دنیا کو محاذ آرائی کے بجائے تعاون کی راہ اپنانا ہوگی، جنرل ساحر شمشاد مرزا
اشاعت کی تاریخ: 16th, October 2025 GMT
فوٹو: اسکرین گریب۔آئی ایس پی آر
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ’اسلام آباد سمپوزیم 2025‘ کی اختتامی تقریب میں بطورِمہمانِ خصوصی شرکت کی۔
مسلح افواج کے شعبہ تعلقات عامہ آئی ایس پی آر کے مطابق چیئرمین جوائنٹ چیفس آف اسٹاف کمیٹی نے تقریب سے خطاب میں مقررین اور پینلسٹ کی آراء کو سراہا اور عالمی و علاقائی منظر نامے میں تیزی سے رونما ہونے والی تبدیلیوں کا ذکر کیا۔
آئی ایس پی آر کے مطابق جنرل ساحر شمشاد مرزا نے کہا کہ پاکستان علاقائی امن و استحکام کے فروغ کیلئے فعال کردار ادا کرتا رہے گا، دنیا کو محاذ آرائی کے بجائےتعاون کی راہ اپنانا ہوگی۔
آئی ایس پی آر کے مطابق انھوں نے کہا کہ پاکستان ہمیشہ باہمی احترام اور بین الاقوامی قوانین کی بنیاد پر بقائے باہمی کے نظریے کی پاسداری کرتا رہے گا۔
جنرل ساحر شمشاد مرزا نے کہا کہ پاکستان ہمیشہ تنازعات کے منصفانہ اور پرامن حل کی حمایت کرتا ہے، تنازعات میں فلسطین اور جموں و کشمیر کے دیرینہ مسائل شامل ہیں۔
.ذریعہ: Jang News
کلیدی لفظ: ایس پی
پڑھیں:
گلشنِ معمار افغان کیمپ میں شدید ہنگامہ آرائی کے بعد آپریشن روک دیا گیا
کراچی کے علاقے گلشن معمار افغان کیمپ میں شدید ہنگامہ آرائی کے بعد جاری آپریشن روک دیا گیا۔
گلشنِ معمار کے افغان کیمپ میں تجاوزات کے خلاف جاری آپریشن شدید ہنگامہ آرائی کے بعد روک دیا گیا۔ مشتعل افراد نے پولیس پارٹی اور موقع پر موجود ہیوی مشینری پر شدید پتھراؤ کیا جس کے جواب میں پولیس کی جانب سے آنسو گیس کی شیلنگ اور ہوائی فائرنگ کی گئی۔
پولیس حکام کے مطابق مشتعل ہجوم نے گھروں کو مسمار کرنے سے روک دیا، جس کے باعث بلدیاتی عملہ کارروائی مکمل نہ کرسکا۔ پولیس کا کہنا ہے کہ بیشتر افراد افغان بستی کے مستقل رہائشی نہیں تھے بلکہ خالی گھروں پر قبضہ کرنے کے لیے وہاں پہنچے تھے۔
پولیس اور قانون نافذ کرنے والے اداروں کی بھاری نفری علاقے میں موجود ہے جبکہ صورتحال پر قابو پانے کے لیے علاقے کی ناکہ بندی کر دی گئی ہے۔
رپورٹ کےمطابق تاحال کشیدہ ہیں تاہم کسی بڑے جانی نقصان کی اطلاع نہیں ملی۔ انتظامیہ کی جانب سے آپریشن آئندہ حکمتِ عملی طے کرنے تک مؤخر کر دیا گیا ہے۔
دفاعِ وطن کیلئے جانوں کا نذرانہ پیش کرنیوالے حقیقی ہیرو ہیں، علامہ محمد حسین اکبر