ویمنز ورلڈکپ: بارش نے پاکستانی بولرز کی محنت پر پانی پھیر دیا
اشاعت کی تاریخ: 16th, October 2025 GMT
آئی سی سی ویمنز ورلڈکپ کے سولہویں میچ میں پاکستانی بولرز کی محنت خراب موسم کی نذر ہوگئی۔
تفصیلات کے مطابق پاکستان کا ٹاس جیت کر فیلڈنگ کا فیصلہ بالکل درست ثابت ہوا، ابتدائی اوورز سے ہی پاکستانی بولرز نے انگلش بیٹرز کو دباؤ میں رکھا۔
کپتان فاطمہ ثناء نے عمدہ آغاز فراہم کرتے ہوئے ٹاپ آرڈر کو تہس نہس کردیا۔ ابتدائی 10 اوورز میں انگلینڈ کی 5 بیٹرز پویلین لوٹ گئیں۔
57 رنز پر 6 وکٹیں گرنے کے بعد ایلس کیپسی نے چارلی ڈین کے ہمراہ ٹوٹل کو 78 رنز تک پہنچایا، پھر چارلی اور ایم آرلوٹ نے آٹھویں وکٹ کے لیے 47 رنز کی شراکت بنائی۔
سارہ گلین 3 اور لنزے اسمتھ 4 رنز پر ناٹ آؤٹ رہیں۔
انگلینڈ کی بیٹنگ کے دوران بارش کے باعث میچ کو 31 اوورز تک محدود کردیا گیا۔ انگلینڈ ٹیم نے مقررہ 31 اوورز میں 9 وکٹوں کے نقصان پر 133 رنز بنائے۔
پاکستان کی جانب سے فاطمہ ثناء نے 4، سعدیہ اقبال نے 2،جبکہ ڈیانا بیگ اور رامین شمیم نے ایک ایک وکٹ حاصل کی۔
پاکستان ٹیم کو ڈک ورتھ لوئس میتھڈ کے تحت 31 اوورز میں 113 رنز کا ہدف ملا۔
ہدف کے تعاقب میں پاکستان نے 6.
عمیمہ سہیل 19 اور منیبہ علی 9 رنز پر ناٹ آؤٹ رہیں۔
ذریعہ: Express News
کلیدی لفظ: اوورز میں
پڑھیں:
ورلڈکپ 2027 ، آسٹریلوی ٹیم 8 سال بعد زمبابوے کا دورہ کرے گی
آسٹریلیا(ویب ڈیسک) آسٹریلوی کرکٹ ٹیم 8 سال بعد زمبابوے کا دورہ کرے گی۔تفصیلات کے مطابق آسٹریلیا اور زمبابوے کے درمیان ٹیسٹ سیریز کا فی الحال کوئی امکان نہیں تاہم دونوں ٹیمیں 2026 میں تین میچز کی ون ڈے سیریز کھیلیں گی۔
یہ سیریز جنوبی افریقا میں شیڈول 2027 ورلڈکپ کی تیاریوں کا حصہ ہوگی۔
اس سیریز کے بعد آسٹریلوی ٹیم جنوبی افریقا کے خلاف ٹیسٹ اور ون ڈے سیریز بھی کھیلے گی۔
یہ سیریز ہرارے یا ممکنہ طور پر بلاوایو میں کھیلی جائے گی۔
یاد رہے کہ آسٹریلوی ٹیم آخری مرتبہ 2018 میں سہ ملکی ٹی ٹوئنٹی سیریز کھیلنے زمبابوے گئی تھی جس میں پاکستان ٹیم بھی شامل تھی۔
آسٹریلیا اور زمبابوے کے درمیان اب تک صرف تین ٹیسٹ میچز کھیلے گئے ہیں جن میں سے دو اکتوبر 2003 میں کھیلے گئے جبکہ ایک 1999 میں کھیلا گیا تھا۔
دھاندلی کا الزام ، الیکشن کمیشن نے اسد قیصر کے بیان کا نوٹس لے لیا، کارروائی کا عندیہ