ہم انشاءاللہ دوبارہ پاکستان آئیں گے، سکندر رضا کا وطن واپسی پر ٹوئٹ
اشاعت کی تاریخ: 30th, November 2025 GMT
زمبابوے ٹیم کے کپتان پاکستانی نژاد سکندر رضا نے کہا ہے ہم انشاءاللہ دوبارہ پاکستان آئیں گے۔
سہ ملکی سیریز کے اختتام پر وطن واپس جاتے ہوئے سماجی رابطے کی ویب سائٹ ایکس پر جاری پیغام میں سکندر رضا نے پی سی بی اور پاکستانی عوام کا میزبانی کرنے پر شکریہ ادا کیا۔
ان کا کہنا تھا کہ ہمارے ساتھ جس طرح محبت کا اظہار کیا گیا اس پر ہم سب شکر گزار ہیں، ہم انشاءاللہ پھر واپس آئیں گے۔
Thank you Pakistan ???????? and @TheRealPCB for hosting us.
We all thank you for your hospitality and the love you all shared with us
We shall be back again in sha Allah
Khuda Hafiz#visitzimbabwe #alhamdulillah pic.twitter.com/ltZcbkitmJ — Sikandar Raza (@SRazaB24) November 29, 2025
واضح رہے کہ زمبابوے کی ٹیم پاکستان اور سری لنکا کے ہمراہ سہ ملکی سیریز میں حصہ لینے کے لیے پاکستان آئی تھی۔
ابتدائی طور پر سہ ملکی سیریز میں زمبابوے کی جگہ افغان ٹیم شامل تھی تاہم بھارت کے زیر اثر افغان بورڈ نے سیاسی کشیدگی کا بہانہ بناکر سہ ملکی سیریز سے دستربرداری کا اعلان کردیا تھا۔
پی سی بی نے زمبابوے سے رابطہ کرکے سہ ملکی سیریز میں شرکت کی دعوت دی تو زمبابوے کرکٹ بورڈ نے بلاجھجک قبول کرلی اور انتہائی قلیل وقت میں پاکستان کے دورے کے انتظامات مکمل کیے۔
ذریعہ
ذریعہ: Express News
کلیدی لفظ: سہ ملکی سیریز
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع