ایران کے نیشنل سیکیورٹی سیکریٹری ڈاکٹر علی لاریجانی غیر معمولی دورے پر پاکستان پہنچ گئے
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :ایران کی سپریم نیشنل سیکیورٹی کونسل کے سیکرٹری ڈاکٹر علی لاریجانی پاکستان کے ایک تاریخی اور غیر معمولی دورے پر اسلام آباد پہنچ گئے ہیں۔
ایرانی حکام کے مطابق یہ دورہ دونوں برادر ممالک کے دیرینہ، مضبوط اور آزمودہ تعلقات کو ایک نئے اسٹریٹجک مرحلے میں لے جانے کی جانب ایک اہم پیش رفت ہے۔
ایرانی سفارت خانہ کے بیان میں کہا گیا کہ بدلتے ہوئے عالمی حالات، علاقائی صورتحال اور خطے کے نئے اسٹریٹجک تقاضوں کے پیش نظر پاکستان اور ایران کے درمیان تعاون کو مزید مضبوط، مربوط اور جدید خطوط پر استوار کرنے کی ضرورت پہلے سے بڑھ گئی ہے، ڈاکٹر لاریجانی کا یہ دورہ اسی سمت میں ایک بڑا قدم سمجھا جا رہا ہے۔
دورے کے دوران دونوں ممالک کے وفود کے درمیان سیاسی، سیکورٹی، سرحدی انتظام، انسداد دہشتگردی، معاشی تعاون اور علاقائی استحکام سے متعلق امور پر جامع اور نتیجہ خیز بات چیت متوقع ہے، یہ ملاقاتیں دونوں ممالک کے تعلقات کو مزید مستحکم کرنے اور باہمی تعاون کے نئے منصوبے طے کرنے میں معاون ثابت ہوں گی۔
پاکستان اور ایران کے تعلقات میں یہ دورہ ایسے وقت پر اہمیت اختیار کر گیا ہے جب خطے میں بدلتے ہوئے حالات کے پیش نظر مشترکہ حکمت عملی اور قریبی رابطوں کی ضرورت پہلے سے کہیں زیادہ محسوس کی جا رہی ہے۔
ذریعہ: Jasarat News
پڑھیں:
وزیراعلیٰ پنجاب مریم نواز شریف سے نیشنل سیکیورٹی ورکشاپ کے شرکا کی ملاقات
وزیراعلیٰ پنجاب مریم نواز شریف نے نیشنل ڈیفنس یونیورسٹی کی 27ویں نیشنل سیکیورٹی ورکشاپ کے وفد کا پرتپاک استقبال کیا اور شرکا کو حکومت پنجاب کے عوامی فلاح و بہبود کے پراجیکٹس اور اقدامات سے آگاہ کیا۔ انہوں نے شرکا کے سوالات کے جوابات دیے اور حکومت کے مختلف شعبوں میں کی جانے والی کامیابیوں پر روشنی ڈالی۔
مریم نواز شریف نے کہا کہ آپریشن بنیان ’مرصوص‘ کی کامیابی کے بعد پاکستان دنیا بھر میں سربلند ہے اور پنجاب میں بہت کچھ کر چکے ہیں اور بہت کچھ ہونے جارہا ہے۔
مزید پڑھیں: آپریشن بنیان مرصوص پر اہم کتاب نے بھارت کے دعوؤں کا پول کھول دیا
انہوں نے وسائل کی غیر منصفانہ تقسیم، احتساب کی کمی اور غربت جیسے مسائل کا ذکر کرتے ہوئے بتایا کہ حکومت نے تعلیم، صحت، ماحولیات اور انفراسٹرکچر کے شعبوں میں کئی اہم اقدامات کیے ہیں۔
وزیراعلیٰ پنجاب مریم نواز شریف نے نیشنل ڈیفنس یونیورسٹی کی 27ویں نیشنل سکیورٹی ورکشاپ کے وفد کو حکومت پنجاب کے عوامی فلاح و بہبود کے پراجیکٹس اور اقدامات سے آگاہ کیا۔شرکاء کے سوالات کے جوابات دیے اور مختلف شعبوں میں کامیابیوں پر روشنی ڈالی۔@MaryamNSharif @pmln_org pic.twitter.com/3RRudEOI1F
— Media Talk (@mediatalk922) November 22, 2025
وزیراعلیٰ نے خاص طور پر بچوں، خواتین اور معذور افراد کے تحفظ اور سہولتوں پر زور دیا۔ انہوں نے بتایا کہ پنجاب میں 30 ہزار کلو میٹر طویل 1650 روڈز تعمیر ہو رہی ہیں، جدید اسپتال قائم کیے جا رہے ہیں، ایئر ایمبولینس سروس کے ذریعے مریض بروقت منتقل کیے جاتے ہیں، اور اسکولوں و کالجوں کو ڈرگ فری بنایا جا رہا ہے۔
مزید پڑھیں: معرکہ بنیان مرصوص: کانگریسی رہنما نے بھارت کی عبرتناک شکست تسلیم کر لی
مریم نواز شریف نے مزید کہا کہ میرٹ، شفافیت اور بروقت فیصلہ سازی حکومت کے رہنما اصول ہیں، اور پنجاب 5 سال میں کرپشن فری بنانے کے لیے اقدامات کر رہا ہے۔ انہوں نے کہا کہ عوامی فلاح و بہبود، تعلیم، صحت اور ماحولیات کے منصوبے مستقبل میں بھی جاری رہیں گے، اور سرمایہ کاروں کے لیے دروازے کھلے ہیں۔
آخر میں نیشنل سیکیورٹی ورکشاپ کے وفد کے سربراہ نے شاندار میزبانی پر وزیراعلیٰ پنجاب کا شکریہ ادا کیا اور حکومت پنجاب کے اقدامات کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں نیشنل سیکیورٹی ورکشاپ نیشنل ڈیفنس یونیورسٹی وزیراعلیٰ پنجاب مریم نواز شریف
چوہدری انوار الحق کیخلاف تحریک عدم اعتماد کامیاب، راجہ فیصل ممتاز آزاد کشمیر کے نئے وزیرِاعظم منتخب