حکومت کا خصوصی ویزا پروگرام، غیرملکی سرمایہ کاروں کے لیے سنہری موقع
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: حکومتِ پاکستان نے غیرملکی سرمایہ کاری کو فروغ دینے اور ملکی معیشت کو مستحکم بنانے کے لیے ایک اہم اور مثبت قدم اٹھاتے ہوئے خصوصی ویزا پروگرام شروع کرنے کا فیصلہ کیا ہے۔
نجی ٹی وی کی رپورٹ میں وزارتِ داخلہ کے ذرائع کے حوالے سے بتایا گیا ہے کہ اس پروگرام کا مقصد بیرونِ ملک سے سرمایہ کاروں کو پاکستان میں کاروبار کے لیے راغب کرنا اور انہیں تمام ممکنہ سہولتیں فراہم کرنا ہے۔
نئی پالیسی کے تحت بیرونِ ملک سے آنے والے کاروباری افراد کو بزنس ویزے دیے جائیں گے، جنہیں ملٹی پل انٹری ویزا کی سہولت حاصل ہوگی تاکہ وہ پاکستان میں اپنے کاروباری منصوبوں پر باآسانی عملدرآمد کر سکیں۔
یہ ویزا پروگرام خاص طور پر اُن سرمایہ کاروں کے لیے تیار کیا گیا ہے جو پاکستان میں صنعت، ٹیکنالوجی، تعمیرات، توانائی، زراعت، یا خدمات کے شعبے میں سرمایہ کاری کے خواہش مند ہیں۔
ذرائع کے مطابق یہ پروگرام پاکستان کی معیشت میں نئی روح پھونکنے کے ساتھ ساتھ ملک کو علاقائی تجارتی مرکز بنانے میں بھی مددگار ثابت ہوگا۔ دلچسپ بات یہ ہے کہ نئی پالیسی کے تحت افغان شہری بھی بزنس ویزا حاصل کرکے پاکستان میں قانونی طور پر کاروبار کرسکیں گے۔
اس فیصلے سے دونوں ممالک کے درمیان تجارتی تعلقات بہتر ہوں گے اور سرحدی معیشت میں استحکام آئے گا۔
سرکاری ذرائع کا کہنا ہے کہ حکومت کا یہ اقدام “Ease of Doing Business” کے عالمی معیار کے مطابق ہے، جس کے ذریعے پاکستان کو بین الاقوامی سرمایہ کاروں کے لیے ایک پرکشش منزل بنایا جائے گا۔
توقع کی جا رہی ہے کہ اس پالیسی کے نتیجے میں خلیجی ممالک، وسط ایشیائی ریاستوں، چین اور یورپ سے سرمایہ کاروں کی دلچسپی میں نمایاں اضافہ ہوگا۔
معاشی ماہرین نے اس اقدام کو موجودہ حالات میں ایک مثبت پیش رفت قرار دیتے ہوئے کہا ہے کہ اگر حکومت اس پروگرام کو مؤثر انداز میں نافذ کرتی ہے تو نہ صرف براہِ راست غیرملکی سرمایہ کاری بڑھے گی بلکہ روزگار کے مواقع بھی پیدا ہوں گے اور زرمبادلہ کے ذخائر میں خاطر خواہ اضافہ ممکن ہوگا۔
.ذریعہ: Jasarat News
کلیدی لفظ: سرمایہ کاروں پاکستان میں کے لیے
پڑھیں:
غیرملکی ٹیموں کے کامیاب دورے، محسن نقوی کا سکیورٹی فورسز کوخراج تحسین
اسلام آباد(نیوزڈیسک) نومبرمیں المناک واقعہ کے بعد راولپنڈی اوراسلام آباد میں سیکیورٹی ایک بڑا چیلنج بنی رہی۔ چیئرمین پی سی بی اور وفاقی وزیرداخلہ محسن نقوی نے غیرملکی ٹیموں کے دورے کے دوران مثالی انتظامات پرسکیورٹی فورسز کوخراج تحسین پیش کیا۔
چیئرمین پی سی بی اور وفاقی وزیرداخلہ محسن نقوی نے سوشل میڈیا پلیٹ فارم ایکس پر اپنے بیان میں کہا نومبرمیں ایک المناک واقعہ کے بعد راولپنڈی اور اسلام آبادکی سیکیورٹی ایک بڑا چیلنج بنی رہی، راولپنڈی اور اسلام آباد پولیس رینجرز اورپاک فوج نے شاندار کام کیا۔
انہوں نےمزید لکھا کہ ہزاروں جوان اورافسران روانہ ڈیوٹی پرتعینات رہےتاکہ پاکستان کانام اونچا رہے اور ہمارے مہمان ممالک مکمل طورپرمحفوظ محسوس کریں۔شکریہ ٹیم پاکستان،جنوبی افریقہ زمبابوے اور سری لنکا کے بورڈز اور ٹیموں کا بھی شکریہ کہ وہ ہمارے ساتھ کھڑے رہے۔
لاہور ہائیکورٹ: عمران خان کی 9 مئی کے ایک ہی مقدمے کی سماعت کی درخواست بحال