٹ وسیم اکرم وسیم اکرم
پڑھیں:
تاریخی لارڈز کرکٹ گراؤنڈ سے ورلڈ ٹیسٹ چیمپئن شپ کے فائنل کی میزبانی واپس لے لی گئی
انٹرنیشنل کرکٹ کونسل (ICC) نے تصدیق کی ہے کہ آئندہ سال ہونے والے ورلڈ ٹیسٹ چیمپئن شپ کے فائنل کی میزبانی لارڈز کے بجائے لندن کے دی اوول کو سونپی گئی ہے۔
آئی سی سی کے مطابق ورلڈ ٹیسٹ چیمپئن شپ کا فائنل 9 جون سے 13 جون 2027 تک اوول میں کھیلا جائے گا۔
آئی سی سی نے گزشتہ سال اعلان کیا تھا کہ انگلینڈ کو 2027، 2029 اور 2031 کے ورلڈ ٹیسٹ چیمپئن شپ فائنلز کی میزبانی کے حقوق دیے گئے ہیں، جبکہ ہر ایڈیشن کے لیے میزبان گراؤنڈ کا انتخاب انگلینڈ اینڈ ویلز کرکٹ بورڈ خود کرے گا۔
خیال کیا جا رہا تھا کہ2027 ورلڈ ٹیسٹ چیمپئن شپ کا فائنل ممکنہ طور پر گزشتہ فائنل کی طرح تاریخی لارڈز کرکٹ گراؤنڈ میں ہوگا۔لیکن انگلینڈ کرکٹ بورڈ نے اس کے بجائے دی اوول میں فائنل کرانے کا فیصلہ کیا۔
مزیدپڑھیں:10 لاکھ تک بِلا سود قرضہ کیسے حاصل کریں؟ درخواست دینے کا طریقہ انتہائی آسان
رپورٹ کے مطابق اس فیصلے کی ایک بڑی وجہ لارڈز کی پچوں کے معیار پر خدشات ہیں۔
گزشتہ ماہ انگلینڈ اور نیوزی لینڈ کے درمیان ٹیسٹ میچ کی پچ کو غیر تسلی بخش قرار دیے جانے پر لارڈز کو پہلی بار آئی سی سی کی جانب سے ڈی میرٹ پوائنٹ دیا گیا تھا۔
یہ دوسرا موقع ہوگا کہ اوول ورلڈ ٹیسٹ چیمپئن شپ کے فائنل کی میزبانی کرے گا۔
اس سے قبل 2023 میں بھی فائنل اسی میدان میں کھیلا گیا تھا، جہاں آسٹریلیا نے بھارت کو شکست دے کر ورلڈ ٹیسٹ چیمپئن شپ کا ٹائٹل اپنے نام کیا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع