ایشیز: دوسرے ٹیسٹ سے قبل انگلینڈ کو بڑا دھچکا، اہم بولر انجرڈ
اشاعت کی تاریخ: 30th, November 2025 GMT
ایشیز سیریز کے دوسرے ٹیسٹ میچ سے قبل انگلینڈ کی ٹیم کو بڑا دھچکا لگ گیا۔
تفصیلات کے مطابق انگلینڈ کے تیز رفتار فاسٹ بولر مارک ووڈ بریسبین میں شیڈول دوسرے ایشیز ٹیسٹ میں ٹیم کا حصہ نہیں ہوں گے۔
ٹیم مینجمنٹ نے ان کی فٹنس کو مدنظر رکھتے ہوئے سیریز کے باقی میچز کے لیے انہیں احتیاط کے ساتھ استعمال کرنے کا فیصلہ کیا ہے۔
ووڈ نے پرتھ میں کھیلے گئے پہلے ایشیز ٹیسٹ میں پیس اٹیک کی قیادت کرتے ہوئے تقریباً نو ماہ بعد بین الاقوامی کرکٹ میں واپسی کی تھی۔
وہ رواں برس مارچ میں گھٹنے کی سرجری کے بعد سے میدان سے دور تھے۔ انہوں نے آخری ٹیسٹ میچ اگست 2024 سری لنکا کے خلاف اولڈ ٹریفورڈ میں کھیلا تھا۔
یاد رہے کہ 36 سالہ مارک ووڈ نے پرتھ ٹیسٹ کے دوران دیے گئے ایک انٹرویو میں واضح کیا تھا کہ وہ سیریز کے پانچوں ٹیسٹ کھیلنے کی پوزیشن میں نہیں ہیں۔
پہلے میچ میں بھی ہیمسٹرنگ کی تکلیف کے باعث ان کی شرکت مشکوک تھی، مگر نیٹس میں فٹنس ثابت کرکے انہوں نے میدان میں بھرپور رفتار دکھائی۔
انگلینڈ کی جانب سے مارک ووڈ کے حوالے سے احتیاط برتنا فطری امر ہے، کیونکہ ووڈ اپنی بہترین فارم میں دنیا کے ان تیز ترین بولرز میں شمار ہوتے ہیں جو 150 کلومیٹر فی گھنٹہ سے زائد کی رفتار سے گیند کرسکتے ہیں۔
.ذریعہ: Daily Mumtaz
پڑھیں:
بھارت جنوبی افریقہ کے خلاف ون ڈے سیریز پر توجہ مرکوز کر رہا ہے، کے ایل راہول
بھارتی ون ڈے کرکٹ ٹیم کے کپتان کے ایل راہول نے کہا ہے کہ جنوبی افریقہ کے خلاف ٹیسٹ سیریز میں تاریخی شکست کو بھول کر ٹیم اب ایک روزہ میچز میں نئی شروعات کرے گی۔
خبر رساں ادارے رائٹرز کے مطابق، جنوبی افریقہ نے 26 سال بعد بھارت کو ہوم گراؤنڈ پر ٹیسٹ سیریز میں شکست دی، پہلے ٹیسٹ میں 30 رنز سے اور دوسرے ٹیسٹ میں 48 رنز سے بھارت کو ہرا کر۔ یہ بھارت کی گزشتہ سات ہوم ٹیسٹ میچز میں پانچویں شکست تھی، جس میں نیوزی لینڈ نے بھی بھارت کو وائٹ واش کیا تھا۔
سیریز کے دوران بھارت کے مستقل کپتان شبمن گل انجری کی وجہ سے باہر ہو گئے، اور ان کی جگہ وکٹ کیپر بیٹر کے ایل راہول نے قیادت سنبھالی۔ راہول نے رانچی میں صحافیوں سے گفتگو میں کہا کہ ٹیم کا فوکس جیت پر ہے اور گزشتہ ناکامی کو بھول کر ہر میچ پر توجہ مرکوز کرے گی۔
راہول نے مزید کہا، “ہم کل کے میچ پر فوکس کر رہے ہیں اور دیکھیں گے کہ کس طرح اجتماعی کارکردگی پیش کی جا سکتی ہے جو ہمیں کامیابی دلائے، پھر دوسرے وینیو پر جا کر سیریز جیتنے کی کوشش کریں گے۔
ان کے مطابق، سابق کپتان ویرات کوہلی اور روہت شرما کی واپسی ٹیم میں تجربے اور گہرائی کا اضافہ کرے گی۔ “سینئر کھلاڑیوں کی موجودگی ڈریسنگ روم کو اعتماد دیتی ہے اور صرف ان کی موجودگی بھی ٹیم کے لیے مددگار ثابت ہوتی ہے۔
بھارت کے باولنگ کوچ مورنے مورکل نے کہا کہ محدود اوورز کی کرکٹ میں منتقلی ٹیم میں نئی توانائی لے آئے گی اور کھلاڑی بہتر انداز میں کھیل کے دباؤ کو سنبھال سکیں گے۔
بھارت اور جنوبی افریقہ کے درمیان تین ون ڈے میچ 6 دسمبر تک کھیلے جائیں گے، جس کے بعد دونوں ٹیمیں پانچ ٹی20 انٹرنیشنل میچوں میں آمنے سامنے ہوں گی۔
اسلام آباد سے17 برس قبل لاپتا ہونے والی لڑکی کراچی سے مل گئی