اقوام متحدہ کی ایک نئی رپورٹ میں کراچی سمیت کئی بڑے شہروں میں اربن ہیٹ ایفیکٹ کے شدید خطرے سے خبردار کیا گیا ہے،
اس رپورٹ نے اس بات پر نئے سوالات اٹھا دیے ہیں کہ مالی طور پر مشکلات کا شکار حکومت شہری ماحولیاتی آفات کو کیسے روکے گی یا ان کے اثرات کو کیسے کم کرے گی۔
اقوام متحدہ کی اکنامک اینڈ سوشل کمیشن برائے ایشیا و بحرالکاہل (UNESCAP) نے اپنی ایشیا پیسیفک ڈیزاسٹر رپورٹ 2025 میں کراچی کو ایشیا پیسیفک کے ان9 بڑے میگا شہروں میں شامل کیا ہے جن کے مستقبل میں نمایاں طور پر زیادہ گرم ہونے کا امکان ہے۔
اس کی بڑی وجہ تیز رفتار اور غیر منصوبہ بند شہری توسیع اور کمزور انفراسٹرکچر ہے، جو اربن ہیٹ آئی لینڈ ایفیکٹ کو جنم دیتا ہے یعنی گنجان تعمیرات، کنکریٹ اور اسفالٹ گرمی کو جذب اور محفوظ رکھتی ہیں، جس کے نتیجے میں شہر کے درجہ حرارت میں آس پاس کے نسبتاً کم ترقی یافتہ علاقوں کے مقابلے 2 سے 7 ڈگری سینٹی گریڈ تک اضافہ ہو سکتا ہے۔
رپورٹ کے مطابق، یہ شہری بحران تمام شہریوں پر یکساں اثر نہیں ڈالے گا بلکہ بچوں، بزرگوں اور کھلے آسمان تلے کام کرنے والے مزدوروں کے لیے صورتحال زیادہ سنگین ہوگی خاص طور پر جب وہ کم آمدنی والے گنجان آباد علاقوں میں رہتے ہوں۔ جبکہ اس کے برعکس ان حالات سے فائدہ اٹھانے والے زیادہ ترانتہائی امیر افراد اور کاروباری ادارے ہیں، جو ممکن ہے خود ان شہروں میں رہتے بھی نہ ہوں۔مقامی آبادی کے اندر بھی امتیاز واضح ہے۔
سرسبز اور بہتر منصوبہ بند ہاؤسنگ سوسائٹیز میں رہنے والوں پر بڑھتی حرارت کا اثر شاید کم پڑے، مگر شہر کے گنجان اور پسماندہ حصوں میں رہنے والے شہری بجلی کی عدم فراہمی، پانی کی کمی اور صحت کی سہولتوں کا فقدان کے سبب موسم کی سنگینی کازیادہ سامنا کریں گے۔ رپورٹ نے یہ انتباہ بھی دیا ہے کہ ملک بھر میں ممکنہ خشک سالی شہری علاقوں کو مزید گرم کرے گی، پانی کی دستیابی کم کرے گی اور زرعی شعبے کو شدید نقصان پہنچا سکتی ہے، جس کے باعث کئی زرخیز علاقے بنجر ہو سکتے ہیں اور وہاں موجودہ فصلیں اگانا ممکن نہیں رہے گا۔
اگرچہ پاکستان اکیلے موسمیاتی تبدیلیوں پر قابو نہیں پا سکتا، لیکن اسلام آباد اور صوبائی حکومتوں کے لیے ناگزیر ہے کہ وہ سائنس پر مبنی طویل مدتی حکمتِ عملی اختیار کریں، جس میں انتہائی گرمی کو شہری منصوبہ بندی اور آفات کے خطرات سے نمٹنے کے مرکزی نکتے کے طور پر رکھا جائے۔ اس کے لیے ہیٹ ویو سے متعلق ابتدائی خبردار کرنے کے نظام میں سرمایہ کاری، صحت عامہ کے ڈھانچے کو مضبوط بنانے اور فطرت پر مبنی حل جیسے شہروں میں سبز مقامات کا اضافہ ضروری ہیں تاکہ اربن ہیٹ آئی لینڈ ایفیکٹ کو کم کیا جا سکے،لیکن کیا ہمارے وزیراعظم اور خاص طورپر وزیراعلیٰ سندھ ایسا کرنے کی اہلیت رکھتے ہیں۔
٭٭٭٭٭٭٭
.ذریعہ: Juraat
پڑھیں:
فافن نے 23 نومبر کو ہونے والے ضمنی انتخابات مجموعی طور پر بہتر قرار دے دیئے، رپورٹ جاری
فافن نے 23 نومبر کو ہونے والے ضمنی انتخابات مجموعی طور پر بہتر قرار دے دیئے، رپورٹ جاری WhatsAppFacebookTwitter 0 28 November, 2025 سب نیوز
اسلام آباد (سب نیوز) فافن نے 23 نومبر کو ہونے والے ضمنی انتخابات سے متعلق اپنی رپورٹ جاری کردی، جس میں مجموعی طور پر انتخابی انتظامات کو بہتر قرار دیا گیا ہے تاہم انتخابی مہم کی خلاف ورزیوں اور نتائج میں شفافیت کے خلا کی نشاندہی بھی کی گئی ہے۔
رپورٹ کے مطابق ضمنی انتخابات میں ووٹرز ٹرن آؤٹ انتہائی کم رہا جبکہ زیادہ تر حلقوں میں ٹرن آؤٹ 50 فیصد سے بھی کم ریکارڈ کیا گیا۔ فافن نے 122 مبصرین کو تعینات کیا جنہوں نے 373 پولنگ اسٹیشنز کا مشاہدہ کیا۔
فافن کی رپورٹ میں انتخابی ضابطہ اخلاق کی مختلف خلاف ورزیوں کی نشاندہی کی گئی ہے۔ متعدد سیاسی جماعتوں کے کیمپس پولنگ اسٹیشنز کے بالکل قریب قائم کیے گئے، جبکہ 49 فیصد پولنگ اسٹیشنز پر ووٹرز کی آمد و رفت میں سیاسی جماعتوں کی جانب سے سہولت کاری دیکھی گئی۔
رپورٹ کے مطابق 16 پولنگ اسٹیشنز کے اندر انتخابی مواد کی موجودگی بھی دیکھی گئی۔ خواتین، بزرگ اور معذور ووٹرز کے لیے انتظامات غیر یکساں رہے، تاہم 93 فیصد پولنگ بوتھس پر ووٹنگ پرامن اور منظم رہی۔
فافن نے بعض بے ضابطگیوں کی بھی نشاندہی کی، جن میں ووٹرز کو ایکسپائرڈ شناختی کارڈ پر واپس بھیجنے کے واقعات شامل ہیں۔ 29 فیصد بوتھ پر معاون افسران نے بیلٹ پیپر پہلے سے سائن کیے جبکہ 28 فیصد بوتھ پر بیلٹ پیپر پر پہلے سے اسٹیمپ لگانے کے معاملات رپورٹ ہوئے۔
مزید برآں، 6 پولنگ اسٹیشنز پر فارم 45 پولنگ ایجنٹس کو فراہم نہیں کیا گیا جبکہ 43 فیصد پولنگ اسٹیشنز پر نتیجہ فارم پر ایجنٹس سے دستخط نہیں لیے گئے۔ 13 پولنگ اسٹیشنز پر مبصرین کو بھی فارم 45 فراہم نہیں کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی آئینی عدالت نے صحافی ارشد شریف قتل کیس مقرر کردیا وفاقی آئینی عدالت نے صحافی ارشد شریف قتل کیس مقرر کردیا عمران خان کی صحت پر تشویش ہے، علیمہ خان کا محکمہ داخلہ اور آئی جی جیل خانہ جات پنجاب کو خط ملک میں حالیہ ہفتے 14 اشیائے ضروریہ کی قیمتوں میں اضافہ، مہنگائی کی سالانہ شرح 4.32 فیصد تک پہنچ گئی امریکا میں فائرنگ، تاجکستان میں ڈرون حملے کی ذمہ دار افغان حکومت ہے، ترجمان دفتر خارجہ پاکستانیوں کو امارات کے ویزے نہ ملنے سے متعلق حکومت کی وضاحت سامنے آگئی جدہ: اوورسیز پاکستانیز کمیشن کے وائس چیئرمین اور قونصل جنرل کی صحافیوں سے ملاقاتCopyright © 2025, All Rights Reserved
رابطہ کریں ہماری ٹیم
تحائف وصول کرنا کیوں پسند نہیں ہے؟ انوشکا شرما کا انوکھا موقف