سرمایہ کاروں کی بھرپور دلچسپی : ہفتے بھر میں اسٹاک ایکسچینج میں 5 سطحیں بحال
اشاعت کی تاریخ: 29th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: گزشتہ کاروباری ہفتے پاکستان اسٹاک ایکسچینج میں سرمایہ کاروں کی بڑھتی ہوئی دلچسپی نے مجموعی کاروباری ماحول کو نمایاں طور پر مثبت رکھا۔ مارکیٹ میں سرگرمی بڑھنے کے بعد نہ صرف سرمایہ کار اعتماد بحال ہوا بلکہ مجموعی رجحان میں بھی مسلسل بہتری دیکھنے میں آئی۔
کاروباری ہفتے کے دوران مقامی سرمایہ کاروں کے ساتھ ادارہ جاتی خریداروں اور میوچل فنڈز کی جانب سے بھرپور انویسٹمنٹ نے مجموعی کاروباری حجم کو اوپر دھکیلا، جس کا اثر بڑی حد تک انڈیکس کی تیزی کی صورت میں سامنے آیا۔
رپورٹس کے مطابق اکتوبر کے دوران ٹریڈنگ رجسٹریشن میں مرد سرمایہ کاروں کا حصہ 87 فیصد جبکہ خواتین کا حصہ 13 فیصد رہا، جو مارکیٹ میں سرمایہ کاری کے بڑھتے ہوئے رجحان کی واضح عکاسی کرتا ہے۔ نئے سرمایہ کاروں کی شمولیت سے مارکیٹ کے لین دین میں تیزی آئی اور مختلف شعبوں میں سرگرمی کا دائرہ وسیع ہوا۔
ہفتے کے آغاز میں معمولی اتار چڑھاؤ کے باوجود مجموعی طور پر تیزی کا غلبہ رہا۔ اپ سائیڈ پرافٹ ٹیکنگ کے باوجود سرمایہ کاروں کی دلچسپی متاثر نہیں ہوئی اور دن کے اختتام تک انڈیکس مختلف اہم سطحیں عبور کرتا رہا۔ اسی رجحان کے باعث 162000، 163000، 164000، 165000 اور 166000 پوائنٹس کی پانچ اہم سطحیں دوبارہ مستحکم ہو گئیں، جو مارکیٹ کی قوت کا نمایاں ثبوت ہیں۔
کاروباری ماحول کو تقویت دینے والے عوامل میں رول اوور ویک کے سودوں کی تکمیل بھی شامل رہی، جس کے باوجود مارکیٹ میں تیزی غالب رہی۔ فرٹیلائزر کمپنیوں کو نئے ذخائر سے گیس فراہمی کی منظوری نے متعلقہ شعبے میں نئی سرمایہ کاری کی فضا پیدا کی، جس نے اسٹاک مارکیٹ کے مجموعی موڈ کو مزید بہتر کیا۔
بین الاقوامی مالیاتی ادارے آئی ایم ایف کی جانب سے دسمبر میں اگلی قسط کی ممکنہ منظوری کے اندازوں نے بھی مارکیٹ سینٹیمنٹ کو مضبوط رکھا۔ معاشی فنڈامینٹلز کے مثبت ہونے سے سرمایہ کاروں میں اعتماد بڑھا اور بڑے پیمانے پر خریداری کے رجحان نے کاروباری حجم میں قابلِ ذکر اضافہ کیا۔
ہفتہ وار کاروباری دورانیے میں دو سیشنز منفی رہے جبکہ تین سیشنز میں نمایاں تیزی دیکھی گئی۔ پی آئی اے سمیت مختلف پاور کمپنیوں کی نجکاری سے متعلق پیش رفت بھی مارکیٹ کے مزاج کو متاثر کرتی رہی اور سرمایہ کاروں نے مستقبل کے امکانات کو مدنظر رکھتے ہوئے سرمایہ کاری کا دائرہ بڑھایا۔
تیزی کے نتیجے میں حصص کی مجموعی مالیت میں 3 کھرب 53 ارب 48 کروڑ 24 لاکھ 25 ہزار 586 روپے کا اضافہ ریکارڈ کیا گیا۔ اسی طرح کل سرمایہ بھی بڑھ کر 188 کھرب 66 ارب 44 کروڑ 01 لاکھ 49 ہزار 612 روپے تک پہنچ گیا، جو گزشتہ کئی ہفتوں میں نمایاں بہتری کی نشاندہی کرتا ہے۔
.ذریعہ: Jasarat News
کلیدی لفظ: سرمایہ کاروں کی
پڑھیں:
کاروباری سرگرمیوں میں تیزی، صنعتی بجلی کی طلب میں 25 فیصد اضافہ
ویب ڈیسک :ملک میں صنعتی بجلی کی طلب میں 25 فیصد کا بڑا اضافہ ہوا ہے۔
تفصیلات کے مطابق حکام نے نیپرا کو بتایا کہ گزشتہ سال کے اسی مہینے کے مقابلے میں اکتوبر میں پاکستان کی صنعتی بجلی کی کھپت میں 25 فیصد کا بڑا اضافہ ریکارڈ کیا گیا ہے۔
صنعتی بجلی کی کھپت میں اضافہ ہونے کے بعد سی پی پی اے حکام نے اکتوبر کے لیے ٹیرف میں 65 پیسے فی یونٹ کمی کی درخواست کردی ہے۔
پاکستان نے افغانستان سے تاجکستان سرحد پر چینی شہریوں پرحملہ بزدلانہ فعل قرار دیدیا
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال